Sunday, April 19, 2009

قرار تدويني مهم




قرار تدويني

قررنا نحن أبومالك ... صاحب المضيفة إني أتخبط في دماغي وأعملها وأمري لله وخلاص وأتوكل على الله وأدخل حياة الزوجية والمسؤولية والجري ورا كل حاجه بعد كده وكل الحاجات المشابهه دي إن شاء الله

وبناء عليه سيتم الاتي

سيتم زفافي بإذن الله يوم السبت القادم 25 اللي هو أجازة رسمية يوم تحرير سيناء علشان اللي عنده أي عذر يبقى مش له حجة خالص


إن شاء الله سيكون عقد القران في مسجد الشبان المسلمين في بنها بعد صلاة العشاء والفرح في قاعة نادي نقابة المحامين في بنها برضو

والاتنين قريبين من بعض في نفس الشارع

ولذلك

فإننا وبكل فخرو إعتزاز نتشرف بدعوة جماهير المدونين الغفيرة لحضور الزفاف والحصول على فرصة ذهبية كبرى لا تعوض بإنهم طبعا هيشوفوني بما إني العريس

:):):):)

وإنهم كمان هيشوفوا بعض ويسلموا على بعض ويسألوا على بعض وكل الحاجات اللي فيها بعض دي

وده من باب

ولي فيها ماَرب أخرى

وعليه

سيتم إنتظار الجميع دون أدنى تفكير في أعذار أو ما شاكل

وياويله اللي مش هيجي


وعقبال كل من إستشاء وكل من فكر وقدر ودبر

:):):):)

والله من وراء القصد وهو يهدي السبيل



صاحب المضيفة



72 comments:

كفايـة طيبـة said...

اول تعليق لأحلى بوست

الف مبروووووووووك يا استاذ ابو مالك

بارك الله فيكما وبارك عليكما وجمع بينكما فى خير

يارب تبقي حياة سعيدة ورائعة يارب ويرزق حضرتك الذرية الصالحة يافندم :)

مشروع انسان said...

بارك الله لكما وبارك عليكم
وجمع بينكما فى خير

انت مصر محضرش ولا ايه
مش كنت تستنانى

ربنا يعينك يا بطل
وتجرب الجواز
وتحيكلنا

لو حلو ندخل
لو حلو برضه ندخل

:))

اسعدك الله

وردة said...

مبرووووووووووك
الف مبرووووووووووك
ربنا يتملك بالخير يارب
ويخلف عليك بالذرية الصالحة
ايوة كده هي ديه الاخبار اللي تفرح
ماشاء الله
اللهم بارك لكم وبارك عليكم وجمع بينكم في الخير
معلش مش حقدر اجي بقي
اصلي من اسكندرية
بس سلملي علي العروسة وبارك لها بالنيابة عني
ربنا يباركلك
واول زغروطة من عندي
لولولولوولولولولولولولولولولي
ابسط ياعم
سلام

ام يحيي said...

بارك الله لكما وبارك عليكما وجمع بينكما في خير


ربنا يسعدكو ويهنيكو في طاعته ويرزقكو مالك واخواته

سلامنا للعروسة ..للأسف مش هنعرف نشوفها ..بس متعوضة ان شاء الله

جمعاوى said...

فى غداء ؟؟؟؟؟؟؟؟؟؟؟؟؟؟؟؟

!!!!!

جنّي said...

السلام عليكم

مبارك ..


بارك الله لكما وبارك عليكما وجمع بينكم في خير ..

No Fear said...

السلام عليكم
ألف مليون مبروك
اللهم بارك لهما و بارك عليهما و أجمع بينهما في الخير
و أرزقهم الذرية الصالحة يارب

ومازلتُ أتعلم said...

الف مبروك لحضرتك
وربنا يبارك ليكم ويجمع بينكم فى الخير.

فراشة said...

الف مبروك
ربنا يبراكلك ويسعدك ويجعلها لك زوجة صالحة ويجعلك لها زوجا صالح
ويرزقكم بالذرية الصالحة
مبرررررررررروك

فاتيما said...

الف مليون مبروك يا انس
زى ما وصيتك يا صديقى الصغير سنا الكبير قلبا
و ربنا يسعدكم و يهدى سركم
يا رب
يا رب
يا رب

خديجة عبدالله said...

يا سلام اهى دى الاخبار ولا بلاش :) ربنا يبارك لكما إن شاء الله
بارك الله لكما وبارك عليكما وجمع بينكما فى خير ورزقكما الذرية الصالحة النافعة للاسلام إن شاء الله
بس انا عندى عذر وزعلانة جدا لانى مش هعرف احضر لان ده نفس يوم فرح بنت خالى يلا خير المهم الواحد يحضر افراح :)
أسعدكما الله تعالى ودمتما بخير

Lobna Ahmed Nour said...

الف مبروك .. ادام الله افراحكم

*البت المشمشية *حلوة بس شقية * said...

ايه ده ايه ده
انتا من بنها وان امعرفش
ان اكمان من بنها
ان شاء الله احاول اجى
واشوف العريس والعروسة

موناليزا said...

بارك الله لكما وبارك عليكما وجمع بينكما فى خير

(صندوق الدنيا) said...

ما شاء الله
بارك الله لكما وبارك عليكما

وجمع بينكما فى خير

أحمد سعيد بسيوني said...

بسم الله

ألف مليون مبروك

وربنا يتمم لكم بكل خير

بارك الله لكماوبارك عليكما وجمع بينكم على خير

دمتم بسعادة

Empress appy said...

ربنا يتمم لك على خير يا رب ويوفقك

Anonymous said...

لولولولولولولىىىىىىىى
:)))))
الف الف مبروك يابو مالك
شوفت الزغروطه الجامده دى
:)))))
ربنا يارب يتمملك على خير ويسعدك دنيا واخرة يارب

سلامى ودعواتى
:))))

همسة قلم said...

ماشاء الله :)

ألف مليون مبروك اخونا الكريم أنس :)

بارك الله لكما وبارك عليكما وجمع بينكما في خير

ربنا يتمم بخير ويرزقكم الذرية الصالحة

:)

صاحب المضيفة said...

كفاية طيبة

ربنا يكرمك يارب ويرضى عنك

كل التحية

صاحب المضيفة said...

امام الجيل

ياباشا انا قلت اعملها قبلك علشان افتح نفسك بقى وربنا يسهل وتتخبط في دماغك وتعملها كمان زيي

وساعتها هاقعد اضحك عليك من قلبي لانك وقعت في الفخ ياصديقي

:):):):):)
تحياتي ودعواتي

صاحب المضيفة said...

ورده هانم

شكرا جزيلا للزغاريط الجميلة دي وكان بودنا تحضري لكن قدر الله وما شاء فعل

ملحوقة ان شاء الله في اول تجمع تدويني باذن الله

كل الود

صاحب المضيفة said...

أم يحي

جزاكم الله خيرا على الدعوتين الحلوين دول وان شاء الله السلام يوصل


كل التحية

صاحب المضيفة said...

جمعاوي باشا


في غدا وزي الفل كمان


بس انت تعالى بس وربنا يسهل

لو عاوز تيجي كلم عصفور ونسق معاه


تحياتي يا صديقي

صاحب المضيفة said...

جني

وعليكم السلام ورحمة الله


نفع الله بك الدنيا ورضي عنك وارضاك


تحياتي

صاحب المضيفة said...

وعليكم السلام ورحمة الله


ربنا يكرمك يا محمد ويسعدك يارب دايما وينور حياتك بالطاعة والخير يارب


تحياتي

صاحب المضيفة said...

وما زلت أتعلم

شكرا جزيلا وربنا يسعدك ويرضى عنك

كل التحية

صاحب المضيفة said...

فراشة هانم


ربنا يسعدك ويرضى عنك يارب


كل التحية

صاحب المضيفة said...

خالتي العزيزة جدا ... فاتيما


ربنا يسعدك يارب ويرد لك يوسفك على خير يارب

وصيتك في وداني ووجداني كمان


كل التحية

صاحب المضيفة said...

اختي الكريمة .. خديجة

ده عذر مقبول وان كان يسعدنا حضوك للفرح
لكن يالا ملحوقة على خير ونحضر فرحك باذن الله تعالى


كل التحية والاحترام

صاحب المضيفة said...

يونك

اسعد الله أيامك بكل خير ونفع بك الدينا كلها يارب


كل التحية

صاحب المضيفة said...

المشمشية هانم

ربنا يكرمك وان شاء الله تنورينا في الفرح بقى

وعقبالك ان شاء الله قريبا جدا كمان

كل التحية

صاحب المضيفة said...

موناليزا


شكرا جزيلا وجزاكم الله خيرا

كل التحية

صاحب المضيفة said...

أم البنين


جزيت الخير كله يارب


وعقبال الأولاد والأحفاد يارب


كل الود

صاحب المضيفة said...

أحمد سعيد


شكرا يا جميل على التهنئة الجميلة وعقبالك يارب قريبا


كل الود

صاحب المضيفة said...

ابي هانم



ربنا يسعدك يارب وعقبالك ان شاء الله في أقرب فرصة ممكنة


تحياتي

صاحب المضيفة said...

العزيزة ... شيماء


الزغروطة وصلت وكبيرة كمان

:):):):)


ربنا يسعد أيامك يارب ويرضى عنك


كل الود

صاحب المضيفة said...

الكريمة ... أسماء


ربنا يبارك فيكي يارب ويرضى عنك وعقبالك قريبا جدا باذن الله

منتظرينكم في الفرح انتي ومصطفى باذن الله

كل الود

خمسة فضفضة said...

السلام عليكم ورحمة الله وبركاته

الف الف مبروك ربنا يتمملك بخير يا ابومالك

بارك الله لكما وبارك عليكما وجمع بينكما علي خير

ما تنساناش في الجاتوه والشربات

بسمه عبدالباسط said...

مبرووووووووووووووووووووك مليون مبروك وربنا يتمملك بخير ان شاء الله

بنات افكارى said...

السلام عليكم

ماشاء الله لاقوة الا بالله
مبارك عليكم وبارك الله لكما
وبارك عليكما وجمع بينكما فى خير
ان شاء الله
يعني لو كنت حضرتك انتظرت شوية
كنت نازلة بنها اعزم ناس لفرح اخويا
وكنت حضرت لحضرتك بس يلا البركة فى اللي
هايحضرو ان شاء الله وربنا يجمع بينكم
فى الخير يارب ويجعلها حياة سعيدة
مليئة بالطاعات ويرزقكم ان شاء الله
بالزرية الصالحة :)

السلام عليكم

نبضات said...

الف الف مبروك
ارق الامنيات بالحب والنجاح والسعاده مع اسرتك الصغيره والجديده
ربنا يوفقكم فى حياتكم الجديده

تحياتى

روح said...

الف مبرووووووووووووووووووووك
بارك الله لكما وبارك عليكما وجمع بينكما في خير ....

مع اني مش عارفة لية كان
عندي احساس انك متجوز
ومخلق اروطة عيال
ماتعرفش الاحساس دة جة منين

ربنا يتمم لك علي خير يارب
وعقبال الجميع
تحياتي

قلمي said...

مبارك

بارك الله لكما وبارك عليكما وجمع بينكم في خير

kochia said...

الف مبروك
وربنا يسعدك ويوفقك ان شاء الله

بـِصَمتـِـ أميرة ــــى said...

تانى خبر حلو اوى اشوفه انهاردة
يارب عقبالى
استنى اما ازغرط الاول
لولولولولولولىىىىىى
الف الف مبرووووووك
وعقبال ماتجيب نونو كدة يكمل فرحتك وتتحول من اعزب فى البطاقة الى متزوج ويعول
لسة ماعملوش متزوج ويعول بس هتتعمل على يدى
هههههههههههههه
الف مبروك بجد
ربنا يتمملك فرحتك على خير يارب

واكيد مش فاضى انت تبص حتى عالمدونة والعروسة وخداك بس ماشى
لما تيجى اعرف انى زغرطتلك زغروطة من القاهرة وصلت لاخر حتة فى بنها

تقبل مرورى وفرحتى
ملكة بحجابى

... amr said...

ألف مليون مبرووووك

و عقبال ماتفرح بذريتك الصالحة و تجوزهم هما كمان ان شاء الله

بارك الله لكما و بارك عليكما و جمع بينكما في خير باذن الله

Anonymous said...

ياااه دلوقتى حسيت انى اتاخرت كتير عن النت والدونات
الف مبروووووووك يا ابو مالك
ربنا يتمم بخير
انا بعلق بعد الفرح
وربنا يجعل ايامكم كلها افراح وفى انتظار مالك
تحياتى لك وللعروس
منى
احاسيس

عاشــــــ النقاب ـقــــة"نونو" said...

بارك الله لكما وعليكما ورزقكما بالاولاد والبنات الصالحين يارب
الف الف الف مبروك
واهلا بيكم في عالم المتزوجون

بنت أبيها said...

بارك الله لكما وبارك عليكما وجمع بينكما في خير

rovy said...

السلام عليكم

سعدت و تشرفت بأن تكون اول زياره لى لمدونتك الكريمه اخى الفاضل هو ان اكون قد اتيت لأبارك و اهنىء و اتمنى ان يبارك الرحمن فيك و فى العروس الكريمه وان يجمع بينكما فى الخير و يرزقكم بالذريه الصالحة و يرزقكم حياة سعيده ان شاءالله ..
الف الف مبروووك

اطيب امنياتى و خالص دعواتى

Unknown said...

الف الف الف
مبروك
بالرفاء والبنين ان شاء الله
يارب تكون بداية حياة سعيدة وجميلة لك
وفقك الله

Ahmed El-Agouz said...

الف الف مبروك
بارك الله لكما وبارك عليكما وجمع بينكم في خير
العجوز

مشخبطاتي said...

والله ماأعرف ألا دلوقتى...
بارك الله لكما وبارك عليكما وجمع بينكما على خير..

وإن شاء الله هابارك لك على المولود فى ساعتها

ألف مليوووووووووووون مبارك ياصاحب المضيفة

صاحب المضيفة said...

خمسة فضفضة

الجاتوه موجود ومحجوز كمان

ربنا يسعدك ويرضى عنك يارب

صاحب المضيفة said...

بوس بوس

الله يبارك فيكي ويرزقك الخير دايما

تحياتي

صاحب المضيفة said...

بنات أفكاري


يالا الحمد لله على كل حال وهنعتبر انك حضرتي كمان


:):):):)

ربنا يوفقكم ف يفرحكم يارب ويتم لكم على خير

صاحب المضيفة said...

أختي نبضات

ربنا يسعدك ويرضى عنك


كل التحية والاحترام

صاحب المضيفة said...

روح هانم

ربنا يكرمك يارب بس أنا صغير والله وكنت لسه مش متجوز واديني اتجوزت اهو

:):):):)


تحياتي واحترامي

صاحب المضيفة said...

قملي

الله يبارك فيك ويحفظك ويسعدك دنيا واخره يارب

صاحب المضيفة said...

كوتشيا هانم

شكر الله لك ورزقك الخير أينما كنت

كل التحية

صاحب المضيفة said...

ملكة بحجابي

انا جيت اهو ابص على المدونة والمدونات واشوف عيلتي التانية

الزغروطة وصلت لحد المنوفية كمان مش القليوبية بس
:):):):)

ربنا يسعدك يارب

تحياتي

صاحب المضيفة said...

عمر

كرا لتهنئتك الطيبة وربنا يسعد دنيا واخرة يارب

صاحب المضيفة said...

أختي منى

ربنا يكرك وتهنئتك وصلت والحمد لله

تحياتي واحترامي

صاحب المضيفة said...

عاشقةالنقاب

شكرا للتهنئة الجميلة وعقبال أولاد حضرتك يارب

كل التحية

صاحب المضيفة said...

بنت أبيها

شكرا لتهنئتك وعقبالك يارب

صاحب المضيفة said...

روفي

الحمد لله ان وشي حلو وتكون اول زيارة بمناسبة سعيدة زي دي

ربنا يسعدك ومتشكر جدا للزيارة الجميلة دي

كل التحية

صاحب المضيفة said...

نهر الحب

الله يبارك فيكي ويرضى عنك ويرضيكي

كل التحية

صاحب المضيفة said...

العجوز باشا

الله يبارك فيك ويسعدك يارب

تحياتي

صاحب المضيفة said...

المشخبطاتي

شكرا للتهنئة الطيبة وربنا يبارك فيك يارب ويرزقك الخير دايما ويرضيك بيه

رحلتنا في الحياة said...

بارك الله لكما وبارك عليكما وجمع بينكم فى الخير

وفاء~ said...

ألففففففففففففففففففف مبروك يا صاحب المضيفة وعقبال ما نشوف ولادك وولاد ولادك و ولاد ولاد ولادك أهى دى الخطوات الايجابية وربنا يتمم بخير