Friday, February 8, 2008

كان نفسي ... لكن

بصوا بقى

... من غير لف ولا دروان

أنا بقالي فترة عاوز أكتب حاجه وكنت عاوز أخلي البوست الجاي مفاجأة


لكن البت خيخة عمالة تسأل كل شوية على المفاجأة الحلوة


لذلك


قررت إني اقولكم وأمري لله

... من فترة كده نويت والنية لله إني أتوكل على الله و



... أخطب



أيوة أخطب وأكون زي البني أدمين الموجودين على وجه البسيطة على الرغم من كل موجات الغلاء والطرق المعيشة اللي داخلة على حيز المستحيل كمان شوية


... والحمد لله خطبت من فترة كمان وربنا أكرمني بواحدة محترمة وملتزمة وزي الفل وربنا يتمها علينا بفضله

... لكن


الحلو مش بيكمل على رأي المثل


كل ما أجي أعمل حفلة خطوبة كده على خفيف زي ما السنة قايلة


يطلع طارئ جديد يلزمني إني أأجل وبقالي على كده يجي أربع مرات تقريبا بقالي كام شهر

وكل مرة أكتب في المدونة وأقول انتظرونا قريبا لكن ما باليد حيلة


أعمل ايه بقى


وبعد طلب خيخة المتكرر والجمهور العريض معرفة الجديد ماقدرتش أصبر وأطنش تاني وقررت إني أتحفكم بالخبر السعيد ده


وطبعا كلكم فرحانين جدا علشاني


... أنا عارف


وأحب كل من ساهم وشارك في هذه الخطوة المهمة في حياتي وأولهم أخر العنقود وهند وأختي شوشو وأختي لولو وكل قرايبي اللي وقفوا جنبي وكمان خليفة ودكتور حر وكل الحبايب والأصحاب وباهديهم أغنية

أدور على اللي راح مني لمحمد عبد المطلب

عادي دي على الماشي كده


أما قصة الخطوبة دي بقى فهي قصة تاني خالص يمكن يجي يوم أحكيها لكن المؤكد إني مش هاحكي دلوقتي خالص


كفاية كده .... انا عارف إني أزعجتكم


ياريت تدعوا لي قوي


تتلقى التبريكات والتحيات المباركات على العنوان التالي


جمهورية مصر العربية ـ محافظة المدونين ـ مدونة المضيفة

ولا عزاء للرجال ولا للسيدات


كله أفراح إن شاء الله


ويجعله عامر بحسكم يا ناس يا أمرا

109 comments:

آخر العنقود said...

ههههههههههههههههههه
اولا الف الف مبروووووووووووك
مع انها قديمة بس يالا زى بعضه

ثانيا بقى ربنا يكرمك ياااااااارب ويتتمهالك على خير

وياسيدى مش شرط الحفلة خلاص كده
الموضوع تم باذن الله

ولا برضه عشان مايكونش نفسك فى حاجة
وتبقى مشكلة..ههههههههههه

هتفرج هتفرج باذن الله
ماتقلقش خاااااااااااااااالص

دمت بكل ود وسعادة

آخر العنقود said...

اسمى مكتووووووووووووووووب كماااااااااان

يا ابو مالك ده أقل واجب
أنت لسه شوفت حاجة؟؟
:))

تحياتى
وربنا ييسر لك ان شاء الله

صوت من مصر said...

الف 100 مبروك عليك خلى بالك انا مش عاي اعرف انت مين بس اقولك ربنا يوفقك

د/اجدع بنوته said...

لولولولوىىىىىىىىىىىىىى

لولولولوىىىىىىىىىىىىىىىى

الف الف الف الف

مليون مبروك

ربنا يتمها عليكم ع خير يارب

ويبارك فيكم وعليكم ويرزقكم الذريه الصالحه

وتعينك ع طاعة ربنا وتقويها انت ع عبادته يارب

بالتوفيق

واكيد هنتعزم ف الخطوبه

او حتى الجواز

ولا مفيش امل

احنا غلبانيين والله

حتة جاتوه وسندوتش بسطرمه

وبيست تفاح وشكرا

والله فرحنالك تقلش انا اللى اتخطبت

يلا مبروك مبروك مبروك

مبروك لحد بكره الصبح بقى

علشان نسيب سبيس للناس تبارك هى كمان

الف مليار بالتوفيييييييييق

Anonymous said...

الف الف مبروك يا باشا

وعقبال كل خطوبة وهنكون معاك برضو..
ايه متستغربش ..مش هنسيبك
وعقبالي كده(يا رب محدش كده والا كده يقرأ البوست)

وشكراياعم على اسمي المكتوب عند حضرتك ..ولما تكون متضايق من حاجه معينة مني ..ابقى قوللي انا .. عشان توضح ..سلامات يا بو مالك

خالد حفظي said...

العمدة الكبير
ألف مليون عشرميت تلاف مبروك
أومال العملية هس هس كدة ليه ؟؟؟
لا طبل ولا زمر ولا ........ ؟و لا بلاش
فرحنالك ... قصدي فرحنا فيك يا أبو مالك
طبعا أنا مش معزوم على الليلة الكبيرة

صاحب المضيفة said...

أخر العنقود


عقبالك إن شاء الله ويابر يسعدك كده وأشوفك في الكوشة يارب قريبا إنتي واخواتك كلهم هند وشوشو والكل يارب


دمت بخير

صاحب المضيفة said...

صوت من مصر


تسلم يا غالي ومش هاقولك الا لما تغلب خالص

سلام يا زميلي

صاحب المضيفة said...

د / اجدع بنوتة


تسلم الأيادي على الكتابة الجميلة

وتسلمي على الزغاريد الحلوة

ربنا يسعدك ويهنيكي

وعقبالك قريبا يارب


أمين

صاحب المضيفة said...

أجدع بنوتة

ادعي بس ان الفرح يتم وربنا يسهل على السندوتش البسترما وحتة الجاتوه

لكن المكيروباص لسه مش جهز علشان نلف ندعي المعازيم

شكلك بتتفرجي على أفلام كتير

فزلوكة said...

ألف مبرووووووووووووووووك يا فندم
وإن شاء الله فرحتك تكمل بفرح سعيد

بارك الله لكما وبارك عليكما وجمع بينكما فى خير

أى خدمة
وطبعا معزومين على الحفلة
وأكييييييد الجاتوهات والحاجات دى
وأدينا مستنين دعوة

صاحب المضيفة said...

خليفة باشا

أنا ما أقدرش أعمل حاجه من غيركم

ربنا يتمها على خير وسعادة للكل يارب

دمت بخير

صاحب المضيفة said...

الباشا الكبير


وطني بيه

يا باشا ما انت عارف اللي فيها

وبعدين الليلة الكبيرة مش هاتنفع من غير سعادتك

مش هاينفع من غير الكروان ما يقول حاجه يومها

ربنا يتمها على خير بس

ومنتظرينك يا كبير


دمت بخير

صاحب المضيفة said...

فزلوكة هانم


طبعا معزومة من غير دعوة كمان

ربنا يسعدك ويهنيكي

دمت بخير

جهاد خالد said...

مبروووووووووووووووك
لولولولولولولوليييييي
يادي الهنا يادي السعد
يا الف نهار مبروك
يالف نهار نادي

....
سيبك من الحبة اللي فوق دول
اعتبر حد كان ضاربني على دماغي
....
نتكلم زي الناس بقى

بارك الله لك فيها
وبارك لها فيك
وأتم لكما على خير
ورزقكما من طيب الدنيا والآخرة
وأعانكم على بناء بيت مسلم قويم
وجعل ذريتكم من الصالحين

وعقبال ما نقول بارك الله لكما وبارك عليكما وجمع بينكما في خير

:)

Anonymous said...

ررررررررررررررررررررري اخيراااا اعترفت انك خاطب
والحمد لله ان اسمي مااكتبشي اصل المثل بيقول
امشي في جنازة ولا تمشيش في جوازة
وربنا يسعدك
ام عمار المسكرة

نبضات said...

الف الف مبروك مع تمنياتى بالنجاح والسعاده والحب دائما فى حياتك انا قلت مافيش مناسبه احسن من كده عشان تكون اول زياره لى للمدونه ومعايا باقه من الزهور لهذه المناسبه الجميله واسفه لتاخر الزياره بس المشاغل انت عارف . بخصوص البوستات بتاعت اللى قبل هذا البوست ساتفقدها واعلق بس ياريت تبقى تشوف التعليقات عليها
ومره اخرى الف مبروك

تحياتى

صاحب المضيفة said...

ماشي يا أم عمار


هاتكبري نفسك بالعافية يعني

ماشي

عقبالك يارب ونشوفك يوم الفرح في فستان الزفاف الأبيض كده

دمت بود

صاحب المضيفة said...

الكريمة نبضات ....

شكرا جزيلا على المشاعر الطيبة

وربنا يزيدك هنا وسعادة

أمين


دمت بكل الخير

rainbow said...

الاخ الفاضل

الف مبروك

ربنا يتملكوا على كل خير

امنياتى ودعائى الخالص
من غير اى حاجة ولا سندوتش ولا حاجة ساقعة !0

بجد فرحت عشانك جدا ربنا يوفق

هدى

صاحب المضيفة said...

أختي هدى


شكرا على الدعوتين الحلوين

وربنا يتمها علينا كلنا على خير


وبحاجه ساقعة كمان وسندوتشات

أي خدمة

شكرا على المرور الطيب مرة أخرى

دمت بخير

Anonymous said...

الف مبروك اخي
الله يتمملك على خير
وان شاء الله تعمل حفلة خطوبه طنة ورنة وكلها فرح
ان شاء الله كل ايامك تكون فرحه
اسعدني تواجد في مدونتي
سأبقى بالجوار

أخـت فـى الله said...

ربنا يوفقك
ويسهلك طريقك ان شاء الله
اللهم يسر كل عسير فتيسير العسير عليك يسير
امين

قلوب بتغنى said...

ياعم يا صاحب المضيفه الف مبروك
اول مره اعدى على البلوج بتاعك
على فكره الحال من بعضه مخطوبه ومش عارفه اعمل حفلة خطوبه
بس ليه بقى؟ علشان اهل العريس بيموتوا واحد ورا التانى
اخرس انا مش فقريه هما الى عيانين
ابقى عدى عليه فى المدونه بتاعتى وقولى رايك

عصفور المدينة said...

ألف مبروك أخي أبو مالك وموعدك ده ضيع علينا لقيا د/محمد بس يلا إن أولى بقى ربنا يتمم عليك بخير

صاحب المضيفة said...

العزيز ميتو وروري


شكرا على تشريفك لي في المضيفة


وأتمنى تكرار الزيارة على طول


دمت بخير

صاحب المضيفة said...

الكريمة شيمي


ربنا يسعدك ويهنيكي يارب

متشكر جدا على الزيارة الكريمة


دمت بخير

صاحب المضيفة said...

الكريمة ... شيماء

ربنا يتم لك على خير وده مش منك ولا حاجه

ده قدر ربنا لازم ينفذ على طول الزمن


ربنا يتم خطوبتك على خير ويتعملي فرح كبير ونتعزم فيه كمان


دمت بخير

صاحب المضيفة said...

الباشا عصفور المدينة


كنت منتظر دعوتك ليا علشان اسعد بلقياك لكن يالا

الكبير كبير برضو والعين مش تعلى على الحاجب يا عمنا

يا بخته محمد لكن ملحوقة وخليها في معاد تاني


ربنا يسعدك ويهنيك

صاحب المضيفة said...

الكريمة صمود


جزاكم ربي خيرا على التهنئة الجميلة


وعقبال ما ربنا يتم لكي على خير يارب ويرزقك من فضله


دمت بخير

بنوته مصرية said...

لولولولىىىىىىىىىىىىىىىىى

الف الف الف مبروووووووك
واعبال ما يتمم بخير ان شاء الله

بجد فرحانه اعبال يارب سووو وكل الشباب والبنات اللي مش مخطوبين ولا متجوزين

متنساش تعزمنا


الف مبروك

رودي

محمد said...

ألف مبروك يا فندم

مشروع انسان said...

الف مبرووووووووووووك
دخلت العش برجليك
:)
واوعى تسمع من كلام المحبطين

خليك جامد
مبروك وربنا يتم الفرح على خير
ونحضر فرحك ان شاء الله كمان

Soul.o0o.Whisper said...

الاخ الفاضل / صاحب المضيفة

أول زيارة ليا
تقول انك خاطب

يارب المرة الجاية تكون عزومة الفرح
مش عزومة الخطوبة

ربنا يبارك لكم يارب
و يتممهالكم على خير

و ألف ألف ألف مبرووووووووووك
و عقبال كل شباب و بنات المسلمين
قصدى بنات و شباب المسلمين
فى دى التحزب مطلوب :)

تحياتى لك

نوري said...

عارف انا نفسي اهديلك اغنيه ايه
والله وعملوها الرجاله
ايوه كده ادخل بصدر رحب
مش تقولي غلاء وتكليف
ربنا يسعدك يارب ع طول وطبعا يسعد امورتك بيك ياباشا
ولعلمك انا سعيده ان اول دخول ليا فيه خبر حلو كده
يلا بقي(بست وشز فور يو)0

صوت من مصر said...

عموما انت لو كنت صاحبى كنت هتقولى ان البلوج ده بتاعك من فتره وبصراحه انا كده صاحبى قرشى وعمى دراعى زى ما قال الفتوه الكبير عادل امام

أمير القلوب said...

بارك الله لك خطوتك وأتم عليك سعادتك
وجعلها قرة عين لك
حياك الله

صاحب المضيفة said...

بنوتة هانم


تسلمي يارب وعقبالك كده عن قريب


دمت بخير

صاحب المضيفة said...

بنوته ..


معزومة ان شاء الله من غير كلام

مش محتاجه دعوة

صاحب المضيفة said...

وضاح باشا

تسلم يا غالي

وعقبالك يا فندم


دمت بخير

صاحب المضيفة said...

أمام الجيل يا غالي


تسلم على تهنئتك الجميلة

وان شاء الله معزوم من غير دعوة


دمت بسعادة

صاحب المضيفة said...

الكريمة .... Soul.o0o.Whisper


شكرا على تشريفك في المضيفة

وعقبالك باذن الله قريبا

وشكرا على الدعوتين الحلوين دول

دمت بسعادة

صاحب المضيفة said...

نوري هانم


تسلمي يارب ويسعدك في الدنيا والاخرة

وتيجي مصر بالسلامة

سلامي للسعودية كلها

طفولتي كلها سعودية صرفة

دمت بخير

صاحب المضيفة said...

صوت من مصر

بالراحة علينا يا عم شوية


اصبر وهتعرف انها مفاجأة

بس قريب

دمت بخير

صاحب المضيفة said...

أمير القلوب


شكرا على الزيارة الكريمة

وشكرا أكثر على الدعويتن الحلوين دول

دمت بسعادة وهنا

مروة الزارع said...
This comment has been removed by a blog administrator.
الـسـيـدة نـون said...

ايه ده
خطوبة بس
هو كل ده ماكنتش لسة خطبت يا ابو مالك
ده انا افتكرتك هتعزمنا على فرحك
ولا حتى هتقولنا انك خلاص اتجوزت والبامبينو جاى فى السكة
الاقيك لسه هتخطب
عموما يا سيدى الف الف الف مبروك
ويارب ربنا يتمملك على خير
ويسعدك ويرزقك من نعيمه
ونفرح بيك
وعقبال كل افراد عائلة ابو زيد الكريمة
بجد بجد بجد فرحتلك
ومتبقاش تنسى بقى انت وعروسة المستقبل تنزلوا تشتروا مع بعض الطماطم
تحياتى ليك يا ابو مالك
وربنا يكملك على خير
اختك خيخة

Anonymous said...

هيييييييييييه
ههههههههه
اول مناسبه فى عالمى التدوينى

بجد مبسوووووووووطه جدا
ربنا يارب يتتمملكم على خير انشاءالله

صحيح متاخرة بس انا كان عندى فترة توقف كده غصب عنى

بس بجد بجد الف الف الف الف مبروووووووووووووووووووووووووووووووووووووووووووووووك

واوعى متعزمناش
:))
وازغروطه دى من عندى
لولولولولولولولولولولى

:)))))))))))))))))))))

صوت من مصر said...

تصدق انا خايف ان يوم خطوبطك اكون معزوم وقاعد ومش عارفك وده هيبقى فضيحه ليك والله

صاحب المضيفة said...

الكريمة مروة الزارع


عقبالك يارب

وربنا يسعدك

دمت بخير

صاحب المضيفة said...

خيخة هانم

ده اللي كنت خايف منه

على العموم كويس انك عرفتي اني خاطب وعلى فكرة أنا خاطب من فترة برضو

يعني مش قريب ولا حاجه


دمت بخير وسعادة وسلامي لشريف بيه

صاحب المضيفة said...

الكريمة شيماء

ربنا يجعله فال حلو عليكي ويسعدك

ومعزومة باذن الله على الفرح

دمت بخير

نـــــــور said...

ألف ألف مبارك الخِطبة السعيدة

ربنا يتممها بكل سعادة ويجمع بينكما في الخير يارب ..

لك مني كل التحية .. وللعروس ..

دكتور حر said...

اللهم يا رحمن يا رحيم
أحينا حتى أرى عبدك صاحب المضية
قد ارتدى دبلة في يديه يا كريم

اللهم اجعلنا أملنا أن نراها أملا محققا سريعا لا كأملنا في تحرير القدس الجمعه الجايه يا رب

الف مبروك يا معلم

منى said...

هيييييييييييييه
عندنا عريس
الف مبروك يا ابو مالك
عقبال لما نبارك فى الفرح ان شاء الله

اللهم بارك لهما واهدهما لما تحب وترضى

صاحب المضيفة said...

أختي نور


شكرا على المرور الطيب


وربنا يسعدك ويهنيكي

دمت بخير

صاحب المضيفة said...

الدكتور الحر


يارب تبني انت كمان قريبا لا كأملنا في تحرير القدس

اسعدك ربي بوليفتك وثبتك على الهدى والصلاح


دمت بخير

صاحب المضيفة said...

منى هانم


شكرا جزيلا على ذوقك الطيب

ويارب يسعدك ويهنيكي وتحضري الفرح ان شاء الله من غير عزومة

دمت بسعادة

(احمد سكر ) said...

انا سعيد جدا
انى اول مره امر على مدونتك
والمره دى يكون خبر جميل
الف مبروك
ربنا يتملك بخير
تقبل تحياتى
احمد سكر

فرنسا هانم said...

الفين مبروووووووووووووك
على الخطوبه السعيده
وربنا يتمها على خير
فين الحلويات ؟؟؟؟
فين الشيكولاتات ؟؟؟؟
فين الملبسات ؟؟؟؟؟
فين الكوكا ؟؟؟؟؟
فين الجاتوه فين فين ؟؟؟؟؟

سهر الليالى said...

لولولولىىىىىىىى
الله الله الله
وما شاء الله على الأخبار الحلوة

ألف ألف مبروك وربنا يتمملك على خير يارب وتكون زوجه صالحه ليك وانت زوج صالح ليها وربنا يبارك لكم ويبارك عليكم ويجمع بينكما فى خير

بس أنا مليش دعوة أنا عاوزة شربات الشربات الاحمر دة هنا أصلى بموت فيه اوى
:)

الف مبروك
تحياتى

دكتور حر said...

ايه الوليفه دي ياض

حاجه حلوه ؟

صاحب المضيفة said...

العزيز أحمد سكر


ربنا يجعل وشك حل علينا على طول

سعيج بزيارتك الجميلة دي


ربنا يسعدك

صاحب المضيفة said...

خالتي فرنسا هانم

شرفتيني والله في المضيفة

وكل حاجه موجودة

لكن تنورينا الاول في الفرح وربنا يسهل ونعمل واجب حلو معاكي ان شاء الله

ربنا يهنيكي ويسعدك يارب

تحياتي

صاحب المضيفة said...

سهر الليالي الكريمة


شكرا جزيلا على الدعوتين الحلوين دول

ويارب يرزقك زيهم يارب ويسعدك


الشربات ان شاء الله موجود وهايعجبك كمان

تشرفينا


دمت بخير

صاحب المضيفة said...

الوليفة يا دكتور يا حر

تكون ...




وليفة



يعني توأم روحك


حاجه بتتحس مش بتتاكل


سلام يا كبير

عاشــــــ النقاب ـقــــة"نونو" said...

بارك الله لكما وعليكما
والف مليون مبروك وربنا يتمم بخير
ومش مشكلة الحفلة ليها لليلة الكبيرة بس ما تنساش تعزمنا

MerMaid said...

مبرووووووووووووووووووووووووووك

انا كمان فاتحتي الجمعة دي
ادعيلي معاك
:))

عقبال الفرح يارب
طيب امال مين مالك ده؟؟
اللي بيوقولوك يا ابو مالك ؟؟
انا افتكرتك متجوز ومخلف اصلا
طلعت لسة

هممممممممممممممممممممم
طيب اعمل تحديث وخللي الناس تدعيلي معاك
يلا سلام
:))
اختك
هاجر

بسمه عبدالباسط said...

مليون مبروك
وربنا يجمعكم على كل خيييييييييير

تحياتى لك

صاحب المضيفة said...

الكريمة ... nonoymm


ربنا يجزيك خير على الدعوتين الحلوين دول

ومش محتاجه دعوة يا أختي ان شاء الله


دمت بخير

صاحب المضيفة said...

أختي هاجر

أبو مالك ده كنية مش اسم

ثانيا

شكرا جزيلا على الدعوة الجميلة دي

ويارب يسعدك دنيا واخرة


دمت بسعادة

صاحب المضيفة said...

بوس بوس هانم


شكرا على التهنئة الحلوة

يارب يسعد ايامك على طول


تحياتي

شريف طلال said...

انا الحقيقه معرفكش
بس احب اقولك الف الف مبروك
و يمكن نبقى اصحاب بقى
اصلى معجب بيك جداً .. شاب قاوم الغلاء و الظروف الاقتصاديه و عدم ضمان المستقبل
و قرر الخطوبه
ايه القلب الميت ده؟؟
ههههههههههههههه
الف مبروك و يا رب بقى تتم حفله الخطوبه فى اقرب فرصه ان شاء الله
تحياتى

أبو عمر - الصارم الحاسم said...

الف مبرووووك

وعقبال كل اللي لسه

MKSARAT - SAYED SAAD said...

الف مبروك ويا رب تتجوز بقى ونخلص منك
هههههههههههههههههههه
مبروك بجد متأخرة شوية بس ملحوقة مش كدة

بحبك يامصر said...

الف مليون مبروك
ولو انها متأخره
مبروك ويارب يتم عليك بالخير

صاحب المضيفة said...

شريف طلال العزيز


شكرا على تشريفك لينا في المضيفة

ويارب تكون مش اخر مرة

دمت بسعادة

صاحب المضيفة said...

الصارم الحاسم

شكرا جزيلا على الأمنية الجميلة

دمت بخير

صاحب المضيفة said...

مكسرات سيد الغالي

شكرا على التهنئة الحلوة

ويارب عقبال الكل ان شاء الله

دمت بسعادة

صاحب المضيفة said...

بحبك يا مصر

شكرا يا غالي على مرورك الكريم

تسلم الأيادي

Mai_Jeneen said...

واضح إني جيت متأخرة خالص

ألف مبروك لحضرتك

ربنا يتمم لحضرتكم بخير و يرزقك الحياة السعيدة و الذرية الصالحة

نور جديد said...

لا اجد افضل من
بارك الله لكما
و بارك عليكما
و جمع بينكما في خير

Anonymous said...

انا اسمي فين ياعم الحاج ...؟؟


بردو هنقطك وأقولك ألف مبروك

ربنا يتم لك على خير يارب ..


وعقبال كل اللي عدوا هنا ومش متجوزين واللي معدوش وبردو مش متجوزين




... الحاج بلال

Hossam said...

hiiiiiiiii
congratulation for being encaged
c u
خش بقى وباركلى انا كمان وعلق على الموضوعين عيد بتاع الفلانتين والمفاجاه بتعتى

صوت من مصر said...

والعه يا صحبى

صاحب المضيفة said...

جنين هانم

شكرا على مرورك الكريم للمضيفة ونتمنى أنها تكون مش أخر مرة

ربنا يسعدك على الدعوتين الحلوين دول

وعقبالك يا رب


تحياتي

صاحب المضيفة said...

الكريمة ... نور جديد

شكرا جزيلا على الدعوة الحلوة


وعقبالك يارب

دمت بخير

صاحب المضيفة said...

الحاج بلال

انت دورك فوق الكل يا كبير

وعقبالك يارب عن قريب

ربنا يسعدك ويهنيك

صاحب المضيفة said...

حسام باشا

ربنا يسعدك على التهنئة الحلوة

ونروح عند ان شاء الله ونشوف المفاجأة

تحياتي

صاحب المضيفة said...

صوت من مصر

والعة يا مان

dina said...

مبروك و بيقولوا كل تأخيرة و فيها خيرة

دنـيـا محيراني(ايناس لطفي said...

الف مبروكككككككككك
بس لما تعمل الحفله لا تنسي ان تعزمنا
ربنا يوفقك دائما
تحياتي

صاحب المضيفة said...

دينا هانم

شكرا على التهنئة الجميلة

عقبالك يارب

دمت بخير

صاحب المضيفة said...

الكريمة دينا محيراني


شكرا جزيلا على المرور الكريم

وعقبال الأطفال إن شاء الله

دمت بخير وسعادة

القلم السكندري said...

أول زيارة ليا جيت لقيت فرح وزيطة

طب كويس الحمد لله

وعن قريب نقول لك: بارك الله لكما وبارك عليكما وجمع بينكما في خير

ربنا يتمم لك بخير

صاحب المضيفة said...

الكريم ... القلم السكندري


شكرا على المرور الكريم وعقبالك يارب


دمت بخير

فتوح أبو المفاتيح said...

ألف ميت مليون مبروك

فرحة جامدة و فرح عالي
وناس هايصة و مبسوطة وسعيدة ومزقططة
وسلام
طاير
حاير
للواد الباشا صاحب المضيفة
بنهنيه على أحلى و أروع عرايس الدنيا
لأنها هي حبيبته
و نغني ونقوله

ماما زمانها جاية
جاااية بعد شوية
جايبة لعب وحاجات

هاها ها ها ها ها
خير خير خير خير
محدش عارف الخير فين
عقبالي يارب
وأخلي كل واحد فيكي يا جمهورية يحضر فرحي
لأني هكتب عنوان الفرح على المدونة
الحقيقي
مش النتاوي
ها ها ها
سلاااااااااام

Marwa Friday said...

ألف ألف مبروك يا صاحب المضيفة
ايوة كده

ربنا يتمم لكم على خير
بارك الله لكما وعليكما وجمع بينكما في خير ..
آمين

مبروك تاني
:)

صاحب المضيفة said...

فتوح باشا

ازيك يا معلم

ومتشكر جدا على الفرح اللي عملته هنا

ربنا يسعدك وعقبالك يارب


دمت بخير

صاحب المضيفة said...

مروة جمعة الكريمة


شكرا جزيلا على التهنئة الجميلة

عقبالك عن قريب


دمت بسعادة

رفقة عمر said...

دايما كدة انا متاخره
الف مبروك وربا يكملك على خير وييسر لك الامور اللهم امين يارب العالمين

ToOoKa said...

السلام عليكم ورحمة الله وبركاته

مبروووووووووووك ويارب يتملكم على خير

بس كان مفروض تطلب اغنية ست الحبايب

بس على فكره انت قولتلى لما دعيتلك وقولتلك عقبال ما تلاقى بنت الحلال وقولتلى ربنا الحمد لله بعتها ويمكن تكون بتقرأ تعليقك كماااان

ويااااااااااارب عقبال كل شباب مصر
وانا وانت ورقصنى يا جدع
ههههههههههههه

بس ما تنساناش فى حته جاتوه

اسفه لو جت متأخره بس معلش لانى مشغوله اليومين دول

أختك توكا

همسة قلم said...

:)

الحقيقة .. انا عرفت موضوع الخطوبة منذ ان تمت اخى الكريم صاحب المضيفة من الباشمهندس :)

لكن أثرت عدم اتهئنة حتى يكون الخبر معلن منكم

فألف مبروك لكم ولها وتمم الله لكما على خير

بارك الله لكما وبارك عليكما وجمع بينكما في خير

أدام الله عليكم السعادة في الدنيا والاخرة

صاحب المضيفة said...

رفقة عمر

شكرا على التهنئة الجميلة

وعقبالك يارب

ولا متأخرة ولا حاجه

دمت بخير

صاحب المضيفة said...

الكريمة ... توكا

يارب يكون المانع خير

وعقبالك يارب وشكرا جزيلا على الدعوة الحلوة


دمت بخير

صاحب المضيفة said...

الكريمة .... همسة قلم


جزاكم ربي خيرا على التهنئة الجميلة


وعقبال البناء لكم ان شاء الله

انا كنت باكلم الباشمهندس قريبا وقالي برضو

ربنا يتم لكم على خير

ونعرف نعمل واجب معاكم


دمت بسعادة

العنقـــــــاء said...

أخي صاحب المضيفة الكريم

ألف مبروك الخطوبة السعيدة

وادعو الله ان تكون قره عين لها وتكون زوجه صالحة وقرة عين لك

تحياتي وخالص تقديري

صاحب المضيفة said...

العنقاء الكريمة

الله يبارك فيك

بجد


شرفتيني في المضيفة

ويارب مش تكون أخر مرة

لســـه بخيـــر said...

100000000000
مباااااااارك
مش عارف دول يبقوا كام صفر بصراحه

لكنى فرحت لك جااامد
ولو إنها جت متأخره أوى بعد ميه وكام مشاركه تهنئه بالخبر السعيد دا
وربنا يسعدك أكتر وأكتر

يااا
صاحب المضيفه الكريم