Monday, February 18, 2008

شكر واجب




سلام كبير قوي

أولا ... أحب أشكر كل اللي دخل عندي وهنأني على الخطوبة






بجد بجد مش كنت متخيل كم التعليقات المهولة الجميلة اللي جات من الشرق والغرب ومن ناس كتير أول مرة تشرفني في المضيفة

ويارب كل اللي مش متجوز يتجوز وكل اللي متجوز يتهنى بشريك حياته وكل واحد يعيش في هنا وسعادة

ونيابة عن العروس المصونة باكرر شكري وتقديري لكل واحد وواحده دخل هنا وكتب ولو كلمة واحده حتى


أنا الحمد لله عملت خطوبتي على الضيق كده الجمعة اللي فاتت بعد تلات شهور من الخطوبة الرسمية وبعد تأجيل كتير وكتير لحفلة الخطوبة لكن اللي مزعلني اني مش عرفت أخد كل حبايبي وأصحابي وقرايبي وكنت عاوز أدعي كل عيلتي البلوجرية


لكن حصل ظروف منعت من كده ربنا يسهل وتزول ومردودة في الفرح بإذن الله إن ربنا أحيانا وكتب لنا عمر

ادعوا ربنا يسهل كده علشان في ظروف مش مخلياني أكتب كتير ومش متابع زي الاول وممكن تمنعي من الكتابة الفترة اللي جاية

دعواتكم الكتيرة

مرة أخرى باقول أنه لا يمكن وصف شعوري وأن باكتب الكلام ده


ربنا يسعد الجميع ويرزقهم الجنة والسعادة في الدنيا والاخرة


دمتم بسعادة وهنا

67 comments:

آخر العنقود said...

برضه اووووول تعليق

كلاكيت تانى مرة
الف مبروك الرسمية يا ابو مالك
ربنا يسعدكوا ويتتم بخير ياااااارب


وطببببببببببببعا مش هتقدر تمنعنا من الفرح بقى

انت عارف احنا فرح لوحدنا
:)

اكرمك الله لما يحبه ويرضاه
اللهم آمين

فرنسا هانم said...

الف مبرووووووووووك على الخطوبه السعيده
وربنا يتتم بخير
فين الحلو ؟
والا انت لعبتها مع نفسك خرسه كده
فين يابنى الجاتوه؟
ولا احنا قاعدين فى بنزينه
مره تانيه الف مبروك

رفقة عمر said...

ماشاء الله لا قوة الا بالله
الحمد لله يارب ييسر لك كل الامور ويديم عليك السعادة والرضا اللهم امين يارب العالمين

الـسـيـدة نـون said...

الف مبروك يا ابو مالك
بس خير اتمنى ان الظروف اللى هتمنعك من الكتابة الفترة الجاية تكون خير
يعنى مثلا مشغول مع اميرتك فى تجهيز عش الزوجية
او تكون بتوفر فى خدمة الانترنت علشان تحوش المهر
يارب تكون ظروف حلوة
والمرة دى ماتعزمناش على الخطوبة
بس ماتنساش تعزمنا على الفرح
الف مبروك يا ابو مالك
وسلامى لأميرتك
اختك خيخة

صاحب المضيفة said...

الكريمة أخر العنقود


الفرح من غيركم مش ينفع لأنكم أهلي وناسي وعزوتي


ربنا يخليكم وينفع بكم

وعقبالك يارب

صاحب المضيفة said...

خالتي فرنسا

الله يبارك فيكي يارب ويسعد

أنا بجد فرحان انك دخلتي بدري ده وحطيتي تنهئتك

انا مش لعبتها خرسه ولا حاجه لكن الظروف والله هي اللي بتعمل كده

ربنا يسعدك ويهنيكي يارب

صاحب المضيفة said...

رفقة عمر


شكرا جزيلا على الدعوة الجميلة


وعقبالك يارب

دمت بخير

صاحب المضيفة said...

البت خيخة هانم


يارب يكون المانع خير بس

ادعي يكون خير يارب

وبالنسبة للفرح

ان شاء الله كلكم معزومين طبعا من غير كلام

لان الخطوبة جات كده غصب عني والله بالشكل ده

لكن ملحوقة وهاخد منك الهدايا ومش هانساها طبعا


سلامي لشريف بيه

Anonymous said...

الله يتمملكم على خير
ويا رب تكونو دايما بخير وبسعادة

دمت بخير والف مبروك

ياسر شمس الدين said...

ربنا يوفقك والف مبروك

حواء said...

اول مرة ادخل هنا الاقى حفلة وفرح وزغاريد وخطوبة مبروك ويارب عقبال الزفاف

Anonymous said...

الف مبروك يا باشا

وربنا يتمملك على خير ... ويا رب تكون الظروف دي خير وربنا يكرمك .

وعقبالي كده وافرح زيك بس لما اخلص بس الهم اللي انا فيه ده ..ههههه

ربنا يسعدك
KHALIFA

مشروع انسان said...

الف مبرووووووك مرة تانية
انا قريت انها منعاك من الكتابة
او مأخراك
بس قريت تانى ولقيت ان فيه ظروف
افتكرت فيه اوامر سيادية

:))

ربنا يكرمك ويتمم بخير
بس مطولش فى الاخبار
مش عايزين يبقى المرة الجاية اول مولود
نعرف الفرح قبلها
عشان نصوم اليوم اللى قبله ونستعد للاكل :)

عصفور المدينة said...

ألف مبروك أبامالك
والله يا سيدي انت زعلتني بكلامك اللي فات ده احنا افتقدناك وإن شاء الله ملحوقة

العنقـــــــاء said...

يا صاحب المضيف

ألف مبروك وربنا يتم لك على خير كدا ان شاء الله وتدخل قفص الزوجيه

ومراتك تقفل عليك بالمفتاح

وعيال وبامبرز ومصروف ومدارس وخضار وسوق

ووقوف في عز الضهر تجيب بربع جنيه عيش <<<< الربع جنيه عمله مازال يستخدمها الفراعنه الا انهم خرموه مؤخرا

بجد اتمنى لك التوفيق من المولى سبحانه وتعالى وتكون في اسعد حال ان شاء الله

ما تقلقشي البقين الي فاتوا دوول عباره عن نبذة مختصره عن الحياه الزوجيه موش قصدي اني اعقدك صدقني

تحياتي لشخصك الكريم

سهر الليالى said...

ألف ألف مبروك على الخطوبة وربنا يتمملك على خير
وإن شاء الله نكون معاك فى الفرح ونبارك لأميرتك بنفسنا كمان

ربنا يجعلك كل صعب سهلا برحمتة وتروح كل الظروف مهما كانت

وبعدين متشكرناش لان اكيد كنا احنا كمان فرحانين لما نفرح بحد مننا ونتمنالك كل السعادة من كل قلبنا

ويارب يهنى الجميع
تحياتى
وبرضو مستنية الشربات الأحمر
:)

صوت من مصر said...

الف مبروك ومتصلتش وعزمت يعنى كده فى
واحده خليك فاكرها

قضية عم أحمد Ahmed Case said...

برده هعقولك الف مبروك يا ولد ويتربى في عزو حمادة عزو .....

وافرح واملى الدنيا الدنيا اماني ...

باشا بعد اذنك انا ضفتك عندي في المدونه ...

جهاد خالد said...

الف مبروك كمان مرة

يلا عشان تقعد تشكر كمان شوية
:D

تهانينا لك وللعروس

ودعواتنا لك بعودة اقوى ان شاء الله

semsem said...

انا لسه
الفف الف الف الف ميررررررررروك
مبروك مرة كمان
مبروك مرة تالته

يارب فى سعاده دائما

سمسم 2008

Anonymous said...

الف الف مبرووووووووووك

وربنا يتمم لك بخير يارب
وعقبال مانشوف العروسة بقى
:)

أختك
اسماء ابوزيد

صاحب المضيفة said...

ميتو وريري

شكرا يا باشا على الدعوة الجميلة


ربنا معاك

صاحب المضيفة said...

العزيز ياسر شمس الدين


ربنا يسعد ويهنيك

وعقبال كل من تحبه

صاحب المضيفة said...

الكريمة ... بوسي كات


شكرا على التهنئة الجميلة


ربنا يسعدك

صاحب المضيفة said...

خليقة باشا


ربنا يرزقك عن قريب ويبعد عنك كل وحش يارب


تحياتي

صاحب المضيفة said...

الباشا ... إمام الجيل

هي مش منعتني ولا حاجه

لكن في ظروف أوقى من كده ممكن تمنعي

ربنا يستر

دعواتك وشكرا على التهنئة الحلوة

صاحب المضيفة said...

الباشا الكبير .. عصفور المدينة


يارب يسعدك ويرضى عنك

دعواتك الحارة ربنا يكرمنا على خير

دمت بسعادة

صاحب المضيفة said...

الكريمة ... العنقاء


شكرا كثيرا على زيارتك للمضيفة

شرفتينا وانستينا


دمت بسعادة وود

صاحب المضيفة said...

العنقاء ... الكريمة

ربنا يستر على الزوجية ومصاريفها في الغلاء اللي احنا فيه ده

لكن نعمل ايه بقى

صاحب المضيفة said...

سهر الليالي هانم

الشربات محجوز ومش أقدر أكله عليكم كلكم

بجد أنا فرحان انكم فرحتوا لي يجد

ربنا يسعدكم كلكم

وشكرا على الدعوتين الحلوين دول

تحياتي

صاحب المضيفة said...

صوت من مصر يا غالي


شايلك للتقيل يا معلم

ادعي بس ربنا يتم على خير


تحياتي

صاحب المضيفة said...

أحمد رفعت


ده شرف لي انك ضفتني عن قضية عم أحمد

ربك يسهل وأكون عند حسن الظن بس

تحياتي

صاحب المضيفة said...

النجمة الصامده

ان شاء الله نعرف نرد الجمايل بتاعتكم دي في الأفراح عندكم باذن الله

ادعي بس وربنا يستر في الباقي


دمت بخير

صاحب المضيفة said...

سمسم هانم

براحتك لسه في مكان للتهاني

يارب تتهني على الدعوة الجميلة دي

وعقبالك ألف مرة ومرة


تحياتي

صاحب المضيفة said...

العزيزة ... أسماء أبو زيد



أخلتينا بتشريفك لي في المضيفة

كان المفروض انك تكوني موجودة

لكن انتي عارفه الظروف

ملحوقة باذن الله وان شاء الله تشوفيها عن قريب

تحياتي

Anonymous said...

ألف مبروك الخطوبة
ولو انها متأخرة شوية
عقبال الزواج ان شاء الله

فزلوكة said...

ألف مبروك على الحفلة
باركنا قبل كده على الخطوبة

ربنا يكرمك يارب... ويسعدك
اللهم آمين

عايز أتعلم said...

انا بباركلك بس كمان مرة ياعم

KHALIFA

صاحب المضيفة said...

العزيز ... بهاء


شكرا على التهنئة الحلوة


دمت بخير

صاحب المضيفة said...

فزلوكة هانم

تهانيكي وصلت قبل كده

ويسعدنا تكرارها تاني

عقبال كل اللي بتحبيه

دمت بخير

صاحب المضيفة said...

عايز أتعلم

ماشي يا عم خليفة

مافيش ورانا الا انت بقى

نورت يا غالي

نبضات said...

ألف ألف ألف مبروك ويارب تكون كل أيامكم نجاح وحب وسعاده ونبضات بتهديكوا باقه من الزهور وبتهنيكوا تهنئه فضائيه تدونيه بالسعاده الدائمه
تحياتى

عروسة ننوسة said...

مبروك مبروك ربنا يسعدك ويرزقك بالذرية الصالحة

لحظه من فضلك said...

ارجو الاهتمام بذلك الموضوع الموجود بالمدونه وارجو التضامن معى وشكرا

عبده الرايق said...

عبده الرايق
مدونه ساخره
عبده الرايق
لعب وجد وضحك وضرب ................
عبده الرايق
يقدم لكم احلى تشكيله من المكسرات والمفتفتات والمطحونات والتعلب فات فات وفى ديله سبع لفات
عبده الرايق
راااااااااااااااااااااااااااااااااااايق
ومرووووووووووووووووووووووووووق
والدنيا كاسحاه فى ديلها

د/اجدع بنوته said...

ربنا يتمملك ع خيرر

دعواتنا وقلوبنا وجيوبنا معاكم

ولو اى استشاره او اى مساعده

او اى حاجه

بجد احنا كلنا مع بعض يعنى

وبالتوفيق باذن الله

وان شاء الله تعزمنا كلنا ف الفرح

بس مكان ايه اللى هيستوعب ده كله

ان شالله نقف طابور

نسلم عليكم ونتصور وناخد حتة الجاتوه ونخرج

بس اوعى تحرمناا

م حتة الجاتوه ..

مبرووووووووك للمره السبعين

كاميليا بهاء الدين said...

الف الف مبروك

بارك الله لكما وعليكما
وأسعدكما بالذرية الصالحة
وجعلها سببا لدخولك الجنة
يارب

الف مبروووووك

كاميليا

غني يابهيه said...

اول زياره ليا
مبروووووك وعقبال الفرح ان شاء الله

أمـ الله ـة said...

ألــــ مبروووووووووك ــــف

وربنا يتمم لكم بخير

ويجمعكم على طاعته ويرزقكم بالذرية الصالحة وتكون لبنة فى بناء المجتمع الاسلامى

بنت الصالحين said...

الف مبروك وربنا يكرمكم ويسعدكم
اسفه اني مكنتش من المباركين بسوالله انا كنت منفصله عن النت

عقبال الزفاف وربنا يهنيكم ويسعدكم

عمر محمود said...

أنا آسف للدخول بدون رد ولكن غدا الصيام والقيام والدعاء ضرورى

http://yalaya3mlak.blogspot.com/2008/02/blog-post_24.html
يوم الاثنين صيام وقيام

وانتظرونى بعد غد

صاحب المضيفة said...

الكريمة ... نبضات


جزاك ربي كل الخير على تهانيكي الجميلة

ويارب دايما تكوني في سعادة وفرح

صاحب المضيفة said...

جنه هانم

ربنا يخليكي ويفرحك بالخير


وعقبالك يارب لو مش كنتي لسه اتجوزتي


معلشي بقى اول مرة تعارف وانا مش عارف لسه


شرفتيني في المضيفة ويارب مش تكون اخر مرة

صاحب المضيفة said...

لحظة من فضلك


شكرا على المرور الجميل

وان شاء الله ندخل عندكم ونشوف القضية


دمت بخير

صاحب المضيفة said...

سي عبده الرايق


شكرا يا كبير على الدخول الطيب

ويارب مش يكون اخر مرة تشرفنا في المضيفة


تحياتي

صاحب المضيفة said...

أجدع بنوتة

ان شاء الله كلكم معزومين على الفرح

وان شاء الله هايكون في جاتوه


شكرا على المرور الجميل


تحياتي

صاحب المضيفة said...

الكريمة .... كاميليا



الله يبارك فيكي ويكرمك

ويارب دايما في سعادة وفرح وطاعة


دمت بخير

صاحب المضيفة said...

جمهورية مصر العربية


سلم لي على بهية

وان شاء الله مش تكون اخر مرة لدخولك المضيفة



وشكرا على التهاني الحلوة


تحياتي

صاحب المضيفة said...

الكريمة .... أمة الله


شكرا على التهاني الحلوة

ويارب يرزقك الذرية الصالحة ويمتعك بحياتك في طاعة رب العالمين



تحياتي

صاحب المضيفة said...

عاشقة الفردوس


ربنا يكرمك على التهاني الجميلة


ومشكلة النت دي عند معظمنا


تحياتي

صاحب المضيفة said...

عمر محمود

ولا يهمك وتشرف في أي وقت


ومنتظرينك مرة أخرى

تحياتي

همس الاحباب said...

انا لسه عارف طبعالانى اول مرة ازور مدونتك والف مليون مبروك
وعقبال الليلة الكبيرة
واحنا معزومين وانجيب الشربات معانا
تحياتى خالد

عبدالرحمن الشافعي said...

ألف ألف مبروووك

أنا آسف ..والله ما كنتش موجود علشان أقرأ البوست إلي فات ..إنا لبسة عارف من الابوست ده

أنا آسف...وعموما ألف ألف ألف ألف ألأف
...
...


....



....
...
...
...
...
..



عروسة تتمناك

هههه

وربنا يتمم على خير
ويارب يسعدك
وعقبالي بقى
علشان أنا خلاص زهقت من العزوبة

هههههه
ما تخافشي هدعيك
ههه
تحياتي لك

صاحب المضيفة said...

الكريم ... همس الأحباب



شكر الله لك على مرورك الكريم بالمضيفة


ويارب تكون عجبتك


شكرا مرة أخرى على التهنئة


تحياتي

صاحب المضيفة said...

الحاج عبد الرحمن


تسلم يا غالي على التهاني الجميلة


وان شاء الله معزوم في الفرح من غير تأكيد



تحياتي يا غالي

سقراط said...

انتى اتخطبتى
الف مبروك الف مبروك
كلنا لها
عموما الحمد لله برضة على كل حاجة
لازم نحمد ربنا على كل حاجة
انا طبعا اول مرة ازور مدونتك وان شاء الله اكون زائر مستديم

حمامة said...

معلش جايين متأخر
ألف مبروك يا باشا وعقبال الفرح
ولازم تعزمنا ملناش دعوة
مع اننا جداد ف المنطقة بس برضه

ربنا يباركلك ويتملك على خير يارب

:)