بسم الله
أولا يا جماعة مش كنت عاوز اكتب حاجه دلوقتي لحد ما أحط مفاجأتي الأول
لكن خالي الصباغ عزمني على تاج بقاله شوية مركون وبصراحة أحرجت أصبر أكتر من كده
قلت في عقل بالي ياد يا صاحب المضيفة رد على خالك ده حتى من باب الذوق و الأدب
لذلك نتكل على الله ونبدأ نجاوب وربنا يستر
هل توافق على حذف خانة الديانة من البطاقة الشخصية ؟
هي دي عاوزة رأي .... طبعا لأ
ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟ هل لديك أصدقاء من المثليين ؟
طبعا لاأوافق على ذلك وربنا يكفينا شر كل غريب في مجتمعنا
هل تعتقد بوجود إضطهاد للمسيحين فى مصر ؟
ياسلالالالالالالالالالالالالالام ... سؤال مضحك قوي بصراحة
من هو الشخص الذى تختارة لرئاسة مصر ؟
اللي ينفع ساعة الاختيار ... أي واحد يتقي ربنا فينا وخلاص
أذا قمت بتأسيس حزب سياسى ... من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟ هل توافق على مشاركة كل من : الإخوان المسلمين - الأقباط فى الحكم ؟
كل واحد شايف في نفسه انه ينفع ويخضع للمقايس المعروفة في هذا المجال يا مرحب بيه وبعدين الاخوان او الأقباط أهلا بيهم في أي مكان طالما وجودهم بيحقق المصلحة العامة وقديما قيل ... أينما حلت المصلحة العامة فثم شرع الله
فى رأيك الشخصى ... ما هى أفضل مدونة على بلوجر قمت بزيارتها ؟
بدون مناقشة ... عصفور المدينة ... بدون زعل يا خال الله يعمر بيتك
للذكور فقط : أيهما تفضل كزوجة ... إمراءه عاملة ، أم ربة منزل ؟
ربة منزل طبعا ... تخلي بيتي جنة من مجاميعه أرجع له أخر اليوم وأنا متلهف على دخوله
اذا تزوجت وأنجبت ولدين وبنتين ... أى الأسماء تحب أن تسمى ؟
من الذكور : مهند و براء
من الإناث : رفيدة و عائشة
هل تعتقد أن توريث الحكم فى مصر .... سيتم فعلا أم لا ؟
الله أعلم ... الواحد بقى مش عارف بكرة هايكون فيه ايه
فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟
أهم انجاز ... الكباري اللي نازلة ترف على دماغنا في كل حته .... وأسوا عمل ... المحاكمات العسكرية اللي نازلة ترف على روس العباد كل كام سنة
كفاية ويارب تكون اجاباتي حلوة وخفيفة عليكم
أمرر التاج للبشر دول
دكتور حر
أخر العنقود
خيخة هانم
فرنسا هانم
صمود
عاشقة الفردوس
أولا يا جماعة مش كنت عاوز اكتب حاجه دلوقتي لحد ما أحط مفاجأتي الأول
لكن خالي الصباغ عزمني على تاج بقاله شوية مركون وبصراحة أحرجت أصبر أكتر من كده
قلت في عقل بالي ياد يا صاحب المضيفة رد على خالك ده حتى من باب الذوق و الأدب
لذلك نتكل على الله ونبدأ نجاوب وربنا يستر
هل توافق على حذف خانة الديانة من البطاقة الشخصية ؟
هي دي عاوزة رأي .... طبعا لأ
ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟ هل لديك أصدقاء من المثليين ؟
طبعا لاأوافق على ذلك وربنا يكفينا شر كل غريب في مجتمعنا
هل تعتقد بوجود إضطهاد للمسيحين فى مصر ؟
ياسلالالالالالالالالالالالالالام ... سؤال مضحك قوي بصراحة
من هو الشخص الذى تختارة لرئاسة مصر ؟
اللي ينفع ساعة الاختيار ... أي واحد يتقي ربنا فينا وخلاص
أذا قمت بتأسيس حزب سياسى ... من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟ هل توافق على مشاركة كل من : الإخوان المسلمين - الأقباط فى الحكم ؟
كل واحد شايف في نفسه انه ينفع ويخضع للمقايس المعروفة في هذا المجال يا مرحب بيه وبعدين الاخوان او الأقباط أهلا بيهم في أي مكان طالما وجودهم بيحقق المصلحة العامة وقديما قيل ... أينما حلت المصلحة العامة فثم شرع الله
فى رأيك الشخصى ... ما هى أفضل مدونة على بلوجر قمت بزيارتها ؟
بدون مناقشة ... عصفور المدينة ... بدون زعل يا خال الله يعمر بيتك
للذكور فقط : أيهما تفضل كزوجة ... إمراءه عاملة ، أم ربة منزل ؟
ربة منزل طبعا ... تخلي بيتي جنة من مجاميعه أرجع له أخر اليوم وأنا متلهف على دخوله
اذا تزوجت وأنجبت ولدين وبنتين ... أى الأسماء تحب أن تسمى ؟
من الذكور : مهند و براء
من الإناث : رفيدة و عائشة
هل تعتقد أن توريث الحكم فى مصر .... سيتم فعلا أم لا ؟
الله أعلم ... الواحد بقى مش عارف بكرة هايكون فيه ايه
فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟
أهم انجاز ... الكباري اللي نازلة ترف على دماغنا في كل حته .... وأسوا عمل ... المحاكمات العسكرية اللي نازلة ترف على روس العباد كل كام سنة
كفاية ويارب تكون اجاباتي حلوة وخفيفة عليكم
أمرر التاج للبشر دول
دكتور حر
أخر العنقود
خيخة هانم
فرنسا هانم
صمود
عاشقة الفردوس
75 comments:
أول تعليق
هيييييييه
عجبني اجاباتك عن التاج ده
انا جالي نفس التاج و اتمنى تشوف اجاباتي
بس من دودو اللي واخداه من الصباغ
ربنا يكرمك يا صباغ
خالص تحياتي
احمد
السلام عليكم
من سمو الانسه توكا حفظنى الله الى صاحب المضيفه
شوف سبحان الله اول مره ازور مدونتك الاقى نفس التاج
تقريبا اجابتنا واحده بس انا رغايه شويه
اكيد سعيده بالزياره دى
هههههههههه وحلوه التريقه عليا دى وانت بتقول حفظكى الله من تحت درسك
يلا مقبوله منك يا صاحب المضيفة
على فكره
مضيفتك مريحة اوى بس ناقصها بنت الحلال اللى تروقها بدل الكركبه دى
ههههههه
سلام
الكريم ... موجة
اجباتك طيبة وحلوة
وانا علقت عندك وقلت رأيي في التاج
يارب يكون الإختلاف للتنوع وليس للتضاد
دمت بخير
سمو الأنسة توكا
الاجابات واحدة لإنك خريجة علوم
وأان خريج علوم برضو
يبقى لازم يكون في تفاعل
هههههههههههههه
انا مش بقول التريقة من تحت ضرسي ولا حاجه
وبعدين بنت الحلال قربت جدا وبقت موجودة كمان ... وزمانها بتشوف ردك دلوقتي كمان
بس الموضوع ده له وقته في العرض والنشر
ربنا يهنيكي ويسعدك
دمت بخير
مبرووووووووووووووك
شوفت بقه انا وشى حلو الزاى
انت كمان علوم.......بصره
يارب يوفقكو ويسعدكو يااااااااارب
بس يارب تفتكرو تعزمونا على الفرح
سلاااااااااام
شكرا لتعليقك الكريم عندي
ووجهة نظرك لها كل التقدير
بس انا كل ما قصدته انه لا يمكن المضاهاة بين الاقباط و الاخوان المسلمون
فاذا كان الاقباط يعبرون عن شريحة من اقليات تعيش في ارض مصر
فالاخوان لا يعبرون عن مصر لانه لا يوجد جماعة متمايزة تعبر عن المسلمين في مصر
لان الاخوان منتشرون ومنصهرون في كل الطبقات و الفئات و ليسوا متمايزين اضافة الى كون مصر اصلا دولة اسلامية و ليست علمانية ليسمح لمساواة الاقباط مع المسلمين في الحقوق هم لهم ان نحميهم مما نحمي منه انفسنا و ان لا نظلمهم و لكن لا ارى مثلا ان يتولة منهم وزير
لكن يكفي اعضاء في مجلس الشعب على حيب حجمهم النسبي للتعبير عن مطالبهم رسميا و حسب
خالص تحياتي
احمد
إزيك يا صاحب المضيفة
ردودك معتدلة و واقعية
بس حكاية ان ست البيت هتخليه جنة فده أشك! هههههههه لأن اعرف ستات كتير بيشتغلوا ومبسوطين وستات كتير ما بيشتغلوش ومنكدين عيشة اجوازهم .. الحكاية برضه مش سهلة! ..على فكرة انا محتكرة اسم مهند..بحب الاسم ده جدا
تحياتي
على فكرة ..أقصد ان الحكاية ترجع للست نفسها .. مش عايزة اروح في داهية هههههه
موجة باشا
فكرتك وصلت يا باشا
وشكرا على الاهتمام الجميل
مروة هانم
الحمد لله وشكرا على السؤال الطيب
عاوز أقول حاجه
كل حاجه فيها الحلو وفيها الوحش
لكن المهم النفس
وزي ما انتي قلتي
المحك كله عند الست هي اللي بايدها تعمل البيت جنة أو تعمله جهنم
يارب تجعل بيتونا كلها جنات في جنات
دمت بخير
هاى يا مان
بجد تاج خفيف جدا
اى حد يفهمه
بس معجبتنيش اجابتك عن سوال المثليين وسوال الاضهاد المسيحيين فى مصر وبتاع رئيس الجمهورية
اشوفك قريب
سلام
يابومالك ربنا يحفظك ويعزك
والتاج جميل وإجاباتك فيها قدر كبير من الدبلوماسية
:)
ازيك يا استاذ بومالك ؟
منورة اجاباتك والله
و دوبلوماسية زي ماقال عصفور المدينة
تحياتي ليك
ابقي تعالي طل علي اجاباتي انا كمان
:))
مستنياك
سلااااااااااااااااااام
انت خريج علوم ؟؟
انا كمان خرجية علوم قسم ميكروبيولوجي
دفعة 2007
وعاطلة عن العمل
تحياتي ليك
نفدت منه
:))
ده تاج يودي في داهيه
بس ماشاء الله ردود مقنعه
ربنا يوفقك في جوازتك ويرزقك بمهند وعائشه وبراء ورفيده
عزيزي حسام
الاختلاف في الراي لا يفسد للود قضية على رأي المثل
دمت بخير
منتظرك قريبا يا مان
mermaid
ده الحكاية هاتعمل قافلة بقى
الناس كلها هاتطلع خريجة علوم
على العموم ... السمك بيعوم
هههههههههههه
كويس انك طلعتي بعقلك من الكلية الجميلة دي
دمت بخير
عاشقة الفردوس
مش نفدتي منه ولا حاجه
التاج بامرره ليكي أهو
ربنا يسهل ونشوف ردك عليه ايه بقى
وشكرا على الدعوتين الرايقين دول
ربنا يهنيكي ويسعدك
الباشا الكبير ... عصفور المدينة
نورتني بعد طول غياب
وده بعض ما عندكم يا مولانا
دمت بخير
اسئلة جميلة واجوبة مقنعة
بس هو مين احمد الصباغ ده مش فاهم
اصل بصراحة لسه جديد
أختي دودو
ربنا يهنيكي ويسعدك
بجد سعيد بزيارتك الجميلة للمضيفة
وأتمنى إنها مش تكون أخر مرة زيارة
والاختلاف في الراي لايفسد للود قضية
واسمي أبو مالك
شكرا جدا على ذوقك الرقيق
دمت بخير
عابد الرحمن الكريم
شكرا على زيارتك للمدونة
وأحمجد الصباغ مدون مشهور يعتبر خالو للكل
دمت بود
ايه التاج الخطير ده؟
بس ماشاء الله
متكعبلتش
وعديته بسلام
بس قولى
ايه المفاجاه
متخافش
سرك فى بير
الله يسااااااااااااااااااامحك
ياأبو مالك ده انا لسه بقول ياهاااااااااادى
تبعتلى تاج؟؟؟؟؟
ومن النوعية دى كمان
الله يكرمك
ماشى ياأبومالك
قصدى يا أبو مهند
:)
مش بقول ربنا يسترها
اجابتك جميله وبسيطه وفى الصميم
لكن
سؤال الرئاسه
ساعتها
كل واحد هيشوف انه ينفع للمنصب وهيتقر ربنا
وبعدين
وما ادراك ما بعدين
شكرا على تمرير التاج
تصحيح
هيتقى ربنا
احلى حاجة انى كل ما ادخل مدونة الاقى فيها التاج ده
بس انت رديت عليه حلو
ربنا يعينك على التاجات
دى اول زيارة
و اتمنى تزور مدونتى و يحظى موضوعى بالاعجاب أيضا
دمت بود
تحياتى
إجابات هادئة .. وبسيط .. يستدعي أن نقول عنها جميلة
:)
أتشوق لمعرفة المفاجأة
:)
أجمل حاجة عجبتني في التاج ده
إتفاق كل المدونين فى رفضهم التام
لحذف خانة الديانة
أتمنى إن الحكومة مش تعملها زى كل مرة
وتنفذ دون الرجوع لأصحاب الحق
كما اعتادت أن تفعل
فكثيرا ماتطرح قضية وقرار التنفيذ جاهز
حتى قبل الطرح
ربنا يهدى الحكومة يارب
إجابتك سهلة ممتنعة وممتعة أيضاً
لك تحياتى وتقديرى
كاميليا
أحيانا يكون هناك بعض الأشخاص انتسابهم للإسلام عار
وان خيرونى
حقول نشيل خانة الديانة
جزاكم الله كل خير
السلام عليكم
السلام عليكم يا أهل المضيفه
بجد عجبتني ردودك في التاج وواقعتها
بس ليا تعليق على حكايه مشاركة الأقباط المسلمين للحكم
من رأيي الشخصي ان الحكم الاسلامي هو الاساس وهو الحل خصوصا زي ما انت قلت لما نحكم اناس يراعوا ربنا فينا ويحكموا بما شرعه ربنا
واظن الجزئيه دي تخص الاسلام والمسلمين فقط
والاختلاف في الرأي لا يفسد للود قضيه وطبعا مش إهانه للأخوه الأقباط او تعصب او لا سمح الله بجور على حقوقهم
تحياتي وخالص تقديري
وشرفني تواجدي بين صفحاتك
تاج قوي جدا بجد
اجابات حضرتك كانت جميلة بس كالعادة محتاجة تفصيل أكثر
بس خلاص احنا اتعودنا على كده
:)
بورك فيك ورزقت مما تحب
السلام عليكم
خير الكلام ما قل ودل
مش عارف انت كنت مستعجل ولا ايه
بس كده احسن
وبتشتغل ايه بقى يا خريج العلوم؟؟ وهو احنا لينا نقابة؟
لسة جاي من عنذ ذو النون و لقيت هناك نفس التاج
في عدوة تاجات في البلد
لا انا منفدتش منه
انا بقول عليك انت للي نفدت منه باجابات دبلوماسيه
انا خالو احمد مدبسني انا كمان فيه وربنا يستر
ولا شكر علي واجب
ولا تنسانا من صالح دعاءكم
ياه من زمان نفسى اعلق فى مدونه بحترمها جدا وبامانه نايس بوست جدا
بالنسبة لموضوع الزوجه
ليه يا عم تبقى ربه منزل
عاوزنها عاملة
واهو قرش على قرش نكمل الجنيه
هههههههههههههههههههههاي
ازيك يا ابو مالك
عجيتنى اوى اجابة سؤال عايز مراتك تبقى ايه
وكمان اسماء الاولاد عجبونى اوى
بس كنت عايزة اعرف يعنى ايه رفيدة
وبس خلاص
ومستنيين بقى البوست الموجود فيه المفاجأة
وشكرا ليك علشان مررتلى التاج
وانا فعلا حليته من كام يوم
سلملى على عيلة ابو زيد كلها
اختك خيخة
Hello, Thanks for your posting. Very good.
have a good day
الكريمة ... منى
التاج ولا خطير ولاحاجه
ربنا يكرمك ويعزك على الكلام الطيب ده
دمت بخير
أخر العنقود
اجبات التاج مش كبيرة علة واحدة زيك
انتي قدها وقدود
قولي يا مسهل في الكتابة بس وهانشوف العجب ان شاء الله
دمت بخير
خالتي فرنسا
شكرا على المرور الكريم
وربنا يسعدك
أمين
إيمان الطاهر
ربنا يخليكي على ذوقك
وان شاء الله لنا زيارة لمدونتك
دمت بخير
وضاح باشا
شكرا على المرور الجميل
ادعيلي بس تكمل على خير
وربنا يسهل الأمور
دمت بخير
كاميليا هانم
ربنا يسمع منك دعوتك دي
وشكرا على السؤال الرقيق
دمت بخير
مؤمن محمد
قد نختلف في وجهة النظر
لكن تبقى الخلفية الفكرية واحده على طول الخط
سعدت بزيارتك
فتافيت السكر
شكرا على الزيارة الجميلة
لكن الاختلاف فعلا لايفسد للود قضية
شكرا مرة أخرى على المرور الطيب
النجمة الصامده
أنا عراف إن كل اللي بيدخل المضيفة دماغهم حلوة ونضيفة
فقلت مش محتاج شرح كتير بما أنه معظم الناس تفكيرهم حلو
على العموم
شكرا على زيارتك الكريمة
الكريم .... vague
سعيد بزيارتك الكريمة
واجباتاي مش مستعجلة ولا حاجه
دمت بخير
شارم باشا
دي عدوى بقالها كام يوم كده
ربنا يسهل وتخلص على خير ان شاء الله
سعيد بزيارتك الكريمة
دمت بخير
عاشقة الفردوس
كان الله لك وسهل لك كل عسير
ورزقك من حيث لا تحتسبي
دمت بخير
صوت من مصر
شكرا يا باشا على زيارتك
لما أشوفك لي خناقة معاك
خمن كده أنا مين بقى
أعرفك كويس جدا
سلام يا صاحبي
حرنكش
انا مش مع كده على طول ولا العكس على طول
انا مع الوسطية في كل حاجه
علشان تكون كويسه على طول
دمت بخير
خيخة هانم
سلامك وصل
واتفضلي الأسامي لو عاوزاها
ومش مهم انا بقى
دا انتي خيخة بصحيح
سلامي لشريف بيه لو سمحتي
الكريم ... ديفيد
شكرا على الذوق الجميل
دمت بود
حلو الاجابات دى
واقعيه
:))
سلام
إجابات رائعة وجميلة
ربنا يكرمك ويخليك لنا يا عم انس يا غالي
ودعواتك دايما..... انا ماليش دعوة بالتاجات بتاعتكم دي ...بصراحة بتضايقني كلمة امرر التاج دي ..مش عارف ليه0
شيماء هاتم
شكرا على المرور الجميل
دمت بخير
ياه التاج ده انتشر جدااااااااا
انا جالى من اتنين ولسة ماجاوبتوش
بس اجاباتك عجبتنى قوى
تحياتى لك
ايه ده
يا حرام هو تاج الصباغ صابك انت كمان
الف لا بأس
إجاباتك حلوة وبحييك على سؤال الذكور جدا
تحياتى
السلام عليكم ورحمة الله
اغيثوا غزة
شارك معنا في القافلة الرابعة لمساعدة إخواننا في غزة
من يريد المشاركة من المدونين عليه الاتصال برقم0105076750
اتحاد الأطباء العرب لجنة الإغاثة والطوارئ
السلام عليكم ورحمة الله
اغيثوا غزة
شارك معنا في القافلة الرابعة لمساعدة إخواننا في غزة
من يريد المشاركة من المدونين عليه الاتصال برقم0105076750
اتحاد الأطباء العرب لجنة الإغاثة والطوارئ
بوس بوس هانم
شكرا على المرور الجميل
دمت بود
سهر الليالي
شكرا على ذوقك
دمت بخير
صاحب المضيفه بجد ممكن اعرف انت تعرفنى منين ؟
اناكده هتجنن بجد
ههههههههه
مش هاقولك دلوقتي
عاوزك تعرف لوحدك
سلام يا صاحبي
خليفة باشا
تسلم على الذوق الجميل
دمت بود
ايه يا عم ابو مالك
فين يا عم البوست بتاع المفجأة
شوقتنا خالص
سلام
اختك خيخة
اديعيلي يا خيخة قوي والله
يا مسهل
قريب جدا
العمدة الكبير
ألف مليون عشرميت تلاف مبروك
خالد
الاخ الفاضل
تأخرى رغما عنى بسبب النت الكميل وكمان الكمبيوتر الاكمل
اجاباتك دبلوماسية جدا جدا !0
موضوع مين مناسب يكون ريس دا صعب اوى لان دايما المصرى شايف نفسه يقدر على كل شىء يعنى مثلا لو شفت شوية بيتكلموا فى الكورة تلاقيهم كلهم فراودة ! لو فى السياسة تلاقيهم كلهم زعماء لو فى الحب حتى كلهم مقطعين السمكة وديلها !0بجد احنا فينا روح القيادة دى متوغلة بشكل وحش
تحياتى لحضرتك وخالص دعائى
هدى
فعلا الديانه مهم كتابتها فى البطاقه لانها فخر لاى انسان انه ينتمى للدين الذى يؤمن بيه ومن الاساسيات التى يجب ان تكتب فى البطاقه مثل اسم الشخص وتاريخ ميلاده وانا ضد انها مش تتكتب فى البطاقه عشان الناس اللى بتقول عشان محدش يتعامل بعنصريه انا بقول انا فخوره بديانتى واللى عاوز يتعامل معايا يتعامل واللى مش عجبه انا كمان مش عاوزه اتعامل معه مهما كان بينا مصالح او غيره
على فكره مش قريت التاج كله ولى عوده عشان مستعجله بس انا عجبنى انك مش مؤيين ان الديانه مش تكتب والسؤال عجبنى كمان فحبيت اسجل رائى
تحياتى
الكريمة هدى....
شكرا على مرورك الطيب
وحال النت ده عند الكل
دمت بخير وعافية
الكريمة ... نبضات
خانة الديانة لا يمكن حذفها من البطاقة الشخصية من وجهة نظري
ليه ... هي ناقصة تاني
شكرا على تطوافك في المضيفة وأتمنى أن تنول الاعجاب
دمت بعافية
Post a Comment