Friday, October 17, 2008

وصايا جميلة


دول شوية وصايا كان في مدون محترم علق بيهم عند المدونة المحترمة كاميليا في مناسبة زواجها الميمون ... عجبوني من ساعتها وحفظتهم لحد ما يجي وقتهم ... وأهو جه الوقت الحمد لله

دي وصايا لكل واحدة دخلت دنيا أو هتدخل إن شاء الله

ووصايا لكل واحد هيتزوج وياخد شريكة حياته اللي لازم يتقي الله فيها ويرعاها ويصونها





أول وصية :ـ

إرمى مفتاح الباب اللى هتدخلى منة بكرة وإعتبريه طريق اتجاه واحد واشارة المرور الوحيدة اللى فيه هي طولة البال والتفاهم

التانية :ـ
مافيش حياه خالية من المشاكل حتى لو كلها ود ، وده طبيعى لكن المهم واللى بيعمل فرق هو التفاهم الواعى علشان نخطى فوق المشاكل


التالتة :ـ
بكرة هتبقى انتى وهو شئ واحد اللى يفرحة يفرحك واللى يحزنه يحزنك ، سعادتك مسؤليته وراحته مسؤوليتك ، اى شئ يبان عليه مش حلو انتى المسؤله عنه ، والعكس صحيح برده

الرابعة :ـ
هو هيبقى ولى أمرك وأكيد هو فاهم ومدرك المسؤلية دى، ولى أمرك يعنى طاعته واجبة بعد الله

الخامسة :ـ
اللى يقبل القسمة على اتنين ما يقبلش القسمة على تلاتة، حياتكم بتاعتكم انتوا الاتنين بس ، ومشاكلكم تحلوها انتوا الاتنين بس، علشان كل العدد ما بقى اكبر الكسور بقت اكتر

السادسة :ـ ما تباتوش ابدا وانتوا زعلانين من بعض علشان طول الخيط بيضيع الابرة

والاهم من كل دة الرحمة خليكم رحومين ببعض وعلى بعض


No comments: