Thursday, July 10, 2008

اللعنة

السلام عليكم

لا أجد ما أعبر به عن حالتي هذه الأيام بحق

فهي مزعجة إلى أقصى حد

اللعنة على المادية والحضارة المزيفة

اللعنة على العمل والتجوال الذي ياخذ كل وقتي

اللعنة على التهاوي السريع في قاع دوامة الحياة

اللعنة على كل ما يميت القلب ويؤذي النفس

اللعنة ... اللعنة


هي فقط تلك الكلمة التي تعبر بصدق عما يجيش به صدري الان

فقد تحولت الآن إلى ترس يعمل باستمرار كل يوم وكل ساعة


حتى في نومي تراودني الأحلام بما فقدت وما أنجزت من عملي وما يجب علي فعله بعد ذلك

وما عدت أنعم برؤية من أحب كما تشتهي نفسي وأود دوما لو فعلت ذلك كل حين

ولا حتى فعل ما أحب أيضا وقتما أريد

فأنا الان بحاجة إلى الراحة ... والراحة فعلا بكل ما تعنيها الكملة من معاني

الراحة من العمل ...والراحة من التفكير .... والراحة من التنقل المستمر بين الأماكن

حتى مضيفتي لم تعد كسابق عهدها لدي ... وما ذلك بيدي ... لكنها أمور تأتي رغما عني


وما يعزيني في ذلك إلا حب ذاك المجال بصدق .... ولولا ذلك لفقدت أملي من بعيد

لكني الان أعتقد ان بحاجه فعلا إلى


الرااااااااااااااااااااحة


ملحوظة

أسفي واعتذاري لعدم تمكني من متابعة الكل كما الحال سابقا ونسأل الله تعالى أن نقدر على ذلك في المستقبل القريب


دمتم بخير ودعواتكم الكريمات



95 comments:

روح said...

استازي ربنا يعينك
وسعيدة اني اول تعليق
وربنا يكرمك بالراحة اللي نفسك
فيها وترجع لمدونتك
وتتابعنا اكتر
تقبل تحياتي

مشروع انسان said...

اعانك الله اخى

ورزقك سكونا وطمئنينة

يثلج بها صدرك
وييسر بها امرك

كاميليا بهاء الدين said...

أخى الغالى

تعرف؟

شعور واحد تملكنى وأنا أقرأ كلماتك

أنك بحاجة الى الذهاب الى أجمل بقاع الأرض

مكـــة

وتؤدى العُمرة

اللهم بلغك اياها يااااااارب
يارب

دمت بكل الخير

تحياتى

جمعاوى said...

فك الله كربك

Empress appy said...

لا اله الا الله
فيه ايه بس يا سيدى اهدى شويه والنبى مش ناقصه انفجارات فى حياتنا ربنا يهدى لك الحال

جهاد خالد said...

سبحانك ربي ولا تقل الا لك .. سبحانك

حقا خلق الانسان في كبد

استعن بالله وحاول ان تحدث تجديدا في اي جانب من جوانب عملك
او تنقلاتك او حتى فترة راحتك وان قصرت

فربما يزول ضجر الارهاق

وعل كل

فالدعاء لك موصول

kochia said...

رويدك اخي علي نفسك
انما الدنيا والانسان في صعود وهبوط
تعب وراحة
حزن وسعادة
ليل ونهار

وعندما ياتي الليل
تاكد ان النهار ات قريبا

تحياتي

عايز أتعلم said...

ايه يا ريس فيه ايه ؟؟؟

ياعم مش كده امال .... ده انت قصدي حضرتك مبسوط ومكانك كويس ..ماشا الله يعني .. ياعم ااجي انا مكانك وخلاص ...ونبدل...ههههههههههه

طب ماشي .... هو سبحان الله ..الانسان مش عاجبه حاجة خالص.. انا كل ماييجي وقت علي وازهق في الشغل واكلم زمايلي مثلاً يقعدوا يقولولي ياعم احنا زهقانين من القاعدة ..شفلنا اي شغل معاك بدل ماحنا بنضييع وقت كتير كده من غير فايدة


استعن بالله ولاتعجز ..وحدد هدفك من العمل ..وقدم نيتك اولاً .واخلص في عملك ..وادع الله ان يتقبل عملك........

جزاكم الله خيرا
دمت بكل خير

عايش... ولكن !!!! said...

انا بيجيلى حالات مشابهه كده
ممكن افضل اسبوع
اسبوعين
وممكن يوم
تبع الظروف
بس كله بيعدى
ربنا يكرمك وتعدى الفتره دى على خير
تحياتى
علاء

Mahmoud البطراوى said...

حين تجلس تعدد همومك وتطلب الراحه انت تساعدها ان تزيد قل انك لا تحتاج للراحه والحياه حلوه ( نظريه بطوطيه)

عمرو وجيه said...

كان الله فى عونك أخى ....

فزلوكة said...

"وما يعزيني في ذلك إلا حب ذاك المجال بصدق .... ولولا ذلك لفقدت أملي من بعيد"

وذلك خير عزاء
ما أعرفه أن حضرتك بمجال العمل الإعلامى

معروف أنه مجال صعب ومقلق ومرهق
لكن مسؤليته عظيمة وضخمة
هى مسؤلية توجيه عقول وبناءها أحيانا
فجدد نيتك من هذا المنطلق وطالما حضرتك بهذا الإخلاص والتفانى فى العمل
بالتأكيد ربنا سيكرمك عما قريب

ولاتقلق بشأن المدونة
سنبقى دائما هنا
حتى وإن لم تكن حضرتك هنا
D:

أميرة محمد محمد محمد said...

ربنا معاك فعلا
لم نعد نشعر بادميتنا في هذا العالم المجنون
نحتاج ثوره علي ما يحدث

عصفور المدينة said...

لعنة الحضارة الغربية الطاحنة

عارف يا أنس أنا كنت باكتب بوست بعنوان
زحمة
نفس هذا المحتوى لكننيلم أستطع حتى إكماله لكن ما نحتاجه ليس الراحة بل هو السكينة

بنت الصالحين said...

الله يعينك ويسرلك امورك

آخر العنقود said...

ربنا يعينك يا ابومالك
ويرزقك الاطمئنان وراحة البال
وأعطاك كل ما تتمنى وزيادة
اللهم آمين

وللاسف هيا دائما كذلك
اما قالوا عنها
انها
دنياااااااااا

دمت بكل الود وراحة البال

ahmed saker said...

السلام عليكم

اعانك الله و وفقك لما يحب و يرضى

ان شاء الله ربنا يهون عليك و ترجع لسابق عهدك و احسن كمان

دمت بخير

Ahmed Kamal said...

أسأل الله الكريم أن يفرج عنك همك و يفك كربك ، و لعلك تعلم أن راحة البدن مطلوبة من وقت و آخر و لكن النفس أيضا تحتاج إلى إعادة توجيه . و أوصيك بالدعاء

اللهم إني عبدك, ابن عبدك, ابن أمتك, ناصيتي بيدك, ماضٍ فيَّ حكمك عدلٌ فيَّ قضاؤك, أسألك بكل اسم هو لك, سميت به نفسك, أو أنزلته في كتابك, أو علمته أحداً من خلقك, أو استأثرت به في علم الغيب عندك, أن تجعل القرآن ربيع قلبي, ونور صدري, وجلاء حزني وذهاب همي

""""" said...

ربنا يعينك ويوفقك يارب

معلش هو دا حال الدنيا

ربنا سبحانه وتعالى
خلق الانسان فى كبد

وهنفضل فى دوامة الحياه الى يوم النهايه

بالتوفيق يارب

صاحب المضيفة said...

الكريمة ... روح

بوركت على مرورك وشكرا لسؤالك الطيب



تحياتي

صاحب المضيفة said...

اما الجيل



تقبل الله دعائك ونفع بك الدين

صاحب المضيفة said...

الغالية .. كاميليا


يارب يسمع منك شعورك ويرزقنا زيارة بيته العتيق يارب


تحايا كريمات

صاحب المضيفة said...

جمعاوي باشا


شكرا لسؤالك وعاوز اتعرف عليك يا كبير


تحياتي

صاحب المضيفة said...

ابي هانم

يارب يسمع منك يارب ويهون علينا كل وحش


دمت بخير

صاحب المضيفة said...

الصامدة الكريمة


شكرا لنصيحتك الطيبة ونفع الله بك الدنيا والدين



تحياتي

صاحب المضيفة said...

كوتشيا هانم


تعبيرات جميلة

ربنا يكرمك يارب ويعزك


دمت بخير

صاحب المضيفة said...

خليفة باشا

انت الوحيد اللي تعرف مكاني


وانت والحيد اللي عارف المكان ده شكله ايه


كمان انا مش قصدي على كده خالص


لكن انا قصدي على الشغل الكتير الواخد كل او معظم الوقت

والواحد مش عارف يقعد شوية في البيت


ربنا يهون علينا يارب



تحياتي

صاحب المضيفة said...

علاء باشا

الوحد لو مش بيفصل زي التلاجة كل فترة

هايجي فترة ويفصل خالص

وده الواحد خايف منه


ربنا يكون في العون وشكرا لمرورك الكريم

صاحب المضيفة said...

بطوط حبوب


حلوة النظرية البطوطية دي

ممكن الواحد ياخد بيها بعد كده


شكرا لمرورك الطيب

صاحب المضيفة said...

عمرو وجيه


وكان في عونك ايضا


شكرا لسؤالك الطيب يا جميل

صاحب المضيفة said...

فزلوكة هانم

ربنا يكرمك على نصيحتك الغالية


وان شاء الله نكون عند حسن الظن دايما


تحياتي

صاحب المضيفة said...

أميرة محمد


فعلا كلامك مظبوط جدا ومحتاجين نراجع نفسنا في حاجات كتير علشان نغير واقعنا ده


شكرا لمرورك الطيب

صاحب المضيفة said...

أخي الكيبر العصفور


كلامك عين العقل فعلا


احان محتاجين إعادة تأهية انفسنا وذاتنا تاني علشان نعرف احنا رايحين على فين فعلا


ربنا يكرمك لزيارتك دي


تحياتي

صاحب المضيفة said...

عاشقة الفردوس


شكرا لزيارتك الطيبة وجزيت الخير على مرورك الكريم

صاحب المضيفة said...

اخر العنقود

على رايك

هي دنيا برضو ودنية فعلا


شكرا لسؤالك الكريم ويارب دايما سعيدة في الدنيا والاخرة يارب

صاحب المضيفة said...

أحمد صقر

شكرا لسؤالك ويارب دايما في هنا وسعادة


دمت بخير

صاحب المضيفة said...

الكريم ... احمد كمال


شكر الله لك دعائك الطيب ورزقك بمثله وزيادة



دمت بخير

صاحب المضيفة said...

أمل هانم

شكرا لدعواتك الطيبة


ويارب دايما تكوني في سعادة وهنا


تحياتي

خالد حفظي said...

جرى ايه يا عمدة ؟
مالك ؟؟؟؟ فيه ايه ؟؟؟
هو احنا اشتغلنا مش عاجب مشتغلناش مش عاجب ؟
إحمد الله اخي الحبيب على ما انت فيه من نعمة
نعمة ؟!!!!!!!!!!!!!طبعا انا شايفك عايز تبطحني بأكبر زير حداكو
نعم أخي الحبيب .. هي نعمة .. أن يكون تعبك من العمل وليس من الجلوس في البيت
أن يكون تعبك من انشغالك الدائم بعملك
و ليس انشغالا بكيفية تضييع الوقت
نعم هي نعمة أن رزقك الله رزقا حلالا طيبا اساله ان يبارك لك فيه
و بعدين تعالى هنا .. راحة ايه ؟؟؟؟
دا احنا لسة بنقول يا هادي
اعقل يا عمدة كدة وصلي عاللي هيشفع فيك
قول ورايا
يا ربي لك الحمد كما ينبغي لجلال وجهك وعظيم سلطانك
رضيت بالله ربا و بالاسلام دينا وبمحمد صلى الله عليه وسلم نبيا ورسولا
اللهم ما اصبح بي من نعمة او باحد من خلقك فمنك وخدك لا شريك لك فلك الحمد ولك الشكر
ها .... قول
...................
شرح الله صدرك ويسر لك امرك اللهم آمين آمين آمين

صباح الخير يا مصر said...

المضـــــــــيفـــة
******************
يأتى النجاح دائما بعد العمل المضنى و مادمت تحب عملك سيعطيك ذلك دفعه دائما الى الامام للاستمرار و تأكد ان الله سيعطيك ثمار تعبك و مجهودك
ولا تنس التوجه دائما بالدعاء الى الله
(لا اله الا انت سبحانك انى كنت من الظالمين)

تحياتى

saragebaly said...

صاحب المضيفة
لا اجد من كلمات الا الدعاء لك
بان يفرج الله كربك ويزيل همك وينير حياتك
رزقك الله زيارة بيته الكريم وجمعك مع نبيه محمد في جنات النعيم
تقبل مروري
تحياتي وتقديري لك
سارة

Vague said...

هي اللعنة

انا قريتها اللغة في الاول..اخخخخخ


بس كلمة اللعنة دي وحشة ومش بحبها...

اتمنالك انك تكون كويس دلوقتي..
---------------------------------

في واجب انا حبيت اديهولك

تعالى خده من عندي

مدحت محمد said...

بتحصل معايا

وربنا يرزقك العمرة يارب

وبعدين احنا ايام مفترجة وجايلك رمضان ابسط هتعلى روحك لوحدها بعون الله يعنى

منى said...

احساس الترس
كلنا نعيشه اخى
اعانك الله واعاننا
تحياتى

belal said...

ربنا يزيل عنك اللي انتا فيه
والأكيد أن إرهاق العمل ..أفضل كثيرا من راحة الفراغ
..

mohammed alsha3r said...

خفف الله عنك ياصيديقى

ساعد نسرين الايمن said...

أعانك الله يا اخي
واخرجك من الدوامة اللي بتأكلنا كلنا

مشتاق لله said...

احب الذين يبتسمون في وجه الدنيا حتي وان تمعرت منهم - احترامي سيدي

صاحب المضيفة said...

الباشا الكبير .. وطني


أسعتدني بمرورك يا باشا

وانت عارف البير وغطاه

مش تخاف على تلميذك يا كبير



تحياتي

صاحب المضيفة said...

صباح الخير يا مصر

الفكرة ليست في العمل لآني احبه جدا

لكن الفكرة في الارهاق المصاحب للعمل

هو أساس الضيق فقط


تحياتي وشكرا لمرورك

صاحب المضيفة said...

أختي سارة


تقبل الله منك دعواتك الكريمة


ويارب دايما في سعاده وهنا

صاحب المضيفة said...

vague

شكرا لمرورك وشكرا أكتر لواجبك الجميل


تحياتي

صاحب المضيفة said...

مدحت محمد

يارب يسمع منك يرزقنا عمرة في رمضان


دي تبقى فل


وعقبالك انت كمان

صاحب المضيفة said...

منى هانم


ربنا يفرجها علينا بقى يارب منه


تحياتي

صاحب المضيفة said...

بلال


كلامك مظبوط جدا


وارهاق العمل احسن من قعدة البيت


تحياتي

صاحب المضيفة said...

الشاعر باشا


يارب يسمع منك


دمت بخير

صاحب المضيفة said...

ساعد نسرين

شكرا لمرورك وتشريفك لنا في المضيفة

يارب مش تكون اخر مرة

دمت بسعادة

صاحب المضيفة said...

مشتاق لله


كلمة جميلة وحكمة رقيقة


دمت بخير

ToOoKa said...

السلام عليكم ورحمة الله وبركاته

يااااااه ايه دا كلو بس
ربنا يعينك ويقويك
هى الدنيا كده دار التعب وهى بردو اللى حتوصلنا للراحه والنعيم فى الجنه ان شاء الله
ربنا يرزقنا بهاان شاء الله

صدقنى التعب والشغل هو اللى بيخلى الواحد انسان بجد
بس حاول كده اجازة اخر الاسبوع تصفى فيها زهنك وتحاول تروح فيها كده مكان مفتوح فيه خضرا ومافيش مانع لو الوجه الحسن يكون معاك
تأمل كده شويه
وان شاء الله ترتاح

معلش بقه الواحد لازم يتعب وخصوصا فى شبابو
ربنا يديك الصحه
اما بالنسبة للمضيفه فطول عمرها حتكون منوره بيك ان شاء الله حتى لو ماتبعتهاش زى الاول

اتمنالك كل خير وصحة وسعاده انت ومن تحب
أختك توكا

•√أريـ السمر ـج√• said...

سرعة ايقاع الحياة اوقات كتير بيضغطنا
بضع ايام من الراحة قد تجعلك تعود لحالة من الهدوء الداخلي

اعانك الله و دمت بكل الخير

دعاء مواجهات said...

فية اية بس يا استاذ انس

دا انت منور الحياة كعادتك

وبردو من حقك ترتاح

اعانك الله

ووفقك لما يحب ويرضى

سلاام

Anonymous said...

بجد ربنا معاك
ويصلحلك الحال ويفك كربك

انشاءالله

عبده الرايق said...

اللعنه على الابراج

اخى الفاضل صاحب المضيفه
ادعو الله لك بالتوفيق والعمل الصالح والطريق القويم
فأنهم سر الراحه

dina said...

الراحة طبعا مهمة عشان نعرف نكمل و نقدر نواصل...يا رب تكون الراحة دى هى الراحة المنشودة اللى تهدى البال و تصفى الذهن
تحياتى

جهاد خالد said...

عدت من جديد
أحمل لك دعوة للإجابة على تاج من نوع خاص جدا
على مدونتي الجديدة
I'm a Dentist

Unknown said...

فرج الله همكم وكربكم واصلح حالكم وبالكم

bastokka طهقانة said...

اللهم لا سهل الا ما جعلته سهلا

تصدق
و ستجد متسعا في القلب و الرزق معا


اوروفوار

Anonymous said...

أعانك الله ووفقك
ورزقك الراحة والاطمئنان
هذا هو حال الدنيا
كلها تعب وشقاء

mnoon said...

ممكن تكون مضايق من حاجه زى كده
ومن كثره إنشغالك
لكن صدقنى دا أفضل بكتير من الفراغ
أنا كنت بمر بمرحله من الفراغ
فى كل شئ
عندها
دعيت ربنا أوصل لأقصى درجه من الأنشغال بحاجات مفيده
والحمدلله مهما حصلى ووصلت للمرحله اللى إنت بتعانى منها دلوقت
بقول إن كده أحسن بكتير من إنى أعيش فى فراغ ولو لساعه واحده
ربنا يوفقك يارب

بنت أبيها said...

السلام عليكم

غبتم عنا فالزمناكم بواجب مفروض الحل

على مدونتي

زى الهوا said...

ربنا معاك , مايجراش حاجة لما تاخد راحة من كل حاجة , شوف مكان , اى بيت يعنى , وتكون عارف إن البيت دا هادىء , يعنى مثلا بيت جدتك , لو مافيهوش غيرها , وروح هناك واسهر فى البلكونة كدة , وبرق للضلمة اللى فى السما , هتحس انك استريحت بالوحدة دى ,انا لما باتخنق باعمل كدة , وربنا يعينك ويكرمك

Unknown said...

اخي الحبيب حفظك الله ورعاك ,وعصمك من الفتن ماظهر منها ومابطن
هذا هو حال الدنيا وطبيعتها
والله خير حافظ
ولكن دائما نستعين بالله
فاستعن بالله ولاتعجز
وتذكر دائما
نحن من بديننا نسير الدنيا
ولاتسير الدنيا امر ديننا
وسلامي الكثير للدكتور محمد
وجزاكم الله كل خير

shaimaa samir said...

لم اتى هنا منذ فترة
اعتذرعن هذا مقدما
وعندماجئت
احزننى الحال
ولكن تلك الدنيا
بين سعادة وفرح
واه والم ووجع
وحب وامل

اسال الله ان يفرج كربك
وييسر لك جميع الطرقات للخير

تحياتى

ابراهيم بكر said...

سلام عليكم جميعا
___________________
بالفعل يا ختى الانسان تاتى عليه اوقات لايدرى ماذا يفعل بالظبط
والقلق الشديد فى هذه الايام
ولكن ارجع واقول انه كل ده من الحكومة المصرية والرئس محسن
لازما اى واحد يعيش فى مصر يكون على الاقل مضطرب وقلقان وعاوز يولع فى نفسة او ينتحر بعد النتيجة

على العموم
سلام علشان الواحد ميفتحش فى الكلام
وانتو عارفيين انى النت عليه عفريت
وممكن ..................

كاميليا بهاء الدين said...

يارب تكون بخير
واحسن دلوقت

انا بس جاية اطمن
واقولك انى بادعى لك اوى
ان ربنا يريح قلبك
ويرضى عنك ويرضيك حتى تقول يارب احمدك قدر قدرك لقد انعمت عليا ورضيتنى

يارب

صاحب المضيفة said...

أختي توكا


ربنا يكرمك على الدعوتين الحلوين دول ويعزك يارب


وشكرا على التعليق الرقيق ده


تحياتي

صاحب المضيفة said...

الكريمة .. أريج السمر


شكرا لمرورك الطيب

وشكرا لتعليقك الظريف


دمت بخير

صاحب المضيفة said...

اختي دعاء


شكرا لسؤالك

ويارب مش تكوني نسيتيني من دعواتك الكريمة عند الكعبة


شكرا جزيلا لك

صاحب المضيفة said...

الكريمة شيماء


يارب يتقبل منا ومنك كل دعوة صالحة


دمت بسعادة

صاحب المضيفة said...

العزيز .. عبد الرايق


شكرا لك على تشريفك لنا هنا


واللعنة على الأبراج صحيح


تحياتي

صاحب المضيفة said...

دينا هانم

كلام مظبوط وفي الصميم


ربنا يكرمك يارب ويعزك


دمت بخير

صاحب المضيفة said...

النجمة الصامدة


حق الرد مكفول باذن الله قريبا


تحياتي

صاحب المضيفة said...

حطم القيود


يارب يتقبل منك دعوتك يارب



تحياتي

صاحب المضيفة said...

طهقانة هانم


امين يارب ويسمع منك دعواتك في الخير دايما يارب


دمت بسعادة

صاحب المضيفة said...

بهاء باشا


شكرا لمرورك الكريم ويارب يسعدك يارب ويهدينا واياك لكل خير


دمت بخير

صاحب المضيفة said...

mnoon هانم


انا عارف والله الاحساس ده فعلا


لكن ساعات الواحد من ضغط الشغل بيكون اتحنق

فحبيت اني افضفض هنا شوية بس


شكر لك على كل حال

صاحب المضيفة said...

بنت ابيها


نحاول باذن الله تعالى ان نجاوب عليه

لكن لنا العذر لو مش عرفنا علشان الوقت فقط


تحياتي

صاحب المضيفة said...

زي الهوا

تصدقي اني نفسي اعمل كده من فترة

وشم عارف لضيق الوقت وبعد المكان


ربنا يسهل ويرزقنا الوقت ونروح نعمل زي ما قلتي كده

شكرا لسؤالك الطيب



دمت بسعادة

صاحب المضيفة said...

الفاتح الجعفري


تقبل الله كل دعوة صالحة منك يارب

والدكتور محمد لما اشوف باذن الله افتكر واقوله حاضر


عاوز ين نشوفك يا جميل


تحياتي الطيبات

صاحب المضيفة said...

شيماء سمير


شكرا لمرورك الكريم


ويارب يكون المانع خير


دمت بخير

صاحب المضيفة said...

أختي الكريمة ... كايليا

ربنا يكرمك ويسعدك يارب


أخجلتينا فعلا بسؤالك الطيب ده


وكل ببركة دعواتكم ودعوت اخواني المدونين


شكرا جزيلا لسؤالك مرة أخرى


دمت بخير

Anonymous said...

ربنا يرزقك رااااااحة
من بعـــــــد
تعب
تحياتي : المجنــــــ زهرةــونـــة

Salma Amer said...

صحيح التعليق متأخر شوية
بس لانيكنت اعاني من فترة من نفس هذه الحالة
فعلا ده لسان حال ناس كتير
تحياتي

Anonymous said...

طظظظظظظظظظظظظظظظظظظظظظظ

Anonymous said...

زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفتزفت زفت زفت زفت زفتزفت زفت زفت زفتزفت زفت زفت زفتزفت زفت زفت زفت زفت زفت زفت زفتزفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت زفت