Sunday, March 16, 2008

متى ؟؟؟

هل أثرت الحالة المتردية في الحياة العامة التي نعيشها على قدرتنا التفكيرية التي نعيشها في عالم الإحتكاك اليومي المتسلسل والمتلاحق في نهر الأيام لنصل لوضع ربما يكون أكثر إخلالا من أي وقت مضى
تجد تلك التصرفات السلوكية على المستوى الفردي في حياته الروتينية التي يحياها في المجتمع في انحدار سريع وغير مسبوق على أوجه كثيرة وبحالات تكاد تتطابق من فرد لآخر مرورا بالأشياء ذات الشعبية الكبيرة كالأغاني التي أصبحت في انحدار غير مسبوق لنصل لحالة ليس فقط في هذا المجال لكن في مجالات كثيرة من التخلف الفكري والثقافي بدأ من البحث العلمي ومنظومة التعليم بكافة مراحله مرورا بدور الثقافة العامة في توعية الفرد على المستوى الشخصي والمجتمع على المستوى العام

هذه الحالة تقود إلى مستوى أخر من التفكير في البحث عن وسائل عملية وناجعة للوصول لحالة مرضية لوقف ذاك النزيف الفكري والسلوكي إن جاز التعبير على اقل وجه

والبحث أيضا عن حلول جذرية وفعالة لتحسين الوضع الفكري والسلوكي ليترتب عليها بعد ذلك حالة من التغيير المجتمعي السلمي لنصل في النهاية لقيمة عظمى وهي الحفاظ على الأمن القومي للأمة متمثلا ليس فقط في الناحية العسكرية ولكن في نواحي اظن انها أشد خطورة وهي منظومة التفكير التي تبني عليها الأمة قرارتها المصيرية فيما يتعلق بالحرب والسلام والعلاقات الدولية لكي لا نظل دائما في خانة المفعول به طول الوقت وأنه قد ان الأوان لننتقل لخانة الفاعل كما كنا من قبل



والسؤال الان
متى سنصل لتلك الحلول الفالعة للوصول للقمة في يوم ما ؟؟؟


متى ؟؟؟؟

42 comments:

نوري said...

طيب معلش انا هرد ع سؤالك بسؤال
وهو هوانت
حاولت تسأل نفسك نفس السؤال ده
اعتقد لو الكل جاوب مش هنلاقي الايجابات مختلفه
بس يمكن كل واحد هيقول بطريقته
بس هنجمع ع ان
كل مافي الحياه العربيه
يدل ع التاخر بشكل او باخر
ومش هنتقدم الا لو شلنا
من تفكيرنا العربي ان
العرب فشله وان الغرب
ملائكه سماويه منزله
ومنزهه ويجب اتباعها
لان الافكار دي
هي الي بتجيب التأخر والرجعيه

احب ابدي اعجابي
بتشبيهك لينا بالمفعول به
لاننا ديما منصوب علينا
ولا يمكن ان نكون فاعل لان
الفاعل ديما مرفوع

وأاسف للتطويل
و(بست وشز فور يو)0

عايز أتعلم said...

ياعم بلاش الكلام الجامد ده بس ......يوووووووووووه
على العموم انا هرد على قدر اللي فهمته...

انا نفسي بجد نرجع التاريخ وراء شوية ..بس اوعى تخبط في اللي وراك ...لو رجعت هتلاقي ان احنا كنا اسياد العالم كله ..ولكن للاسف اللي ظاهر دلوقتي ده ان الغرب هو اللي متحكم فينا ...احنا اللي بجد المفروض ندور على علاج للي احنا فيه ده

وادعوك لكتابة موضوع عن الحلول اللي حضرتك شايفها برضو ... عشان نستفيد

جزيت خيرا

مشروع انسان said...

هى فعلا مشكلة كبيرة ثقافة المواطن او الانسان المصرى او العربى

وموقفه ممن حوله
مثلا فى حالة الغلاء اللى احنا فيها تجد انه برغم كل ما فيه قابع ساكت

ولا يشارك حتى فى بناء مستقبل افضل من خلال مشاركة فى انتخابات مثلا
مع ان المفروض دى تقدمله مستقبل افضل

بس بيفكر بس فى يومه
مش بفكر الزاهد ولكن بفكر الخائف

ربنا يعينا ويبصرنا

MarwaAshraf said...

إيه يا عم الكلام الضخم أوي ده

ههههههههههههههه

ححاول أقول كلام كبير زي بتاعك

لكل معطيات نتائج .. إذا وجدت معطيات التقدم وجد التقدم والعكس بالعكس

إيه رأيك فيه.. أنفع

هههههههههههههه

يارب نسمع الرد على سؤالك قريب يارب

آخر العنقود said...

انا برده هقولك بلاش الكلام الكبير ده
انت عارف اللى فيها يا ابومالك
:)
بس طبعا انا هعلق انت عارف احنا معديين
:)
المشكلة فعلا اننا بقينا ينقلد بلا وعى
مع اننا لو اعتمدنا على نفسنا شوية
مش هنحتاج لحد بجد
وماحدش بقى يفكر هوه بيسمع ده ليه ؟
او ايه معنى الكلام ده؟
كله ماشى واهيه الدنيا كلها ماشية كده
للاسف فعلا بقينا مفعول وده وصف دقيق منك ماشاء الله
مفعول فى كلللللللللل حاجة

اعتقد بقى ان مت دى؟؟؟؟؟ اجاباتها كتير اولها اننا نرجع لفكرنا الاسلامى الصح والجمع بين العلم والدين

لان ان شايفة انها ميزة كبيرة عنهم
بس للاسف احنا مش بنستخدمها

كلام ملغبط بس ان شاء الله يتفهم منه حاجة

دمت بكل الخير والسعادة

د/اجدع بنوته said...

قممممممممممه

بس احنا نطلع م القاع الاول

صعب اوى نشوف قمه تانى

احنا دلوقت بالمينس ف كل حاجه

اخلاق واعلام واقتصاد وحياه

نطلع بس للصفر

ونشم نفسنا

وبعدين نبقى ندور ع البوزتيف

تحياتى وضاع منى اول كومينت

كان لازم اتعشى يعنى

كنت فضلت جعانه كان زمانى منوره اول كومينت

كالعاده

يلا ملحوقه

بطوط حبوب said...

احنا اتربينا كده

الـسـيـدة نـون said...

على ما اعتقد ان اجابة سؤالك
هى ان احنا نكون متربيين يعنى عندنا اخلاق ومبادئ وقيم ومحترمين
ونعرف ازاى نحافظ على كرامتنا
وبلاش تقليد اعمى لكل ما هو غربى
وياريتنا بتقلدهم فى حاجاتهم الكويسة
دى الخيبة ان احنا بنقلدهم فى اسوء عاداتهم

ده ردى على اللى فهمته من كلامك الكبير

سلام
اختك خيخة

Anonymous said...

اخى الكريم أحييك على حسن الطرح
وأكيد أن اللى بيحصل حوالينا لازم يأثر فينا بس نتمنى أنه يغير فينا شوية روح السلبيه ونبقى إيجابيين أكتر
أدعوك لزيارة مدونتى آفاق الإسلام
تقبل تحياتى

صاحب المضيفة said...

نوري هانم

طبعا سألت نفسي السؤال ده كتير

والاجابة ان كل واحد فينا له طريقة مختلفة في التعبير عن شخصيته


ولو استخدمنا التنوع التعبيري ده في ظل أساسيات محددة من الشرع والعرف والتقاليد


هانوصل لمرحلة متقدمة جدا من التعايش الحضاري مع الاخر


ده من وجهة نظري المتواضعة



دمت بخير

صاحب المضيفة said...

خليفة باشا

بعيدا عن قصة الموؤامرة بالتبعية للغرب والتخلف والرجعية


ما الدور المناط بكل فرد فينا على حدة ولو في محيط دائرته التأثيرية ليكون مجرد لبنه في جدار البناء الحضاري السابق والمستقبلي على نحو سواء


البحث هنا يدور عن حلول فردية جذؤية تبدأ من القاع للقمة



تحياتي

صاحب المضيفة said...

إمام الجيل

وصف جميل لمرحلة دقيقة

ونسأل الله الاستعانة في الحفاظ على ما تبقى من نسيج المجتمع المهترئ باستمرار


تحياتي

صاحب المضيفة said...

راما هانم


كلامك جميل للغاية


ولكن هناك سؤال أجمل


أين هي المعطيات الموجودة حاليا في ظل التخلف والانهيار السريع

إذا

من ضمن الحلول

هو البحث عن المعطيات الدالة للنجاح



تحياتي

صاحب المضيفة said...

اخر العنقود


كلام منطقي واسلوب جميل

وانتي وضعتي ايدك على بداية الحل

لكن المشكلة في التطبيق برضو



تحياتي

صاحب المضيفة said...

أجدع بنوتة


ضاع اول تعليق بسسب الاكل

ملحوقة على رايك


ويارب نطلع من القاع ده قريبا جدا

ومش نفضل تحت ونصبر لما حد تاني يجي ينتشلنا


المشكلة اننا في عالم لا يعرف لغة الحوار ولا التعاون

إذا لابد من الاعتماد على النفس


يارب نعي الدرس بقى


دمت بخير

صاحب المضيفة said...

بطوط حبوب

وبعد لما اتربينا كده


هل فكرنا يوما في طريقة التربية هل كانت صواب أم خطأ


ول كانت صواب لم لا نطورها


ولو كانت خطأ لم لا نصوبها


تحياتي

صاحب المضيفة said...

خيخه هانم


كلامك مظبوط جدا


لكن للأسف اننا دلوقتي بنتنازل عن قيمنا شوية بشوية من غير ما بناخد بالنا برضو

ودي المصيبة


ازاي نحافظ على الباقي ونطور نفسنا للوصول للأحسن



دمت بسعادة

صاحب المضيفة said...

الكريم .. عمر المصري

شرفت بزيارتك للمضيفة

وان شاء الله لنا زيارة لمدونتك


تحياتي

بنوته مصرية said...

عارف هي ايه مشكلتنا

اني احنا بنقلد لمجرد اننا نتقدم

ياريت الشباب بيقلدو حاجه عدلة ومفيده
لكن شوف البنات والشباب لبسهم عامل ازاي

ولا الاعلام من اغاني هابطه وكلامات بذيئة والافلام

زمان كنت بسمع من بابا اني التليفزيون له احترامه يعني مكنش حد بيتكسف لو قاعد يتفرج علي التليفزيون مع اولاده
لان في السينما للكبار وفيها ممكن مناظر ولا لقطات

دلوقتي كله سداح مداح

والاعلانات ميلودي اللي ملهاش لازمه وشتائم فيها ومناظر بوبي دي كمان
حاجه تقرف

احنا لو نبطل نقلد الغرب هنكون احنا احسن منهم بفكرنا
لكن الشباب مش عنده استعداد يفكر ويبتكر لوحده
فاكر اني ده ماشي مع العصر والموضة والاستايل الشيك

بنسبه لرد علي سؤالك
اني كل واحد له التقليد والعادات اللي اتربي عليها وله شخصيته المختلفة
يعني في الاخر المبادئ مش بتتجزء

لك كل التحية والتقدير

رودي

Anonymous said...

براحة شوية علينا يا عم انس
:)
انا شايفة اننا طول ماحنا سايبين نفسنا للغرب نقلده تقليد اعمى عمرنا ماهنتقدم مع ان احنا يكفينا شرف اننا مسلمين وكفى بالاسلام نعمة
بس الحل من الاساس نربى فى ولادنا من الصغر ازاى يبقى معتز بدينه وبلده عشان بعد كدة يصل لمرحلة السيادة بس طبعا الموضوع ده مش هييجى بين يوم وليلة كدة ده هييجى بالتربية الصح للاجيال القادمة

والله المستعان
تحياتى ليك على البوست الهادف ده

صاحب المضيفة said...

بنوتة مصرية


على رأيك

ياريتنا بنقلد في حاجه عدلة او حتى بنعرف نقلد بشكل حضاري

حتى التقليد مش نافعين فيه


ربنا يستر علينا ويحفظنا

صاحب المضيفة said...

العزيزة ... أسماء

انتي جبتي المفيد في الموضوع


المهم تربية الجيل الجاي بطريقة مظبوطة بعيدا عن أدران الحاضر وظلمات المستقبل


يارب نقدر نعمل كده مع كل اللي جاي


تحياتي

مدحت محمد said...

متى سنصل الى القمة
عندما يكون فى ضمير
عندما ينتهى الروتين
وعندما وعندما
اذا اتقينا الله
تحياتى

فرنسا هانم said...

لنصل الى حاله الفاعل يجب ان نجتهد ونجتهد وننسى حبنا للمفعول به والنصب
فدائما يقولون المفعول به منصوب
اذا تخلينا عن النصب
تخلينا غن المفعول به
لان النصب هو داء تلك الامه
فقد مزق النصب اوصالها

محمد said...

عندما نعود لديننا ونطبقه كاملا غير مجزء

Anonymous said...

انا مؤمنه جدا بالحديث الشريف اللى بيقول
ان الله لا يغير ما بقوم حتى يغيروا ما بانفسهم
كل حاجه وحشه بتحصل احنا سببها
كل واحد لما يبتدى بنفسه وينشغل بيها عن متابعة عيوب غيره ساعتها حالنا هاينصلح
الأغانى البيئه اللى انتشرت دى.. ماكانتش هاتطلع لو ماكانلهاش جمهور مقبل عليها وبيشجعها
البحث العلمى لو ماكانش الغرض منه هو الحصول على ترقيه او علاوه كنا بقينا اعظم الأمم
المشكله جوا كل فرد

Anonymous said...

سؤال مهم ومش عايز أى أجابة وعلشان كده هبقى اجى تانى واجاوب بجد

تحياتى لك

بحبك يامصر said...

اجابة سؤالك اخى الكريم
لما نتخلص من الخوف والجبن اللى ساكن جوانا

كلمتى said...

السلام عليكم
ظروف المجتمع عموماً تنعكس على سلوك افراده
يعنى عايز تعرف ظروف المجتمع بص لسلوك افراده
بس بالنسبه لسؤالك (متى )؟
فالاجابه على السؤال ده
على ما اعتقد فيها حل لجميع مشاكلنا
ما اقدرش اقول امتى
بس اقدر اقول ان اللى شايف انه يقدر يعمل حاجه يحاول يعملها
لازم كلنا نحاول نغير نفسنا الاول
نحاول بقدر الامكان نرجع لمبادئناوحتى لو مفيش حاجه اتغيرت كفايه قوى اننا عملنا اللى علينا
تحياتى لسؤالك الجميل

قلوب بتغنى said...

صاحب المضيفه
سؤالك استغربته
لا اعرف لماذا
يمكن لان زى ما قلت الحاله العامه خلتنا منساقين فى حاله من انعدامية التفكير الجماعى

بصراحه احوال مصرنا لاتصر
حزينه عليكى يا بلدى
واى قمه تريد الوصول اليها اذا كنت مربوط فى اسفل سلم السلطه
تحياتى

Ahmed El-Agouz said...
This comment has been removed by the author.
Ahmed El-Agouz said...

هي بنا لنحلم بان تكون
لان الجميع الان يحلم بان نعود
احمد العجوز
اتمني ان نتواصل علي مدونتي المتواضعة

http://a-agouz.blogspot.com/

صاحب المضيفة said...

العزيز .. مدحت محمد


الحل في تقوى الله تعالى

انت جبت المفيد



ربنا يكرمك

صاحب المضيفة said...

خالتي فرنسا


متى سنجتهد حتى نخرج من خانة المفعول به


متى ؟؟؟

يارب يكون قريبا

صاحب المضيفة said...

وضاح باشا


جزاكم الله خيرا على الاضافة الجميلة



دمت بسعادة

صاحب المضيفة said...

وينكي هانم


إجابة مقنعة ومهمة


وكده بيخلي لك واحد فينا دور مهم في ظبط نفسه واصلاحها علشان يعرف يصلح من حوله


تحياتي

صاحب المضيفة said...

بوس بوس هانم


في انتظار اجاباتك


دمت بخير

صاحب المضيفة said...

العزيز .. بحبك يا مصر


لما نتخلص من الخوف

ساعتها

نعرف نعمل لنفسنا حاجه تذكر



تحياتي

صاحب المضيفة said...

الكريمة ... كلمتي

وعليكم اسلام ورحمة الله وبركاته


اجباتك جميلة وهادفة

وده بيعطي دور مهم لكل فرد فينا ليكون له دور في تغيير من حوله وتغيير نفسه معهم


يارب نيجي في يوم نعرف نعمل كده


تحياتي

صاحب المضيفة said...

قلوب بتغني


لازم نعمل حجاه علشان نطلع م نالقمة والا هانفضل تحت على طول



يارب نيجي في يوم نعرف نعمل حاجه تنفعنا وتنفع البلد



دمت بخير

صاحب المضيفة said...

الكريم .. احمد العجوز

شرفتنا في المضيفة ويارب مش تكون اخر الزيارات



دمت بخير

عاشــــــ النقاب ـقــــة"نونو" said...

بيتهيالي احنا بنرجع لورا بسرعة اوي لدرجة ان دلوقتي تفكيرنا كلنا ولا بلاش تسعة وتسعين في المية مننا عمال يفكر هجيب عيش ازاي النهاردة
مستوانا انحدر اوي والواحد خايف اوي من كل حاجة
هنفضل كدة بس لامتى عاوزة نطلع ادام يا عالم
بورك قلمك وتحياتي ليك