Wednesday, July 30, 2008

نقاط مجهدة

السلام عليكم

عذرا ... فهذه المرة خواطر ونقاط سريعة أكتبها على عجلة من أمري


فقد بلغ مني الجهد أشده ولم يعد لدي القدرة على التكابر عليه فعلا وبحاجه إلى راحة تكون قصيرة باذن الله تعالى

===============

هناك ألم أشكو منه منذ فترة وبحاجه إلى تدخل جراحي بسيط ... سأتأكد من ذلك أخر اليوم بإذن الله تعالى

وألم أخر يضيف توجعي لعل الله يجعله في ميزان حسناتي


أمين يارب


دعواتكم الكثيرة بصدق ... جزيتم الخير


========================

رمضان على الأبواب وبحاجه أيضا للإستعداد له بشتى الطرق ... علينا أن نبحث في أنفسنا وأفكارنا على ما يعيننا على الطاعة فيه بحق

في بوست رايق ان شاء الله ننزله بتصاميمه وصوره قريبا بعد فترة الراحة إن شاء الله

==========================

أحيانا تتلقى مواقف لا تتوقعا من أصحابها ( خصوصا لما يكون أحد أصدقائك الذين تأتمنهم على أسرارك ) بشكل يبعث على الحيرة أحيانا بل والصدمة أحيانا أخرى فما المتوقع أن أفعله معه

من لديه الحل على تجاوز تلك الصدمات يوافيني به ولكم مني جزيل الشكر والدعاء


===================


أقوى إعتذاراتي وأسفي على عدم ردي على التاجات المرسلة لي

ويعلم الله كم كنت أود الرد عليها لكن حالت الظروف دون ذلك فلأصحابها مني جميل الشكر والعرفان ومحاولة الرد في وقت لاحق أن أمكن الأمر بإذن الله تعالى

=================

لا تنسوني من صالح دعائكم وأمنياتكم الغالية لي بتمام الشفاء والعافية ... متعكم الله بها



دمتم بألف خير
=========================


تحديث بسيط



نحاول بفضل الله تجاوز العلاج الجراحي بعدة أدوية أخرت هذا التدخل كمان كام يوم ... ربنا يسهل ومش نحتاج لتدخل جراحي أصلا


دعواتكم


70 comments:

خالد حفظي said...

ألف سلامة يا عمدة
ان شالله اللي في بالي يااااااااااااارب

kochia said...

اخي العزيز اتمني لك الشفاء العاجل بامر الله
ويسر الله امورك كلها
والاجازة مفيدة جدا عن الاختناق من الاعباء والمشاكل

كل عام وانت بكل الخير
تحياتي

Unknown said...

ألف سلامة
بالنسبة لتصرفات الاخرين أسلم حل اننا نتصرف بغض النظر عن رد فعل الاخرين يعنى لا ننتظر منهم شيئاً
عندما تحب أحداً أو تحترمه يبدو أنها تكون مشكلتك أنت لا مشكلته هو عليك أن تتحمل تبعاتها دون مطالبته حتى بالاعتراف بالمعروف
يسر الله لك كل أمرك وفى انتظار عودتكم الكريمة

belal said...

شافاك الله وعافاك
وبلغنا جميعنا رمضان
..

Lobna Ahmed Nour said...

معافى باذن الله .. دعواتي بالشفاء

""""" said...

الف سلامه عليك
ربنا يخفف عنك اى الم يارب

بس ابقى طمنا عليك عملت ايه اخر اليوم ؟

وربنا معاك يارب

""""" said...

اه بالنسبه لسؤالك بتاع الصدمات ده
اهم حاجه انك متفكرش فى اللى حصل واذاى وليه ومعقول بعد كل اللى كان ده يحصل كدا
اذاى بعد ما قال كذا دلوقتى قدر يتصرف بالشكل ده

بلاااااااااااااااااش تسال نفسك اى سؤال
متفكرش كتير
متعدش لوحدك

وبجد و الله لانى عانيت من صدمات كتير من ناس كنت بقول عليها اغلى ما فى حياتى

بس خلاص
عود نفسك انك متتصدمش

ومن البدايه متديش ثقه عمياء لحد
مهما كان مدى عمق العلاقه بينكم
الله اعلم بخبايا النفوس برضه

وربنا يحفظك من كل شر ويخفف عنك

Ahmed Kamal said...

لا بأس طهور إن شاء الله ، أسأل الله أن يشفيك سريعا و تنور مضيفتك يا أخي :)

Mahmoud البطراوى said...

شفاك الله وعفاك وان شاء الله خير

اوعى تكون ليها علاقه بالاسنان
انا موجود اوعى تروح لحد بره
:)

همسة قلم said...

ألف لا بأس عليكم اخونا الفاضل

طهور وأجر ان شاء الله تعالى

وشفاكم الله وعافاكم

وأما عن سؤالكم

فدعوه للأيام هو يداوي الصدمات أيا كان حجمها فقط

استعن بالله عليها

حفظكم الله من كل سوء

دمتم بخير

كاميليا بهاء الدين said...

اللهم انت الشافى ولا شفاء الا شفاؤك شفاء لا يغادره سقما ....
اللهم رب الناس اذهب الباس اشفى وانت الشافى

جعله الله فى ميزان حسناتك أخى الغالى

وجزاك خيرا يارب

احترام

مشروع انسان said...

طهور ان شاء الله

ربنا يسلمك
وان شاء الله خير
ومتحتجش للجراحة

اعانك الله

ToOoKa said...

السلام عليكم ورحمة الله وبركاته
تؤتؤتؤ ليه بس كده الزعل دا
طريقة كلامك فيها حزن واضحة اوى

وبعدين دى كلها حجات بسيطه ان شاء الله هو الواحد طايل دلوقتى يتغفرلو حسناتو

لا لا لا

ربنا يختارلك اللى فيه الخير وأعمل استخاره وما تأخرش حاجه فيها مصلحة ليك بس أتأكد الأول

وبعدين الحمد لله العمليات ما بقتش زى الأول

اما بالنسبة للأصدقاء فأنا كمان والله لسه حصلى نفس الموضوع ومع صديقتى الوحيده الحمد لله على كل شىء

على العموم ان شاء الله خير
ويـــــــارب يــــــارب يشفيك وييسرلك أمورك ويعفو عنك
من لنا سواه
ادعوه
فهو طبيبنا وأصبر على أختبار ربنا
ربنا يوفقك ويسعدك دنيا وأخره انت وكل أخواتى المسلمين

بعدين ما تخفش انت وراك أخواتك اللى حيدعولك

توكل على الله

أختك توكا

ToOoKa said...

معلش قصدى يتغفرلو سيئاتو

Anonymous said...

الف سلامه عليك
ايه البوست الى يخض ده

ربنا معاك انشاءالله
............

ربنا يكرمنا جميعا ويبلغنا رمضان على خير ونخرج منه عتقاء من النار بقلوب صافيه انشاءالله
.........

اما عن موضوع الاصحاب فانا على قد ما شوفت وانا شفت كتييير على فكرة انما برضه لسه بتفاجىء
هيا الحياه كده
بس برضه زى ما فى الوحش فى الحلو
متركزش انت بس وطلعهم من دماغك اول باول
وزى مبيقولو اعرف صاحبك وعلم عليه


ربنا معاك انشاءالله ومتحتجش التدخل الجراحى والعلاج بالادويه ينقذ الموقف

سلامى ودعائى اخى الكريم

صاحب المضيفة said...

استاذي الجميل ... وطني

ربنا يبارك لك يا عمنا ويفتح عليك

ومش تخاف مش هو خالص اللي بالك


ربنا يسعد ايامك يارب

صاحب المضيفة said...

كوتشيا هانم

شكرا جزيلا لسؤالك الرقيق وتقبل الله دعائك

صاحب المضيفة said...

أحمد عبد العدل

الله يسلمك يارب وشكرا لمرورك وسؤالك

وكمان شكرا لجوابك على موضوع الصداقة ده


تحياتي

صاحب المضيفة said...

بلال باشا


اللهم امين وشكرا لمرورك الجميل


دمت بسعادة

صاحب المضيفة said...

اختي أمل


شكرا لسؤالك الرقيق


وان شاء الله كله خير

وبوركت على مرورك الجميل


دمت بخير

Empress appy said...

الف سلامه عليك وربنا يا رب

يكتبها فى ميزان حسناتك

صاحب المضيفة said...

uinque


شكرا للسؤال الطيب


وتقبل الله الدعوات


دمت بسعادة

ابن الإخوان والأزهر said...

السلام عليكم ورحمة الله

شفاك الله وعافاك

أما بسانسبة للصديق دة

فلو انت مستغني عنه ممكن تخليه مجرد زميل بعد كده

أما لو مش مستعد تسيبه فلابد أن تتغاضى تغاضي الأسود

على فكرة دي أول مرة أزور المدونة

صاحب المضيفة said...

أخي الفاضل .. احمد كمال


شكرا لسؤالك ودعواتك الرقيقة

يارب يسمع منك يارب


دمت بود

صاحب المضيفة said...

بطوط حبوب

لا الحمد لله انها مش في الاسنان يا عمنا

ربنا يكفينا تعبها ولو ان كل تعب في الانسان بيهده


صحيح ... وخلق الانسان ضعيفا


شكرا لسؤالك الجميل

صاحب المضيفة said...

أختي الكريمة ... همسة قلم


ربنا يكرمك لسؤالك الطيب ورزق الله والدتنا الشفاء العاجل يارب


شكر الله لك

صاحب المضيفة said...

أختي الكريمة ... كاميليا


ربنا يتقبل منك كل دعوة يارب ويفتح عليك من فضله


شكر الله لك


دمت بود

صاحب المضيفة said...

الغالي ... إمام الجيل


يارب يفتح عليك من فضله ويسعدك دنيا واخرة


شكرا لسؤالك يا جميل

صاحب المضيفة said...

سمو الأميرة توكا


شكرا لسؤالك الطيب وتذكرتك الرقيقة

هو الواحد فعلا طايل يغفر له سيئاته

وبالنسبة للأصدقاء


ربنا يستر والواحد يفضل يامن لحد لحد النهاية


دي حاجه صعبة الاحساس ده بجد


شكرا لمرورك الطيب

صاحب المضيفة said...

أختي شيماء


شكرا لمرورك .. وان شاء الله نعرف نعمل حاجه لرمضان باذن الله تعالى


وبالنسبة للآصدقاء


ملحوقة ويارب يعافينا من شر كل خاين


دمت بخير

صاحب المضيفة said...

ابي هانم


ربنا يكتبها في ميزان حسناتنا فعلا يارب


ربنا يسمع منك وشكر لسؤالك الجميل



تحياتي

صاحب المضيفة said...

ابن الاخوان والأزهر


شكرا لمرورك أول مرة هنا في المضيفة

وشكرا لنصيحتك الغالية



وتقبل الله دعواتك بالشفاء


دمت بخير

الـسـيـدة نـون said...

الف سلامة
بس عايزين نطمن اكتر يا انس

بالنسبة للصديق الى اتصرف تصرف مش ولابد
حرص ولا تخون


الف سلامة عليك
بس بجد طمنا مالك عندك ايه بالظبط

سلام
اختك خيخة

جهاد خالد said...

سلمكم الله وحفظكم من كل سوء
وردكم الينا سالمين

Unknown said...

السلام عليكم ورحمة الله وبركاته
ومليون لا بأس عنك
ياصاحب الدوار والمضيفة
والحتة دى كمان كلها وإن شاء
الله سليمة وترجع لنا
بألف سلامة وصحة
وعافيةبأذن
الله
وكلمة كده على جنب
ماتزعل من بنى البشر
بيغلطوا فى حق خالقهم!!!
فكيف لا يخطئون فى حق البشر !!!
مرة تانية وتالتة ورابعة وخامسة
وووووووووووووووووووووووووووومليون
ترجع بالسلامة ويكمل الله شفاءك على خير

ام يحيي said...

أسأل الله العظيم رب العرش العظيم أن يشفيك

ننتظر الاطمئنان عليك

فاتيما said...

سلامتك ألف سلامة يا أنس
ربنا إن شاء الله يشيفك و يعفيك من التدخل الجراحى دا
و تبقى بألف صحة و سلامة
تحياتى يا عزيزى من قلب قلبى

اهو ده عيبه said...

شفاك الله وعافاك
وان شاء الله متحتاجش تدخل جراحى
والف سلامه عليك

منى said...

اخى
شفاك الله وعفاك
وبلغك رمضان فى خير حال

اما كيف تتجاوز الصدمات

فلتذوب فى حياه الاخرين
ولا تنتظر شئ الا من رب العلمين
فان احسن الناس فهذا فضل منه ومنهم
وان اساءوا فربك يغنيك عنهم

كل خائن وكاذب فهو مسكين وضعيف
حاول ان تغفر له

وان كان صديق فقد تكون لحظه ضعف منه
لا تجعلها تدمر ذكريات سنوات

اعلم ان الامر ليس يسير
اعانك الله ومنحك الصير والرضا
تحياتى

صاحب المضيفة said...

ألكريمة .. خيخة


ربنا يخليكي لسؤالك الطيب


وان شاء الله تكون بسيطة بس المهم دعواتك الجامدة


وسلامي لشيكو باشا

صاحب المضيفة said...

النجمة الصامدة


سلمنا واياكم وشكر الله لك دعوتك


دمت بخير

صاحب المضيفة said...

norahaty

شكرا لسؤالك ودعواتك الطيبات


ويارب دايما في سعاده وقربى في الطاعات


وشكرا مرة أخرى لنصيحتك في التعامل مع الناس


دمت بخير

صاحب المضيفة said...

أم يحي


جزيت الخير كله على سؤالك الطيب


تحياتي

صاحب المضيفة said...

أختي العزيزة ... فاتيما

شكرا لسؤالك الطيب

ويارب تسعدي بيوسف عن قريب جدا يارب

صاحب المضيفة said...

أهو ده عيبه

شكرا جزيلا لدعائك


ربنا يكرمك ويعزك يارب


دمت بخير

صاحب المضيفة said...

منى هانم


اللهم امين وتقبل منك دعائك يارب


وشكر الله لك نصيحتك الغالية لمعاملة الناس


دمت بكل الخير

أميرة محمد محمد محمد said...

شفاك الله وعافاك اخي الكريم
فعلا عايزين نستعد لرمضان نريد ان نستفيد منه قدر المستطاع
الصبر علي البلاء هو افضل وسيله لتجاوزه
الاستعانه بالله ستعيدك اقوي

بث تجريبي said...

السلام عليكم
اولا شفاك الله وعفاك
ثانيا كل سنة وانت طيب عشان رمضان وان شاء الله رمضان يجى وانت بخير صحة


سلاموز

صباح الصباح said...

الف سلامة يا ريس وباذن اللة يطلع موضوع اخف من شكة الدبوس

walaa rizk said...

ان شاء الله تعود بسلامه بأذن الله

ام أكثر شئ ممكن أعلق عليه

موضوع الصديق اللى يحدث منه مالا تتوقع

توقع آى شئ

لان النفوس تتغيير

وصدقا الثقه المطلقه فى الله فقط

وهون على نفسك

وعن تجربه

لاشئ يستحق عن نحمل أنفسنا اكبر من طاقتنا من اجله

سوى دعوه الله

وصدقا من المؤكد هناك من يزالوان يحفظون العهود

لكن لو أراد الله لنا الأبتلاء فليس علينا سوى ان نتعلم

مؤمنه said...

السلام عليكم ورحمة الله وبركاته
شفاك الله وعفاك وان شاء الله ما تكونش فيه حاجه للتدخل الجراحى
بالنسبه لرمضان ان شاء الله عمل حاجه
دومت بخير
والسلام عليكم ورحمة الله وبركاته

مدحت محمد said...

يارب يارب يارب يارب يارب يقومك بالسلامة يارب


ويطمنا عليك يارب العالمين

انك على كل شىء قدير

صاحب المضيفة said...

الكريمة .. أميرة محمد


شكرا لدعاك الرقيق وربنا يكرمك يارب على نصيحتك الغالية


دمت بخير

صاحب المضيفة said...

Do not Press F1

شكرا لمرورك هنا أول مرة ويارب يكون المكان عجبك


وشكرا جدا لدعوتك الرقيقة


تحياتي

صاحب المضيفة said...

صباح الصباح


يارب يسمع منك يارب


شكرا لاهتمامك الرقيق

صاحب المضيفة said...

أختي الكريمة .. عاشقة الأقصى


شكرا لزيارتك الطيبة للمضيفة


وتقبل الله دعواتك ونصائحك الطيبة


دمت بخير

صاحب المضيفة said...

أختي مؤمنة

شكرا لمرورك

وشكرا مرة أخرى لدعائك


تقبل الله طاعتك

صاحب المضيفة said...

العزيز .. مدحت محمد


يارب يارب يارب يسمع منك


دمت بخير

بسمه عبدالباسط said...

الف سلامة عليك وربنا يقومك بالسلامة

فزلوكة said...

أولا ألف سلامة على حضرتك
وإن شاء الله يتم الشفاء بدون جراحة
:::::::::::::

أما بالنسبة لصديق حضرتك
فأقصر الطرق هى المواجهة
تعرف على أسبابه وقيم حضرتك الموقف
لو لقيتها مقنعة أو حتى يمكن إمرارها فخيرا
أما إن كان العكس
؟؟؟؟؟؟؟؟؟؟؟؟؟
::::::::
مستنين بوست رمضان إن شاء الله
وتعود لنا سالما من كل وجع
اللهم آمين

طلاب من أجل مصر said...

السلام عليكم

لا بئس طهور انشاء الله ..انشاء الله تعدي على خير ولا تحتاج اي حاجه


بالنسبه للاخرين اللي بتتصدم فيهم..فالحياة متقلبه ..وقد يكون هذا الانسان قد تعرض لبعض الاشياء او الضغوطات..ووتذكر دائما ...وان تعفوا خيرا لكم

****
دية اول زيارة لمدونتك الجميله..باذن الله ليا زيارت ..وانشاء الله متغبش عننا كتييير

تحياتي

صاحب المضيفة said...

أختي بس بس


ربنا يخليكي لسؤالك الرقيق


دمت بخير

صاحب المضيفة said...

فزلوكة هانم


شكرا لسؤالك الطيب


وشكرا مرة أخرى لنصيحتك الغالية


تحياتي

صاحب المضيفة said...

عبد الهادي - سارة

شكرا لزيارتك هنا في المضيفة


ونتمنى تكرار الزيارة

Ahmed El-Agouz said...

الف سلامة عليك وربنا يشفيك وان شاء الله متحتجش لتدخل جراحي وربنا يجعله في ميزان حسناتك
العجوز

ادم المصرى said...

الف مليون سلامه
اللهم رب الناس اشفى وانت الشافى

بدعيلك بجد بالشفاء العاجل
واعاد رمضان علينا وعليكم والامة الاسلامية باليمن والبركات

ToOoKa said...

السلام عليكم ورحمة الله وبركاته

أخى العزيز
ياترى عامل ايه دلوقتى؟
ماطمنتناش عليك

يارب اسمع عندك اخبار حلوه قريب

ربنا يكرمك ويسهلك امورك انت ومن تحب

أختك توكا

صاحب المضيفة said...

العزيز .. أحمد العجوز


شكر الله لك سؤالك الطيب


تحياتي

صاحب المضيفة said...

همس الاحساس


ربنا يكرمك يارب ويبارك فيكي

وشكرا لزيارتك الاولى في المضيفة


دمت بخير

صاحب المضيفة said...

سمو الأميرة توكا


ربنا يكرمك يارب على سؤالك الغالي


وربنا يكرمك مرة أخرى لزياراتك المتكررة


دمت بخير