Sunday, November 18, 2007

رد تاج أختي صمود

ردا على تاج أختي صمود نبدأ بسم الله تعالى
لومكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟
نظرة فخر مع كثير من الأسى على الحال المتبدل
لوكنت أوروبي أو غير مسلم بردو إيه نظرتك للعرب والمسلمين؟
نفس النظرة مع بعض التعديل طبعا لظروف النشأة المتغيرة
لوقالولك إنت بقيت رئيس جمهورية هتعمل إيه؟
هاغير الوضع القائم طبعا من غير تأخر
لوكان ينفع ترجع طفل تاني وتخليك طفل علطول هترجع؟ وليه؟
طبعا هارجع وهي محتاجة كلام ... دي كانت أحلى أيام عمري من غير هم ولا غم
لوإنت طبيب وعندك مريض ميؤوس من حالته أيهما تفضل إنك تصارحه بالوضع وتقوله كل شيء بأمر الله في الاخرولا تغرس فيه الامل لغاية لما يموت؟
طبعا هازرع فيه الأمل لحد ما ينزل قضاء الله عز وجل ودايما أنا واخد مبدأ في حياتي وهو اللي مش بحب حد يعمله معايا مش بحب أعمله مع حد
لوسمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟
هانزل على رجله أقبلها وأهمس له في أذنه الشريفة صلى الله عليه وسلم بكل الحب والعشق والهيام ... أحبك وسأظل أحيا بحبك
لوخطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون تصرفك إيه؟
إن شاء الله مش تنكتب علينا يا رب لكن برضو يرجع الموقف لوقته وظروفه وأكرر يارب لا تكتبها علينا ... أمين
لوطلعت القمرهتكتب إيه عليه؟
طبعا ... الاسلام هو الحل
لوكنا في عصر ازدهار الأندلس كنت تتخيل نفسك إزاي؟
طبعا كنت أتخيل نفسي مفكر وصاحب أدب وبراعة في الفنون كما يكون لي بعض الفقه وعلوم السنة
أنا مررت التاج ده لحد وما جاوبش عليه أعمل فيه إيه؟
تدعيله ربنا يهديه ويرد عليكي لان كده مش ينفع
بس كده ويارب تكون الاجابات منصفة وواقعية وبعيد عن التكلف والتنطع وسوء الرأي ...
أمين
دعواتكم ...

8 comments:

دكتور حر said...

ماشي ياعسل

ردود بسيطه وجميله

بس انت رديت عليه تحت ضغط ولا ايه

شكلك كده مضروب عليه
طريقة الكتابه
والرد على الأسئله كمان


بس برده حلوه
دمت بخير

Anonymous said...

فعلا ردود بسيطة وجميلة .... رغم توقعى لاجابات اوضح من كده فى بعض الاسئلة مش كلها..
بس واضح انك جوبت بمنطق...خير الكلام ما قل ودل...
ولكنك حقا... وفقت
بارك الله لك وعليك ونفع بك
اللهم امين

ا بـن عــمــر said...

ردود بسيطه ومنطقيه
بس اختلف معك
فى رد الطبيب
ليس المقصود من من ابلاغ الريض
زيادة المرض
ولكن يكن على علم ولو بالتلميح
والتبشير له برحمة الله له
وكرمه
بذات لو مسلم
ليكن مستعدا
للقاء الله

Anonymous said...

أخي الدكتور الحر

انت اللي عسل يا عسل

بعض ما عندكم يا باشا

سلاماتي

Anonymous said...

أختي am. zaied

انا مش شايف غموض في الاجابات خالص

شكر الله لك دعائك الطيب

Anonymous said...

الحاج ابن عمر

الاختلاف في الرأي لا يفسد في الود قضية

جهاد خالد said...

أسرع إجابات قرأتها على تاج

طاخ طاخ طاخ
خلاص خلصنا
شكرا جزيلا
:)


نفعكم الله بما علمكم
جزيتم خيرا

Anonymous said...

اختي صمود

والله اجابات من داخلي فعلا

ليست سريعة ولاحاجه

مش عارف كلكم علقتم نفس التعليق ليه

على العموم شكر الله لك تشريفك

تحياتي