Thursday, March 6, 2008

شكر وتذكرة

أولا

أشكر كل من دخل المضيفة ودعا بدعوة صغيرة كانت أو كبيرة

وأسأل الله تعالى أن يرزقك صاحب كل دعوة بمثلها وزيادة

فعلا انتوا أدخلتم على قلبي السرور بوقوفكم جنبي في محنتي

ويارب دايما متجمعين على الطاعات والبركات يارب
ومعذرة إن تخلفت في كتابتاي على الرغم من قلة بضاعتي وضيق حيلتي فما أنا بالذي يتحدث في كل أمر بطلاقة وعذوبة لسان ولكنها المرارة تسقي المرء منا كأس العلقم رغما عن أنفه وانف حياته معا

أما الموضوع التاني

فهو اني منذ فترة كبيرة ما كتبت عن أشياء تقابل الفرد في حياته العامة ويحب أن يكتب عليها هنا في المضيفة

وبصراحة انا أحسست ان المضيفة وحشتني جدا جدا والله وأريد العودة للزمن الجميل

لكن الموضوع اللي أحببت أن أفتح به الحديث هذه المرة هو تعليق عن أمر يضايقني جدا كل يوم


ومعذرة إن كتبت بالعربية الفصحى هذه المرة لان الدم يحن وانا من زمن لم أكتب بالعربي الفصيح

لماذا كل هذا الضياع في ركن من أ
ركان الاسلام

حين تدخل مساجد مصرنا المحروسة تجد العجب العجاب على حال تبدل بعد حال ولا أقول ذلك من باب التعبير الذي نكتبه في حصص اللغة العربية في مدارسنا الموبؤة أيضا بشتى العلل والأمراض

هل سنظل نبحث عن الشهرة والنفوذ حتى ونحن بين يدي ربنا سبحانه


ترى الرجل يلزم المحراب ويصر على الوقوف إماما على الرغم من انف كل الحاضرين وعلى الرغم من رداءة صوته وضعف تجويده وخلفه من أصحاب الصوت والقراءة ما يفوقه بفراسخ عده

هل ياترى هي عقدة النقص التي تلزمنا منذ حين فتطل علينا حتى في اماكن عبادتنا والتي من المفترض أننا ننفض فيها أدران خطاينا وأوساخ ذنوبنا من وقعا الحياة المريرة التي نعيشها كل يوم

أم ياترى هي عقدة الغيرة من كل موهبة طيبة وحبا في وأد كل نسمة طيبة في اي مجال حتى ولو كان في خير الدنيا والاخرة


سؤال يحيرني ويؤرق يومي وكل وقت أذهب فيه للصلاة أرجع مكسوف الخاطر مأسوف الحال على حال تبدل بعد حال

أسأل نفسي كل ساعة هل يترى يتقبل الله صلاتنا بعد هذا العناء من التردي في القرءاة والصوت والطريقة على كل وجه


هل يتقبل الله سكوتنا على صاحب كل عاهة معنوية أقول وليست مادية في الصلاة لنتحمل نحن وزر السكوت عليها كل حين


وليعلم ربنا اننا أعذرنا بالكلام لصاحب الأمر ولكن لا حياة لمن تنادي


هذا نموذج لمساجد من حولنا وما خفي كان اعظم


يارب اصرف عنا كيد الكائدين وحسد الحاسدين ومصائب المتقاعسين والمتخلفين


يارب

45 comments:

آخر العنقود said...

اولا حمد الله على لاسلامة وعود احمد
ويارب ما تتكرر تانى الغيبة دى

بالنسبة بقى للموضوع ففعلا عندك حق
كتير بنشوف النماذج دى ويمكن يكون بالنسبة لنا احنا بتكون فى رمضان اكتر
وبيكون الحال مؤسف جدااااا
ونفضل نقول ونتكلم ياجماعة الصوت ده مش صح ..مش هوه ده اللى هيجيب الخشوع
لكن زى ما بتقول ولا حياة لمن تنادى

جيت ع الوجيعة يا ابومالك
الله المستعان

ملحوظة بس
لما انت بتقول مش قعد التعبير والاسلوب عن بعض المواضيع
يبقى مين بقى؟؟؟
:)
دمت بكل الخير والود

مشروع انسان said...

السلام عليكم

للاسف الامر ده منتشر سواء فى الصلاة او فى الاذان

وانا بتاذى فعلا منه كتير
خصوصا فى الصلاة ومع قراءة القران
انا مبعرفش اخشع الا مع اصحاب الاصوات الندية

او على الاقل العادية

ربنا يهدى
بس المشكلة فيه ناس بتاخدها عافية وكنت لسه سامع من حد اعرفه قصة مشابهة لواحد كل الناس كلموه وبرضه
مفيش فايدة
ربنا يهدى الجميع

د/اجدع بنوته said...

شكرا ربنا يخليك

ويارب الخير لينا جميعا

موضوعك حيوى جيدا

وسلوكى جدا

وبيمس حياتنا اوى

الحمدلله تقريبا احنا معندناش الازمه دى

كل المساجد ف رمضان بتبقى عامره بشيوخ

ماشاء الله ربنا يزيدهم

لكن والدى دايما بيشتكى ف بقية صلوات السنه

فعلا

ربنا يهدى

بس مينفعش الغيره ولا العند

ولا حب السلطه

ولا حب الظهور

ف تجاره م الله

يارب يتقبل صلواتكم جميعا

اللهم امين

رفقة عمر said...

دة امر سئ جدالانهم من يفعل يطلب الشهره والسمعه
لاننا النفروض نفرح بالشخص اللى يقدر يؤثر فى الناس ويقدر على هدايتهم لو كان الغايه الله ورضاه
لم وجد حسد وغيره بين الدعاه
ربنا ينقى قلوبنا ويجعلنا من عباده المخلصين اللهم امين

ToOoKa said...

السلام عليكم ورحمة الله وبركاتة
للأسف دا بقه بيحصل كتير ومش فى المساجد بس
بس على الأقل بلاش فى المساجد لانو دا مكان بنقابل فيه ربنا

معرفش ايه الحل الصراحه بس ياريت تحاولو تعملو حاجة يعنى كلموه بطريقة مهذبة ورقيقة يعنى أضعف الايمان

وربنا يوفقك ويتقبل منك
أختك توكا

paranoia,magnetic & dramatic girl said...

اولا مبروك الخطوبة انا لسه عارفة الوقتي يارب يارب يرزقك الخير دايما
ثانيا اشكرك لاهتمامك برجوعي من السفر واشكرك لدعوتك ليا
يارب يكرمك دايما
الله حافظ
دودو

فرنسا هانم said...

صاحب المضيفه نورت مضيفتك
ومفروض طالما هى مضيفه متتسابشى فتره
امال مين هيضايفنا
عموما
الموضوع ده بنعانى منه كتير
ولكن فى مساجد معينه
تحياتى للمضيفه ولصاحبها

قبلة الحياة said...

حمدا لله على سلامتك يا صاحب المضيفه يا كريم

الامام لازم يكون واثق من درجة تجويدة وقراءاته الصحيحه وصلاته وكل حركه وبعبادته لانه في الاخر هو وحدة اللي بيحمل ذنب كل انسان وراه

سواء صلحت صلاتهم او لم تتقبل منهم

وبعدين الناس بردو عليهم خطأ

عليهم انهم يصوبوا اخطاءه .. ينبهوه بينهم وبينه ولو ما تراجعشي واخدها على انها مسأله كرامه يبقى ما ينفعشي نصلي خلفه ويكون امام لينا

موضوع بجد مهم جداا وكتير بيحصل بس غالبيه الناس بتقول ادينا هنصلي وخلاص
ببلاسف اصبحت الصلاه مجرد حركات يأديها اغلبنا بدون تذوق حلاوة الايمان والخشوع واستحضار صورتك وانت واقف بين يدي الله

اخي صاحب المضيفه
ندعوا الله ان يطهر اعمالنا واقوالنا من النفاق والرياء وان يتقبل منا خالص الاعمال ويحسن ختامنا ويغفر ذلاتنا وييسر حسابنا

وصلى اللهم وبارك على سيدنا محمد النبي الامي وعلى آله وصحبه وسلم

صوت من مصر said...

تعرف المشكله فى الفصحه انت طبعا عارف انى جاهل مبعرفش اقرا ولا اكتب تقوم انت تكتب بالفصحى

مدحت محمد said...

بص هى الصلاة مقبولة ان شاء الله حتى لو كان الامام عاصى وذنوبه كتير
لكن طبعاى الافضل انه يكون حافظ لكتاب الله مجيد فى القراءة والترتيل
لكن لو هى العملية دراع وانا اطلع
صراحة انا لو لاقيت كدة بسيب المسجد واشوف مسجد تانى
وربنا يهدى
تحياتى ليك

عايز أتعلم said...

حمد الله على السلامة يا راجل وبعدين
يابو مالك
متدقش ..فيه من كده كتير ..هي فعلا اللي انا بحسه غيرة من الموهبة الطيبة او يمكن عشان السن او او
المهم بس ربنا يتقبل منا ..الموضوع برضه بالنية..وابقى زورنا خلاص المدونة اتفتحت ..مش هنتحايل

paranoia,magnetic & dramatic girl said...

صباحك فراولة
انا اضفت مدونتك عندي
يارب تكون بخير
الله حافظ
دودو

بنت الصالحين said...

صاحب المضيفه
عودا احمدا


هوموضوع مؤسف

انا اللي مزعلني حاجه تانيه

الميكروفونات اللي بتنحط في المساجد بيخفضوا صوتها اوي
لدرجه اني ببقي سامعه صوت السيارات والكاسيت اللي شغال فيها وسامعه الناس في الشارع اكتر من صوت الشيخ اللي بيصلي بينا


وحسبنا الله ونعم الوكيل

صاحب المضيفة said...

العزيزة ... أخر العنقود


يارب دايما في سعادة وهنا وتفضلي تيجي المضيفة على طول


موضوع شائك واتمنى إنه يجي اليوم اللي نحل المشكلة دي من جذورها


تحياتي

صاحب المضيفة said...

الغالي ... إمام الجيل


المشكلة انه في ناس ساعات بتفتكرها حق مكتسب ومش في حد زيه في الإمامة


ربنا يعيننا ويقوينا على الظلم البين ده



تحياتي

صاحب المضيفة said...

دكتور أجدع بنوتة


المشكلة ان السلوك ده بقى منتشر جدا بطريقة تبعث على الدهشة

ليه الناس بتتكالب على دي كمان

مش كفاية الدنيا

هايكون الدنيا والعبادات كمان يقف فيها االعامة والدهماء

تحياتي

صاحب المضيفة said...

الكريمة ... رفقة عمر


يارب يسمع منك ويهدي كل واحد بيقف في المكان ده للخير والهدى والصلاح


تحياتي

صاحب المضيفة said...

سمو الأميرة توكا

للأسف ان في ناس يتتقبل النصيحة خالص

وكام مرة ناس تحاول تكلمها وبرضو مش في فايدة

وللأسف برضو انه في بعض النماذج باشوفها بعيني على طول


ربنا يهدي ويصلح الحال

صاحب المضيفة said...

دودو هانم


حمد لله عل ىالسلامة ويارب دايما في سعادة وطاعه


تحياتي

صاحب المضيفة said...

خالتي فرنسا

المضيفة منورة باصحابها

والله انتوا بقيتوا عيلتي التانية

ولو عمدة المضيفة مش موجود على رأي وطني باشا يبقى انتوا تملوها بتواجدكم معايا


ربنا يسعدك ويملى حياتك بالخير والطاعات يارب دوما

صاحب المضيفة said...

الكريمة ... قبلة الحياة

تقبل الله دعائك يارب

وبعدين في ناس مش بتتقبل النصيحة وصدقيني بيحصل قدامي ومش في حد بيحكي لي

انا باشوف نماذج من دي على طول

لدرجة ان في مسجد جنبنا لما وقت الصلاة بيجي بتلاقي ولد شباب يجي في ثنوي مثلا يقوم طالع على طول على المحراب وفي في المسجد من هو أكثر منه حفظا وتلاوة وأكبر سنا


لكن تقولي ايه على الحال المقلوب



كان الله لنا


تحياتي

صاحب المضيفة said...

صوت من مصر يا باشا

الموضوع سهل ومش للدرجه دي يعني


يا عمنا خيرها في غيرها


ربنا يسعدك

صاحب المضيفة said...

العزيز .. مدحت


لو الموضوع زي ما بتقول

يبقى عندنا غالبا مش هانلاقي مسجد نصلي فيه بقى

المشكلة ان الواحد سمع عن حديث مش فاكر نصه بيقول فيما معناه


ان الإمام الذي يصلي وهو مكروه من المأمومين لا ترفع صلاته قيد شبر فوق رأسه

والله اعلم


يارب تقبل منا واحفظنا



تحياتي

صاحب المضيفة said...

خليفة بيه


انت سيد العارفين بالقضية دي

ربنا يحفظنا يارب

وبعدين لما تفتح المدونة المفروض تقوم دور واجب كده وملبس وحوارات والذي منه


على العموم انا ممكن أوزع دور شاي في المضيفة هنا لو مش هاتعرف تعمل دور واحب عندك


احنا اهل برضو ولبعضينا



سلام يا كبير

صاحب المضيفة said...

دود هانم

صباحك ورد وياسمين


يارب دايما في طاعة وخير


تحياتي

صاحب المضيفة said...

عاشقة الفردوس


دي ظاهرة خطيرة

بل وكمان ساعات تلاقي محلات أمام المسجد مشغلة الكاسيت والناس بتصلي ومشوشرة على المصلين في الصلاة او حتى تلاقي الموبايلات بترن وأصحابها مش هاين عليهم يقفلوها حتى


الواحد أحيانا بيحس انه واقف في سوق مش في مسجد


حسبنا الله ونعم الوكيل

تحياتي

Anonymous said...

الاخ العزيز
انت فعلا اثرت شىء مهم جدا احنا غالبا بنعانى منه فى رمضان بس بيبقى فى ايدينا اننا نغير ونروح مسجد تانى
المشكلة بقى فى الرجالة انهم بيعانو من الموضوع ده طول السنة

انا شايفة ان من الواجب علكو ان انتو تنصحو مرة وعشرة................ لان مينفعش فى الموضوع ده اضعف الايمان خالص

ان مكناش بس هنقابل ربنا باحسن صورة لينا هانقبلو ازاى

وجزاكم الله خيرا

الشخص الذي سيأتي بالتأكيد said...

هل تعلم ؟؟
الامر لا يحتاج الى عمر او الفاتح او صلاح الدين
لان صلاح الدين ببساطة لن يعود
الا بعد ان يذهب فساد الدين

احيي نبل قلمك

فاضل

nigro said...

السلام عليكم
الموضوع اللي حضرتك بتتكلم عنه أنا شخصياً عانيت منه
المسجد اللي جنبنا الخادم بتاعه هو اللي بيصلي بالناس
مش هتكلم عن تجويد ولا صوت
أنا هتكلم عن قراءة خاطئة تماماً
لدرجة تغيير المعاني
و يا ريت ده في الأيات التي تّقرأ بعد الفاتحة و بس
لأ ده في سورة الفاتحة نفسها
يعني بطلان صلاة
و لما جيت اعترضت و نبّهت اللي بيصلي لقرائته الخاطئة
بقيت أنا الغلطان و قليل الأدب علشان تعديت على اللي أكبر مني
رزقنا الله الهداية و يسّرها لنا
جزاك الله خيراً
و أسعدني مروري على مدونتك القيّمة فعلاً
تقبل تحياتي

فزلوكة said...

أولا حمدلله على سلامة حضرتك

ثانيا:وكإجابة على سؤال حضرتك
أعتقد أننا تعودنا أن نغض الطرف عن أشياء كثيرة فى حياتنا
فكانت هذه هى النتيجة , أن أصبحت عيوب الشارع نجدها فى المسجد والذى كان هو المكان الوحيد , الخالى من تلك العيوب
قد لاأكون عايشة فى المشكلة بشكل حيوى
لكن بيؤلمنى جدا ما أسمعه يحدث فى المساجد
رأيى إن حضرتك لازم تقنع الأستاذ إللى بيقرأده بترك مكانه للأصلح
ويبقى البداية من عند حضرتك

همسة قلم said...

لو عرفوا انه تكليف لا تشريف لتنازلوا عنه لمن هو افضل في الامامة اخى ابو مالك

صاحب المضيفة said...

العزيزة ... أسماء

تخيلي انت اللي يتضايقي منه في رمضان احنا بنتضايق منه طول السنة

يارب كن لنا ولا تكن علينا


تحياتي

صاحب المضيفة said...

أخي فاضل

يؤلمني حقا حين الحديث مع أي فرد بترديد المقولة


ربنا يولي من يصلح

وهل ينزل الله علينا الصلاح والتمكين هكذا بدون مجهود


كان الله لنا جميعا

تحياتي وشكراعلى تشريفك هنا في المدونة

صاحب المضيفة said...

العزيز ... نجرو


للأسف ان دي سلوكيات خاطئة والناس بتيجي على دي وتقف وتسيب المخطئ

لحد امتى هانفضل في التخلف ده



تحياتي

صاحب المضيفة said...

فزلوكة هانم


مين يسمع منك


ياريت حد يعرف الصح من اغلط ونوصل ليوم نعرف نقول للغلطان انت غلطان



تحياتي

صاحب المضيفة said...

همسة قلم


كلام منطقس وموضوعي جدا


لكن من يعي هذه الكلمات


تحياتي

Marwa Friday said...

حمدا لله على السلامة يا صاحب المضيفة
معاك حق في اللي انت قلته
فين عبد الباسط عبد الصمد؟ محمد رفعت؟.. فين محمود علي البنا؟.. فين محمد صديق المنشاوي؟.. فين وفين وفين؟..
والله حرام بجد يسيبوا الأصوات الخشبية المنتشرة اليومين دول تأذن وتقرأ قرآن!.. ربنا يعافينا يا أستاذ
تحياتي :)

غاوي حرية said...

حمدالله ع السلامة يا ريس
... بس هو فعلا موضوعك جميل وواقع كبير في حياتنا .. بس نعمل ايه تحاول تقنعه ما ينفعش ده حتى وصلت يا اخي انه بسبب واحد من الامثال دي ما بقاش حد يصلي في المسجد خالص غير هو والمؤذن واثنيني بس في مسجد طويل عريض وبرضه مش يتنازل عن رايه والدهى انه بيعلي السماعات كمان علشان يغطي على المساجد الثانية وفي الاخر .. ربنا يهدي

بحبك يامصر said...

للاسف المشكله دى بيتسبب فيها فى كتير من الاحيان وزارة الاوقاف فى تعيناتها لأئمة المساجد وكمان تعنت الأمن فى الزامهم للأئمة المساجد انهم هما اللى يئموا الناس فى الصلاه وعدم السماح لأى من المصليين الأخرين فى الامامه
والكلام اللى انا بقوله ده بيحصل عندنا فعلا مش كلام تجنى

رينـــــــــــا said...

السلام عليكم
والله فعلا الموضوع يحزن على حالنا
بس العيب على وزارة الاوقاف مش اكتر
ربنا يعفو عنا

صاحب المضيفة said...

الكريمة .. مروة جمعة


كلامك صح مليون في المية

لكن مين يسمع


ربنا معنا كلنا


تحياتي

صاحب المضيفة said...

العزيز .. غاوي حرية


ربنا ينتقم من اللي كان السبب


تحياتي ويارب تكون المضيفة عجبتك


تحياتي

صاحب المضيفة said...

العزيز .. بحبك يا مصر


كلامك موضوعي وتمام


لكن ايه الحل برضو

ياترى ايه الحل


تحياتي

صاحب المضيفة said...

الكريمة .. رينا


وعليكم السلام ورحمة الله وبركاته

نفس الموضوع

ربنا يهديهم أو يجيب حاجه من عنده سبحانه


تحياتي

عاشــــــ النقاب ـقــــة"نونو" said...

بس اللي يسمع هنقول ايه بس
من فترة كدة كنت في سوق من اسواق شبرا الخيمة كان فيه ادان ووسمعت وانا بشتري الصلاة وهو بيقرا كان بيقرا غلط
ربنا يرحمنا برحمته يارب
عود حميد وحمد الله لى سلامتك واعتذرر عن تاخير الزيارة