Friday, April 18, 2008

تاج من منى زكي


وصلني التاج ده من أختي الفاضلة منى زكي ... صاحبة مدونة موجودة أنا

وبصراحة يا جماعة التاج صعب حبتين وربنا يستر علينا منه

نبدأ على بركة الله

عشر حاجات عن نفسي

أولا - انسان عادي جدا وبيحب دينه لدرجة العشق والوله بيه

ثانيا - أفهم الدين بشموليته وموسوعيته الجميلة ووسطيته الرائعة ليشمل أنماط حياتنا المختلفة على أي شكل وباتمنى ان كل فرد في الدنيا دي يفهم الدين صح ويعيشها صح من غير نكد ولا ضيق ولا صور مغلوطة عنه


ثالثا - أحب النظام بل أعشقه عشقا غريبا لدرجة تتعبني في حياتي العامة والخاصة على السواء

رابعا - أحب الأدب والأدباء وأعشق الكلمة الهادفة والجميلة وأحب اللحن الجميل والكلمة الحلوة أيضا لو اجتمعا بيكون لهم تأثير غريب علي

خامسا -بحب الحرية والرومانسية جدا وبحب أشوف الناس كويسة وحالتها تمام وباكون سعيد جدا بكده

سادسا - بازعل جدا وبيأثر في نفسي منظر أي حد تعبان في الشارع سواء كان تعب عقلي أو تعب معيشي حتى ... وبتأمل في الحالة وباقعد اقول الحمد لله على نعمه اللي لا تحصى ويارب تفرج هم كل مكروب

سابعا - أعشق كل شيء جميل في ذاته وجميل في غيره وأحب جدا الأعمال المتعدية النفع وأن أدخل السرور على قلب من يهمني امره أو حتى أي شخص طلب مني أي شيء

ثامنا - أميل للعزلة أحيانا والتفكر فهي تكون مراجعة مفيدة للعقل والروح على أي حال

تاسعا - أتمنى ان كل واحد يفهم دينه صح ويحاول يطبق دينه بروحه مش بمظاهره فقط وساعتها هايكون تأثير الدين في حياته غير عادي وهانكون أفضل بكتير

عاشرا - أستمتع بتفاعل عائلتي الجديدة من أصدقائي المدونين وأطرب لردودهم جدا وأحمد ربي على أن أكون سبب في تنبيههم لشيء جميل في حياتهم بطاعة ربنا في كل امور حياتنا وباكون سعيد جدا لما أعرف أعلم واحد انه ازاي يستمتع بحياته من غير ما يغضب ربنا


أمرر التاج ده ل ...

دكتور حر

بت خيخة

اخر العنقود

just-amuslim

فرنسا هانم

صمود


100 comments:

آخر العنقود said...

ايه ده بقى ؟
تاجين كده ع الصبح يا ابومالك
واجد منك والتانى من خيخة
:(

أمرى لله ربنا يسترها

اجابتك جميلة يا ابومالك
وأعتقد ان فى بعض الصفات اللى قلتها ممكن تكون واضحة للى متابع كتاباتك

كالعادة اجابت بسيطة لكن فى الصميم يا ابومالك
:)

متشكرين اوووى على التدبيسة دى قصدى ع التاج

دمت بخير وسعادة

فرنسا هانم said...

اخى العزيز صاحب المضيفه
شكرا على التاج
بس انا جاوبته مع تاج العسقلانى
هو انت محضرتش توزيع المناصب ولا ايه ؟؟
عموما
انا مثلك احيانا احب العزله
ولكنى
اختلف معك فى انى احيانا اكرهها
ويحيا النظام

بحبك يامصر said...

استاذنا صاحب المضيفه
للمتابع لمدونتك سيجد صفات كثيره من ما قلتها فى تدويناتك انا عن نفسى كنت واخد عنك فكرة فهمك للدين بالوسطيه والشموليه
وبارك الله فيك

العاشقة said...

تبارك الرحمن

إجابات غاية في الرقة والعذوبة

تشف عن روح تحمل معالي المبادئ وتسعى نحو العلا
...

تحيات
و
سلامات مُسبلات

"النجم القادم" said...

الله ينور على الاجابات العشر الرائعة

بنت الصالحين said...

ده فعلا تاج صعب اوي

بس اجابات حضرتك رائعه ربنا يباركلك

عصفور المدينة said...

ما أطيبها من عشرة وما أطيب من اندرجت بين جنباته

بطوط حبوب said...

ما شاء الله اجاباتك جميله اوى

اخاف من الذين يتكلمون كثيرا على شموليه الاسلام
رغم عدم اعتراضى عليها اصلا - هو فى مسلم يعترض ان الاسلام شامل
انما اعترض على فهم البعض لها
حتى ادخلوا فيها
الموسيقى الاسلاميه
والنحت الاسلامى
والله المستعان

صاحب المضيفة said...

اخر العنقود


برنا يبارك فيكي ويحفظك

ورينا بقى همتك في الاجابة عن التاج


لما نشوف


دمت بد

صاحب المضيفة said...

خالتي فرنسا

ربنا يسعدك يارب

سبقني بها العسقلاني


لكن يالا
المهم نشوف الاجابات الرائعة بتاعتك على طول


تحياتي

صاحب المضيفة said...

بحبك يا مصر


تسلم يا غالي على مرورك الطيب

أخجلتنا بتواضعك يا فندم

دمت بسعادة طول الوقت يارب

صاحب المضيفة said...

العاشقة


سلمتي من كل مكروه

وشكر الله لك مرورك بالمضيفة

وياريت مش تكون اخر مرة


تحياتي

صاحب المضيفة said...

النجم القادم

وعليك يا فندم


تسلم يارب

صاحب المضيفة said...

عاشقة الفردوس


ده من ذوق حضرتك


ربنا يستر ونكون عند حسن الظن فقط


دمت بكل الود

صاحب المضيفة said...

عصفور المدينة


نورت جنبات المضيفة بتشريفك يافندم



تحياتي وأشواقي

صاحب المضيفة said...

بطوط حبوب


تسلم يا أخي على مداخلتك

والاختلاف لايفسد للود قضية

وحلاوته

ان يكون اختلاف تنوع وليس اختلاف تضاد


دمت بود وسعادة

مـحـمـد مـفـيـد said...

ياسيدي يا سيدي
ايه الحاجات الجامده دي
:)

ToOoKa said...

السلام عليكم ورحمة الله وبركاته
كل اللى أقدر أقولو

ربنا يكرمك ويسعدك دنيا وأخره

ويارب يارب يستخدمنا ربنا فى رضاه وطاعته

بس على فكرة مدونتك فضحاك بمعظم الصفات اللى قولتهاp:

خلى بالك على نفسك
أختك توكا

aya said...

السلام عليكم اخى

سابقا لم اقصد ابدا ان القى عليك تحية القبور
ولكن اظن فى معناها لا تعنى فقط القبور

ولكن ليست تلك قضيتنا


اتمنى من الله ان لا اكوت سببت لك اى ضيق

وفى التاج هنا

العشرة اشياء عنك تستحق منى وتفرض على ان احترم صاحب تلك العشرة نقاط

دمت فى حفظ الله
واسفة مرة اخرى
سامحنى اخى الفاضل

mohand said...

عشر حاجات بس ؟


كنا عايزين عشرين ولا تلاتين يا اخي

تحياتي

مشروع انسان said...

ايه اوجه التشابهة دى
قريبين جدا من بعض
فى كثير من الصفات على فكرة

الظاهر اننا قرايب
حتى اسال دكتور حر
:)

ربنا يكرمك
ويبارك فيك هذه النفس الطيبة

Lobna Ahmed Nour said...

بجد اجابات رائعة وواضحة جدا من شخصية المضيفة وتعاملك مع المدونين

ادام الله لك كل الخير

صاحب المضيفة said...

مفيد باشا

بعض ما عندكم يا كبير


ربنا يكرمك

صاحب المضيفة said...

سمو الأميرة توكا


ربنا يكرمك


الحمد لله ان المدونة طابقت الصفات الشخصية


كدا أثبت لنفسي ان الظاهر زي الباطن

الحمد لله تعالى على كل حال


دمت بكل الخير

صاحب المضيفة said...

الكريمة ... اية

لم أقصد ابدا الاساءة لك


ولكنه استطراد للكلام فقط


تحياتي وعذرا مرة أخرى على الموقف

وشكرا على مرورك الكريم


دمت بخير

صاحب المضيفة said...

مهند باشا


والله ان كان عن نفسي كنت عاوز اكتب شوية حاجت كمان


لكن التاج جه كده

اعمل ايه بقى

على العموم ... ملحوقة يا باشا


دمت بخير

صاحب المضيفة said...

اما الجيل

لو كنا قرايب يبقى شرف كبير جدا

ولم مش كنا كده

يكفيني شرف المعرفة

أتمنى لقياك قريبا


دمت بود

صاحب المضيفة said...

يونك هانم

لي الشرف أن اتعامل مع مثقفين واخوتي في عالم المدونين

علم ثري بحق


ربنا يكرمك ويبارك فيكي


دمت بخير

just-amuslim said...

جزاكم الله خيرا كثيرا على ارسال التاج لنا ..

وتعليقي على العشر نقاط بعشر ان شاء الله
اولا::تعريف مبسط ورائع لكم
ثانيا::نتمنى معك ولكن ليس كل ما يتمناه المرء يدركه ان لم يتبعه بعمل
ثالثا::دي بجد النقطة الجامدة جدا وعلى رأي اخواننا الانجليز بيقولوا (أتراكتف)
او أعرت انتباهي جداجدا اصل من النادر ان نجد ولدا او شاب رجل يعني بيحب النظام ..ومن الاصعب ان نجد فتاة تحب النظام

بجد احييك عليها جدا جدا جدا
ربنا يجعلنا من أهل النظام عشان بقينا حاجة وحشة خالص في الموضوع ده

رابعا ::واضح جدا وان كنت ابتسم و...

مش لازم

خامسا::ما اظنش ان دي تخفى عن حد :)

:D
سادسا::اللهم احشره من زمرة المساكين
قل آمين

سابعا ::اصل النظام بداية كل جميل

ثامنا::بردو النقطة دي حلوة اوي
عشان كده ممكن احيانا بتعتبر نفسك وحيد

تاسعا ::أنا ايدي تعبت من الكتابة
عاشرا ::بردو ايدي التانية تعبت من الكتابة

:)

تحية على الاجابة الدوبلوماسية


وتحية لتلك الاجابات التي خلف الكواليس

Anonymous said...

اجابات تحترم من شخص ذكي .. مش جديدة عليك يا صاحب المضيفة..وفعلا في الصميم

Anonymous said...

عشر صفات رائعة لشخص واع محب لدينه
بارك الله فيك
ونفع بك
تقبل تحياتي

الفارس الملثم said...

اجابات جميلة ومميزة يا بومالك وتنم عن شخصية ذات وعي وثقافة , وكلها صفات نبيلة لانسان نبيل ..

مع خالص تحياتي

الـسـيـدة نـون said...

انا زيك فى نقطة يا ابو مالك
بعشق النظام والترتيب جداااااااا
حلوة اجاباتك يا انس
بتبين مدى انسانيتك
تحياتى ليك
اختك خيخة

صاحب المضيفة said...

أختي ولاء

يارب نكون كلنا أتراكتف على رأي اخواننا الانجليز

بجد

اجابات عشر رائعة على النقاط العشر

تحياتي وفي انتظار اجاباتك هناك

دمت بخير

صاحب المضيفة said...

سمية أبو زيد

ربنا يعزك على الكلمتين الحلوين دول


تحياتي

صاحب المضيفة said...

المحبة لدينها


جزاكم الله خيرا على مرورك الطيب


دمت بخير

صاحب المضيفة said...

الفارس الملثم

بعض ما عندكم يا فندم


ربنا يكرمك ويعزك على المرور الطيب



دمت بسعادة

صاحب المضيفة said...

نوران هانم


انا باحب النظام جدا


وباتمنى الناس كلها تكون منظمة في حياتها

صدقيني ... الدنيا هاتتغير تماما بالشكل ده


لكن امتى الكلام ده بقى ؟؟؟ امتى



سلامي لشريف باشا

جهاد خالد said...

بالنسبة للاجابات

فليست غريبة على شخصك هذه الروعة

أما عن التدبيسة

:(

فربنا يسامحك

mnoon said...

كنت متوقعه إن شخصيتك تكون كده

بجد شخصيه جميله

وعاجبنى إنك فاهم الدين صح

ومتفقه فى شخصيتى معاك فى حب العزله

والنظـــــــــــام لدرجه تضايق

وبعدين فين قواعد التاج

بعته ل8 يارااااااااااجل

Empress appy said...

تصدق انا وانت متفقين انا وانت فى كله ماعدا رابعا انا مش بحب القراءه خالص
بس من كلامك فعلا تبان انسان طيب جدا جدااااا لابعد الحدود

صاحب المضيفة said...

النجمة الصامدة


اولا

أخجلتمونا بتواضعكم


ثانيا

لا تدبيسة ولا حاجه


ربنا يسهل باذن الله والاجباة تكون سهلة وبسيطة


دمت بخير

صاحب المضيفة said...

الكريمة ... منى

طيب الحمد لله ان الواحد طلع ظاهره زي باطنه


وبعدين خمسة من تمانية مش فارق كتير


تحياتي

صاحب المضيفة said...

الكريمة .. ابي


والله ده من ذوقك بس


ربنا يكرمك على مشاركتك ويارب دايما حياتك في طاعة وقرب من الله تعالى ورسوله صلى الله عليه وسلم



دمت بود

كلبوزة لكن سمباتيك said...

ربنا يوفقك

تحياتي

صحفية روشة said...

اول مرة هطلب زيارة محتاجه جدا جدا اجابات على البوست الاخير بمدونتى
شكرا

مدحت محمد said...

اهى هى دى الاجابات ولا بلاش
بجد ربنا يوفقك
ياريس
ويكرمك
تقبل منى كل تقدير واحترام

صاحب المضيفة said...

سمباتيك هانم

يارب يسمع منك


تحياتي

صاحب المضيفة said...

صحفية روشة

حاضر

ان شاء الله نروح ونشوف الأسئلة ونجاوب باذن الله



دمت بخير

صاحب المضيفة said...

الكريم .. مدحت محمد


ربنا يتقبل دعائك ويرزقك مثله وزيادة


تحياتي ودعواتي

كاميليا بهاء الدين said...

يااااه

انا جيت متأخر اوى

عشر حاجات عن نفسك
تقريبا معظمها واضحة جدا فى شخصيتك
لمسناها فيك
فى حروفك

دمت بقلبك الجميل

Ahmed El-Agouz said...

بجد انا شايف انسان بمعني الكلمة
ربنا يكرمك ويوفقك
اجابات رائعة
العجوز

ahmed saker said...

السلام عليكم و رحمة الله و بركاته
اجابات جميلة و موفقة منك و تلك الصفات تبدو بالفعل فيك من موضوعاتك الجميلة التي تكتبها و اتمني ان يكون ذلك في ميزان حسناتك يو القيامة
و السلام عليكم و رحمة الله و بركاته

سهر الليالى said...

بصراحه ما شاء الله
ربنا يزيدك ويحفظك ويرضى عنك

وعلى فكرة فى حاجات من اللى قلتها لمستها من مدونتك

دمت بكل ما هو جميل

Anonymous said...

يا تاجاتك يا ابو مالك

حلوة اجاباتك بجد

صاحب المضيفة said...

كاميليا هانم


ربنا يكرمك ويعزك


شكرا على مرورك الطيب


تحياتي

صاحب المضيفة said...

العزيز .. العجوز


ده من ذوقك والله يا احمد

ربنا يبارك فيك ويجعلك من جنوده



دمت بخير

صاحب المضيفة said...

احمد عسكر

وعليكم السلام ورحمة الله وبركاته


ربنا يعزك على مرورك الجميل


تحياتي

صاحب المضيفة said...

سهر الليالي

شكرا على مرورك الجميل


تحياتي

صاحب المضيفة said...

شيماء هانم


ربنا يرزقك الخير حيثما كنت


دمت بخير

ahmed saker said...

السلام عليكم و رحمة الله و بركاته
......استاذي لعزيز
اسمي هو احمد صقر و ليس احمد عسكر
و شكرا مرة اخري علي اجابتك الجميلة

بسمه عبدالباسط said...

تاج جميل جدا وأجابات أجمل
بارك الله فيك وجزاك كل خير

تحياتى لكى

Anonymous said...

ايه ياعم انس ..

كنت فاكر انك هتكتب عني اني من اهم 10 حاجات في حياتك ..!!

على العموم انا عارف انه من غير ماتقول فأنا أهم حاجة في حياتي .. قصدي في حياتك ..



سلامات ..



... الحاج بلال

قلوب بتغنى said...

صباحو يابو مالك
انت شخص جميل وحساس
بارك الله فيك

فزلوكة said...

إجابات تمام جدا
عادة لما ألاقى حد فاهم الدين صح بفرح جدا وحضرتك ماشاء الله عليك

بالتوفيق دائما

صاحب المضيفة said...

عزيزي ... احمد صقر

معذرة على الخطأ المطبعي ده


وان شاء الله مش ها يتكرر


تحياتي يا جميل

صاحب المضيفة said...

قلوب بتغني

ربنا يكرمك ونتشكر جدا على ذوقك الطيب


تحياتي

صاحب المضيفة said...

فزلوكة هانم


شكرا جزيلا على مرورك الطيب

يارب يجعل لك من الخير نصيب



امين


تحياتي

آخر العنقود said...

تم الرد على التاج ياابومالك

يارب اكون وفقت فيه

وابقى تعالى قولى رأيك

سلاااااااااااامات

جنّي said...

صديقي
من الصعب على أي إنسان أن يتحدث عن نفسه .. ولكني أراك كما اجبت من خلال تصفح مدونتك ونحسبك كذلك ولا نزكيك على الله .. وأوجز تعليقي على إجابتك العاشرة .. فما أجمل أن يحيا الإنسان حياته في طاعة الله عندها يستشعر حلاوة حياته .. وأدعوك لقراءة بوست الحياة أجمل بطاعة الله في مدونتي ..
شكر الله لك وتحياتي
said

Salma Amer said...

إجابتك بسيطة و رقيقة جدا علشان كدة اعتقد انك اجبت على تاج بقتدار

تحياتي لك

elsa7era said...

سؤال لو سمحت انت ازاى عرفت تجاوب على التاج دة دى حاجة صعبة قوى ربنا يقوى الى بعتلهم التاج
اجاباتك جميلة ومنتقية
سلااااااااااام

elsa7era said...

اسفة نسيت اقولك تسلملى على منى بنت زكى

صاحب المضيفة said...

اخر العنقود

شفنا الرد

ربنا يبارك فيك على ردك الجميل


تحياتي

صاحب المضيفة said...

جني باشا
ربنا يكرمك على ردك الجميل



دمت بود

صاحب المضيفة said...

سلمى هانم


ربنا يبارك لك على مرورك الجميل


دمت بسعادة

صاحب المضيفة said...

الساحرة

جاوبت عليه بالكتابة على الكيبورد


هههههههههه


ربنا يبارك فيكي على الاطراء الطيب


دمت بود

Unknown said...

ربنا يوفقك
الى الامام دائما

Unknown said...

ربنا يكرمك
العشر حجات لله وفي الله
ربنا يبارك لك

رفقة عمر said...

ماشاء الله اجابات حضرتك جميله
عارف احلى حاجه فى اجابات التاجات
اننا بنتعلم منها لان ممكن تكون هناك اشياء تايه عننا ومن الاجابات ننتبه لها
جزاك الله خيرا
وادام الله عليك نعمه السعادة والرضا

حنين القلب said...

السلام عليكم
عجبتنى اجابتك على التاج جداااااااااااا وتسلم ايدك
سلام

صاحب المضيفة said...

theriddle


شكرا على مرورك الطيب


تحياتي

صاحب المضيفة said...

نسرين هانم


ربنا يكرمك وشكرا على ذوقك جدا



دمت بسعادة

صاحب المضيفة said...

رفقة عمر

ربنا يبارك فيكي يارب ويحفظك

الواحد بيتعلم منكم على طول


تحياتي

صاحب المضيفة said...

حنين القلب


وعليكم السلام ورحمة الله


شكرا جزيلا على ذوقك الرفيع ده

دمت بود

دنـيـا محيراني(ايناس لطفي said...

اجابات تكشف عن شخص جميل
ربنا معك دائما
تحياتي

غني يابهيه said...

مبرووك التاج عالكل
بس تبقى افتكرنا ياعنى


تحيات بهيه

Unknown said...

اجابات جميلة
جدا جدا جدا
ماشاء الله عليك
انا عكسك في موضوع النظام
يعني بحس اني مش منظمة
الا في المذاكرة بس
هههههه
يلا سلام

صاحب المضيفة said...

الكريمة .... ايناس لطفي


شكرا على مرورك الطيب


تحياتي

صاحب المضيفة said...

غني يا بهية


نفتكرك يا باشا باذن الله تعالى


تحياتي لمرورك الطيب

صاحب المضيفة said...

my hopes



الحمد لله على نعمه التي لاتحصى


لكن لازم نحاول نكون منظمين في أنفسنا علشان يكون لنا مكان بين الدنيا


ربنا يوفقك في دراستك وينجحك يارب

تحياتي

أحمد سعيد بسيوني said...

بسم الله
اجاباتك جميلة
تحياتي

دنيتى الجميله said...

السلام عليكم ورحمه الله وبركاته
جميل جدا الانشوده اللى حضرتك اضفتها
اسلامى هو سر حياتى
جزاك الله عنه وعن ردودك فى التاج كل الخير

mohand said...

ارجو المرور علي اخر موضوعاتي في مدونة الباحث عن الحقيقة باسم استفتاء عن الافتاء يهمني رايك
تحياتي

ftafeet said...

الله عليك بجد

اجاباتك حلوه اوى وهايله بجد ماشاء الله عليك
الواحد نفسه تبقى مصر كلها زيك

نوناااا

صاحب المضيفة said...

أحمد سعيد

ربنا يكرمك على ذوقك الجميل


تحياتي

صاحب المضيفة said...

دنيتي الجميلة

ربنا يبارك فيكي ويحفظك

وهي فعلا أغنية جميلة ومعبرة



دمت بسعادة

صاحب المضيفة said...

مهند باشا


ربنا يكرمك


نمر على المدونة باذن الله ونرى ما فيها


تحياتي

صاحب المضيفة said...

نونا هانم


ربنا يبارك فيكي

ده من ذوقك بس


يارب يوفقنا للخير ويصرف عنا الشر دايما يارب



تحياتي

ادم المصرى said...

اختى العزيزه اكون فخور جدا لو صرنا اصدقاء مدونتك جميله جدا وهدفا فعلا ياريت تزورينى فى مدونتى