كل واحد يفكر في الموقف ده كويس
لما بتلاقي واحد صاحبك او عزيز عليك بيسألك في امر يهمه او حاجه مزعلاه وبيطلب رأيك بتلاقي نفسك في كتير من الأحيان بتقوله كلام جامد قوي وكتير بتستغرب من نفسك على كمية الحكمة اللي نزلت عليك مرة واحده
لما تحط نفسك مكانه في نفس الموقف هيحصل ايه ؟؟؟؟ في الغالب بتكون عاجز عن التفكير بمنطقية وبنفس الأسلوب اللي انت كلمت بيه الشخص ده
يبقى السؤال بقى
ليه دايما بيبقى عندنا ازدواجية في التفكير في حل مشاكلنا مع ان الحل غالبا بيكون معانا بس بيحتاج شوية تفكير
الحل في الرشد و التوكل والتفويض
ايه الفرق بقى
الرشد والتوكل والتفويض
الرشد ... هو معالجة الأمر بموضوعية وكفاءة خصوصا في لحظات الصدمة الأولى إن وجدت لا قدر الله
التوكل ... هو الإعتماد على الله بعد الأخذ بالأسباب
لكن التفويض ... هو الإعتماد على الله قبل الأخذ بالأسباب وبعدها كمان
الفرق كده واضح جدا
والتلاتة احلى من بعض
لما حد يجربهم هيعرفهم كويس جدا ومش هيستغنى عن أي صفه فيهم
لذلك جميل قوي الدعاء اللي بيقول
اللهم ألهمني الرشد عند كل امر
اللم إكفني بحلالك عن حرامك وبفضلك عمن سواك
اللهم اني أعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال
والأدعية كتير قوي في الناحية دي لكن اللي يفتكر يدعي هو الفايز
وكل الأدعية الدالة على التوكل والإستخارة وطلب الرشد والإعتماد على الله في كل أمر من أمور الدين او الدنيا
وياريت الأذكار في كل يوم ... دي بتخلي الواحد دايما محصن ضد كل حاجه غريبة وشاذة ومؤذية
دي روشتة إيمانية كده على الماشي كده لحد ما ربنا يفرجها علينا
دعواتكم الغالية
سلامات كبيرة قوي
43 comments:
أخي الحبيب عشان يكون عندك نفس هذا القدر من الحكمة في مواقفك أنت ينبغي عليك أن تفكر بروية وهدوء في أوقات العافية وأن تفترض كافة الاحتمالات والسناريوهات وتأخذ مواقف مبدئية افتراضية مدروسة وتهيء نفسك لها وأن تتوكل على الله أنه سوف يثبتك في ذلك كما أرشت أنت حفظك الله
لي خبرة في هذا الأمر بفضل الله وقد عودت نفسي منذ زمن أن أفترض المواقف كثيرا
وتذكرت دعاء النبي صلى الله عليه وسلم الذي علمه عليا رضي الله عنه
اللهم اهدني وسددني
طبعا كل النصايح الحلوة دى طبعا بتفيد جدا
يعنى الرشد و التوكل والتفويض حاجات نتأكد اننا لو عملناها هنوصل من غير كلام
بس انا عندى تعليق واحد بس ان بطبيعه الحال الإنسان لما بيكون جوا الموضوع مش بيبصلو زى اللى براه
لان اللى برا اولا مش بيبقى فى حاجة مأثرة عليه من الموضوع زى اللى جواه
زائد ان الواحد لما يبص لموضوع بنظرة شموليه من برة غير لما تكون الأفكار كلها هو عايشها
عشان كدة تلاقينا كتير نستغرب من الحكم اللى بتصدر منا
دة رايى لان دة بيحصل معايا كتيييييييييير اوى
تحياتى وبجد بتنورنى بمرورك عندى
صاحب المضيفه
ربنا يبارك في حضرتك
فعلا روشته كويسه وهايله
بس فيه تعليق
كلنا اما نكون في المشكله مش بنقدر نحلها لو احنا براها
يمكن علشان الموضوع بيبقي بيخصنا اوي
مش عارفه
جزاك الله خيرا
الكريمة .... سهر الليالي
هو علشان الواحد بيكون متأثر بالموضوع لما يكون جواه
يبقى الصفات دي هي المطلوبة علشان نوصل لحالة الرضا والإقتراب من الكمال الإنساني المطلوب مننا
دي فايدة الصفات الكريمة اللي ربنا طلب مننا التحلي بها على طول
دمت بخير
عاشقة الفردوس الكريمة
هو ده اللي بنقول عليه
وده اللي بنقول عليه الوجه الاخر للعملة أو الفضيلة
ايه الفضيلة في واحد بيسكن على سطح جبل وبيقول أنا باغض بصري
هو فين غص البصر بقى
هي دي قيمة الفضائل دي
انه نستعين بيها لمواجهة الحياة والرذائل
الباشا عصفور بيه
من الجميل أم يكون الانسان عنده الرشد ودي صفة جميلة نسأل الله تعالى أن يرزقنا بها
دمت بخير
أخلاقنا...اسلامنا
إيمانا منا بأن حال العالم ...لم ولن ينصلح... إلا بالاسلام
وإيمانا منا بأن اسلامنا...لم ولن ينصلح ...إلا باأخلاق
اتفقنا...أو وفق الله بيننا ...لتكوين أول حملة للأخلاق...لتحقيقها...والسمو بها...والعمل بها بإذن الله
...................
من نحن
مجموعة من الشباب ...أهمهم حال أمتنا...وعروبتنا...وأوطاننا
فوفق الله بينناعلى الإجتماع على هذه الحملة...ولنطلقها حتى تصل إلى عنان السماء...علها تشفع لنا يوم القيامة
وبإذن الله ... سوف نعلن في البوست القادم عن المدونات والمواقع التي تدعم هذه الحملة
...................
وقد تم بحمد الله إنشاء مجموعة أخلاقنا إسلامنا البريدية على
yahoo groups
وسننشر بها ان شاء الله ما يتم انزاله من مقالات وفعاليات الحملة
وللاشتراك في الحملة...اضغط على الرابط التالي
http://groups.yahoo.com/group/akhlakona/
Group Email Addresses
Related Link
http://groups.yahoo.com/group/akhlakona/www.ana-insan.blogspot.com
ايه يا عم الكلام الجامد ربنا يزيدك
فعلاً لو عالجنا امورنا بالتفويض ثم التوكل ربنا هيصلح لنا حالنا قوي خصوصاً ان مشاكل كتير ممكن تتحل بهدوء وبدون عصبية بس احنا اللي لازم نعمل من الحبه قبه
ربنا يلهمنا الرشد والتوكل فهو القائل عز وجل ( ومن يتوكل على الله فهو حسبه)
اذن ثمرات التوكل عظيمة لو أخذنا بيه ....جزاكم الله خيرا ودمت بكل خيرِ
أخوك: خليفة
الله ينور عليك
اية الكلام الجامد دة
بجد جزاك الله خيرا على الروشتة الرائعة دى
اللهم ألهمني الرشد عند كل امر
اللم إكفني بحلالك عن حرامك وبفضلك عمن سواك
اللهم اني أعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال
تحياتى لك على الموضوع الجميل
جزاكم الله خيرا أخى
فعلا زى ماقلت ..العلاج هوه التوكل على الله والتفويض اليه
بس فعلا الواحد لما يكون جوه المشكلة ومطلوب منه ان يتخذ قرارته بيقى نفسه انه يفكر فى كل الحلول اللى ترضيه بدون اى خسائر
والدليل على كده اننا بنفرح قوى لما نستشير حد ويكون رايه متفق مع ارائنا
بس فعلا بتيجى على اقل الاسباب
المهم اننا يكون عندنا يقين بأن الخير كل الخير فيما كتبه الله لنا
....
مش عارفة حاسة ان الكلام ملغبط شويتين كده
بس ان شاء الله يتفهم
دمت بخير
يمكن يكون خفوك على الشخص الغالي عليك هو اللي بيخيلك تقولك على حلول او على افعال ممكن لو انت مكانة ما تقدرشي تعملها احساسك بانك عايز تنجيه من المشكلة اللي هو فيها هو السبب
تحياتى
العزيز ... انا انسان
شكرا على المشاعر الطيبة والكيفية الجميلة
دمت بكل الود
خليفة باشا
شكرا على الكلام الحلو ده
يارب يجعل لنا منه نصيب
أمين
دمت بخير
السلام عليكم
تصدق فعلا ده اللى بيحصل
بس اعتقد زى ما قالو الأخوة قبلى لما الواحد بيكون خارج الموقف بيكون شايف الصورة بشمولية أكبر فعلشان كدة بيقدر يوصل للحل المناسب بعكس ما اذا كان هو نفسه صاحب المشكلة
روشتة رائعة منك
ويااااارب ربنا يلهمنيا الرشد عند كل امر
سعدت جدا بزيارتك ليا
ودى أول زيارة ومش الأخيرة بإذن الله :)
مروة هانم
شكرا على المرور الكريم
ويارب تكون الروشتة نفعت وياريت بقى تقوليها لكل زمايلك
دمت بخير
الكريمة بوس بوس
ربنا يكرمك على الكلام الجميل
أتمنى أنه يكون نفعك ويارب تعلنيه لغيرك علشان الفايدة تعم
دمت بخير
العزيزة أماني
شكرا على الكلام الجميل ده
ربنا يبارك فيكي
ويارب نزكي عنه بنشره بقى
دمت بكل الود
صاحب المكسرات الغالي
كلامك منطقي وبيحصل كتير جدا
لكن الفرق في استخدام الحاجات اللي قلنا عليها
يكون هناك أداء احلى وأحسن
دمت بخير
المحترمة ... غالية
ربنا يكرمك ويعزك على المرور الطيب
ونتمنى تكرار الزيارة مرات ومرات
دمت بكل الخير
ايه يا عمنا
إنت بقالك كده كذا بوست
بتتكلم ف حاجت تخلى الواحد يشك فيك
مالك ؟؟؟؟؟؟؟؟؟؟؟؟؟؟؟؟؟
بس البوست ده أحلاهم
لى عودة
عم الجمعاوي الروش
يا عمنا ولا شك ولا حاجه
ربنا يستر علينا بس ونعدي من الدنيا دي على خير
دمت بخير
السلام عليكم
انا اول مره ازور مدونتك
وبجد فيها افكار حلوه
والبوست ده كويس
بس ايه تزود نسبة الكوميديا فى كتابتك حتى لايشعر القارئ بالملل
واتمنى تزور مدونتى
ويا رب تعجبك
صالح بن سعيد مش لادن
تحياتي
في رأيي اننا حين نعطي راي لاحد الاصدقاء
فأننا نقوم بأعطاءه ما نعتقد بأنه الرأي الأمثل من وجهة نظرنا...لكن التنفيذ او الأخذ به يعتمد علي السائل نفسه...هل يقدر ينفذ ام ان ظروفه و طبيعة شخصيته قد تمنعه...
الدعاء جميل و اسمح لي ان اضيف:
" و افوض أمري الي الله أن الله بصير بالعباد "...ان شاء الله يكفيك مكر الماكرين..
" لا حول ولا قوة الا بالله العلي العظيم"
ان شاء الله تجعل لك فرجا من كل ضيق.
"إن لله و إنا إليه راجعون " ان شاء الله يثاب و يعوض عن مصيبته خير.
تحياتي و تقديري
السلام عليكم
صحيح كتير بنحكم ونكلم الناس
ونتكلم على الناس
فى مواقفهم بحكمة ورزانة
وازاى عملت كده
وفيه حد يعمل كده
بس ميدان القول غير ميدان العمل
موضوع جميل
في رايي ان المواقف انواع يعني فيه امور ممكن الانسان ياخد وقته في التفكير فيها ويستشير القريبين منه
او حتى يجرب انه يتقمص شخصية حد تاني علشان يبص عليها من برة ويعيد تقييمها ويخذ قراره
لكن في نفس الوقت بيكون فيه مواقف محتاجة تصرف سريع وفي الحالة دي ربنا سبحانه وتعالى يلهم الانسان التصرف الصحيح اللي ممكن ينقذ حياة انسان .. ومن توكل على الله كفاه
بجد جزاك الله كل خير
روشته فعاله باذن الله
:))
سلامى
والله عندك حق
فعلاً الواحد لما بيقابل حد عايش مشكله
بينصح ويذكر واحياناً يجد الحل
ولكن عندما يكون هو صاحب المشكله
تغيب عنه الحكمة ورجاحة التفكير
ويسيطر عليه القلق والحيرة
ويظل حبيس مشكلته بلا تفكير
الآدعية من آجمل مايكون في هذه اللحظات
بارك الله فيك
تحياتى
الكريم ... صالح سعيد
شكرا على المرور الطيب
في انتظار المزيد من المشاركات
دمت بخير
عزيزي الربان
إضافة رائعة وطيبة
نتمنى المزيد من المشاركات الجميلة
دمت بخير
إمام الجيل الغالي
شكرا على التعليق الجميل
دمت بكل الخير يا جميل
uniqe المحترمة
هو لازم الصفات القلبية الروحة دي تبقى أساس في كل واحد مننا علشان يعرف يتحرك براحته في الدنيا
والاكنا بقينا كلنا الات وخلاص
هو ده الفرق بيننا وبين الغرب
دمت بكل الود
الكريمة ... شيماء
جزانا واياكم خير الجزاء
دمت بكل الود
كاميليا هانم
الدعاء ده المفروض يكون شيء أساسي في حياتنا كلنا بدون تفرقة ولا تمميز
هو ده الزاد الروحي اللي الواحد بيعرف ينمشي بيه في الدنيا خصوصا في الزمن العجيب ده
جربي وهاتلاقي الفرق كبير قوي
سلاماتي
كتبت تعليق .. وطار
أظن أن كلام أخي عصفور المدينة صحيح , وكذلك فعل أئمة الفقه عندما افترضوا أمورا وكيفوها من الناحية الشرعية حتى إذا جاء وقت حاجتنا لها وجدناها جاهزة مدروسة منهم في أوقات كانوا فيها أفضل منا حالا وعلما
جزاك الله خيرا
أخي وضاح
كلامك طيب
ويرايت نطبق كام يطبق استاذنا العصفور
الموضوع كده يفرق جدا مع الكل
دمت بخير
عزيزي صاحب المضيفة
ازيك سيادتك الاول؟؟
-----------------
لطالما استوقفتني هذه المسألة بالفعل
و هي انني اجد نفسي انصح غيري بشدة و لكن عندما اكون انا في ذات الموقف افقد ها الحل الحكيم و لا ادري ما العمل ؟و استعين بغيري...
و انا ارجع هذا الي الصدمة كما ذكرت والي فاجعة الموقف مثلا..
ها يعجزني عن التفكير تماما
و لكن روشتتك الجميلة ستجدي نفعا ان شاء الله ..
تحياتي لك سيدي
و جزاك الله خيرا كثيرا
:))
الكريمة mermaid
الحمد لله الأول
وشكرا على ذوقك في السؤال
ربنا يخليكي ويسعدك
وياريت ناخد الأدعية على الناحية المهمة من حياتنا علشان نسعد في الدنيا والاخرة
دمت بخير وهنا
دا إنت بتقول حمك جامدة قوي
و الدعاء حلو كمان
فعلاً الأذكار هي حصن المسلم
جزاك الله خيراً
:)
قصدي حكم
:)
عزيزي المهندس
تسلم الأيادي على المشاكرة الطيبة
يارب مش تكون اخر مرة
دمت بكل الود
الاخ الفاضل
اوجزت فأنجزت
اعقلها وتوكل
انه العقل الذى وهبنا الله وميزنا عن سائر مخلوقاته به .. نستخدمه ونتبين الخطأ من الصواب بإحتكامنا الى منهج الله عز وجل ثم نختار نقرر والاهم ننفذ
كلمات ومواضيعك فيها كثير من العقل والاتزان ومحاولة الوصول للحقيقة
عميق تحياتى وخالص مودتى
هدى
اللهم ألهمني الرشد عند كل امر
اللم إكفني بحلالك عن حرامك وبفضلك عمن سواك
اللهم اني أعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال
اللهم امين
بس يمكن علشان اللى ايده ف الميه مش زى اللى ايده ف النار
يعنى بتبقى انت رايق وظروفك فل والمشكله مشكلة غيرك مهما هتكون زعلانله او متأثر
مش هتبقى زىى ماانت فيه
تحياتى
Post a Comment