Monday, March 24, 2008

قلبك مساكن شعبية ؟؟؟

المرة دي البوست ده إيماني شويتين

وجامد حبتين

لكن حبيت ان كل واحد فينا يسأل نفسه السؤال ده بصراحة ويقف قدام نفسه كويس


ما هو دليل حبك لله تعالى ولرسوله صلى الله عليه وسلم

يعني بطريقة أخرى

هل قلبك ملك لله تعالى أم قلبك مساكن شعبية

هل فعلا أخدتنا الدنيا أم ما زلنا على بر الأمان

جاءت ذكرى المولد النبوي الشريف وكلنا تكلمنا ميدحا وثناء على سيد الخلق صلى الله عليه وسلم

لكن أيضا ما هو معيار هذا الحب و الثناء ؟

هل إذا طلب منك أحد أن تقول الحب الأول في حياتك بدون فهل سيكون الجواب هو الله؟

نتمنى أن يكون الجواب نعم، وليست أي نعم إنما هي التي تقولها بالقلب والإحساس والعقل ... لو أنك تحب أحد البشر وهو أيضًا يبادلك الحب؟ تخيل لو أنك تحب الله عز وجل ويبادلك الحب؟ أيهما تفضل أن يكون حبك الأول واختيارك؟ وشتان بين المفاضلة


الاية دي بتجمع أهم وأشمل ثماني حاجات في حياة الفرد واللي مافيش حياة واحد فينا بتخرج عن دول أبدا مهما كان الأمر


قل إن كان أباؤكم وأبناؤكم وإخوانكم وأزواجكم وعشيرتكم وأموال إقترفتموها وتجارة تخشون كسادها ومسكان ترضونها أحب إليكم من الله ورسوله وجهاد في سبيله فتربصوا حتى يأتي الله بأمره


كل واحد فينا يطبق التماني حاجات دي على نفسه ويشوف هياخد كام من تمانية

وخلوا بالكم

كل ما الدرجة تزيد كل ما حب الدنيا في قلوبكم بيزيد


والشاطر اللي هاياخد أقل درجة

ده امتحان سهل دلوقتي في الدنيا نحاول نطبقه دلوقتي احسن من يوم مش نافع فيه حاجه من دي خالص

كل واحد يحاول يذكر طريقة الحب العملي بالنسبه له علشان غيره يستفيد بما يكتب هنا وكلنا نعين بعض على الطاعات

يارب تكون الفكرة وصلت ... يااااااارب

77 comments:

ابو العربى said...

والله حرجتنى وخلتنى بجد افكر اكتر انا بحب ربنا بس كلامك وعانى جداا
وبارك الله فيك ونفعك بما كتبت ونفع الناس بكلامك

تحياتى

مدحت محمد said...

اى انسان هيقلك انا قريب اوى من ربنا
اعرف انه بعيد اوى
واى انسان هيقلك انه مقصر
اعرف ان قلبه لسة حى
طبعا
تلاقى ناس كتير اوى ملتزمة
وفى قمة التزامها
ويقلك انا والله مقصر اوى فى حق ربنا
انا اعتقد طاعة الله وذكره سبحانه وتعالى وعمل الخير
كل ده بيقرب لله عز وجل
وربنا ينور قلبك وايانا بطاعته وذكره
وجزاك الله كل خير
تحياتى

الـسـيـدة نـون said...

لو حد سالنى اول حاجة بتحبيها فى حياتك
هاقول ابنى شريف
لكن مش معنى كدة ان حبى لربنا سبحانه وتعالى رقم اتنين
لكن الفكرة ان كل الناس متعودة ان حبنا لربنا ده ماينفعش يكون ضمن حبنا لبنى ادمين او اشياء تانية فى حياتنا
يعنى دايما هتلاقى حب ربنا مزروع جوانا
ودايما هتلاقى الاطفال يقولولك بحب ماما وبابا بعد ربنا طبعا
يعنى شئ مفروغ منه

بالنسبالى انا بقى طريقة حبى لربنا
انى احاول اعمل خير على اد ما اقدر علشان اخد حسنات علشان ادخل الجنة علشان اكون قريبة من ربنا فى يوم من الايام

هاخد كام من تمانية
انا خدت اربعة من تمانية
ولو كنت بشتغل وعندى تجارة
يبقى هاخد خمسة من تمانية

يعغنى تقدر تقول عليا انى سقطت فى الامتحان

انا ماشية بقى علشان مكسوفة من نفسى
ومش عايزة حد يزقلنى بالطوب
انا هاعرف ازقل نفسى كويس اوى
سلام
اختك خيخة

جمعاوى said...

الرسالة وصلت يا مولانا

جزاكم الله خيرا

فرنسا هانم said...

وصلت الرساله
رغم ان حب الله وطاعته
يختلف عن حب اى شىء
وحتى انا ممكن يكون قلبى مساكن شعبيه فعلا واحب زيد وعبيد ونجلا وفاطيما ووووووووو
لكن كله كوم وحب الله كوم تانى خالص
يعنى
الواحد بيحب ابنه
وبيحب ابنه التانى والتالت وبنته
وحب كل واحد مستقل عن التانى تماما
وبيحب زوجته وبيحب اخته حب مختلف تماما
وامه وابوه والحبايب والقرايب وانا وانتا
يعنى
الحب
مختلف تماما
مينفعشى نقول فى حب بينسى حب
ده رايى

Ahmed El-Agouz said...

قل إن كنتم تحبون الله فتبعوني يحببكم الله

هذة الاية تفضح كل من ادعي حب الله كذبا
وهي مقياس هذا الحب
جزاكم الله خيرا
العجوز

عايز أتعلم said...

جزت خيرا اخي بصدق

والله بوست محتاج مراجعة كتير قبل الكلام

بس بجد حب ربنا يكون فعلا باتباع اوامره عز وجل ..واتباع اوامر الحبيب صلى الله عليه وسلم ...جزيت خيرا على هذه التذكره الايمانية
ودمت بخير

د/اجدع بنوته said...

روح ياشيخ ربنا يباركلك

يارب يقوينا

كلنا نفسنا نوصل للمكان ده

وللاجابه دى وتكون طالعه بنفس الاحساس

ربنا يقوينا ويقويك

مشروع انسان said...

هو لو سالت اى حد هيقول اكيد بحب ربنا
بس المهم بنحبه بجد

هو اول شئ ان المحب لمن يحب مطيع
فاعتقد اول علامة من علامات حبى لله
انى اطيعه
وانتهى عما نهى عنه
واحافظ على فرائضه كما قال
وما تقرب عبدى الى باقرب مما افترضته عليه

نسال الله حبه وحب من يحبه وحب كل عمل يذكرنا بحبه
اللهم امين

سهر الليالى said...

مش قلتلك أنى لما بدخل عندك بتأنبلى ضميرى أكتر ما هو ومع ذلك بدخل تفتكر دى بشرة خير؟؟

جزاك الله خيرا بجد

بصراحه أنا هقولك أنى يمكن قلبى مساكن شعبية ودة يمكن اللى مخلينى اليومين دول مش قادرة أحس بحلاوة أى حاجة بعملها فى الدنيا مع أنى بعمل حاجات بتمناها وبنجح ساعات بس برضو ناقص حاجة

جايز لأنى مقصرة جدا اليومين دول وبحاول أرد نفسى تانى ونفسى فى ايد تشدنى معاها

لانى عارفة قد ايه حلاوة السكينة فى القرب من ربنا

عارف أحنا بنحب ربنا بجد يمكن بنغلط أة وأحنا عارفين أننا بنغلط بس مش مكابرة او استهزاء أعوذ بالله بس يمكن لأننا عارفين أن ربنا أرحم علينا من أى حد ودايما بنقول أن ربنا شايف وعالم لأننا الضعفاء له وهو القوى الرحيم

عارفة أن دة مش صح بس ربنا يهدينا فى الأول وفى الأخر برضاه ورحمته

جعل الله كلامك دة فى ميزان حسناتك وجعلك يارب سبب فى مساعدتنا
تحياتى بجد

صاحب المضيفة said...

ضد الظلم

بارك الله بك وختم لك بالسعادة


دمت بسعادة

صاحب المضيفة said...

العزيز .. مدحت


مقارنة جميلة وموضوعية


نسأل الله تعالى صلاح القلوب


دمت بعافية

صاحب المضيفة said...

خيخة هانم

الحب بأشكاله زي ماقلتي موضوعي جدا

لكن في حاجه مهمة

ان حب ربنا خارج حدود المعقول في الدنيا

هي دي الحاجه اللي لازم ناخد بالنا منها


الاية الكريمة واضحة


ربنا يسهل وتعرفي تجيبي درجة حلوة في الامتحان


واحنا كمان يارب



سلامي لشريف بقى

صاحب المضيفة said...

جمعاوي باشا

الحمد لله

وشكرها تعميمها


تحياتي

صاحب المضيفة said...

خالتي فرنسا

تسلم الأيادي يا خالتي

انتي كده جبتي المفيد

ربنا يكرمك ويختم لك بخاتمة السعادة يارب

صاحب المضيفة said...

العجوز باشا


أكرمك الله بكل خير

ونفع بك الدين


دمت بخير

صاحب المضيفة said...

خليفة باشا


الحمد لله على كل خير



أسعدتني بمرورك



دمت بخير

صاحب المضيفة said...

أجدع بنوتة

يارب يقوينا جميعا ونكون في الجنة كلنا يارب



تحياتي

صاحب المضيفة said...

الغالي .. إمام الجيل


بارك الله فيك على إضافتك القيمة


سعدت بمروروك


لك كل الود

صاحب المضيفة said...

الكريمة .. سهر الليالي


جزانا واياكم

ويابر يكون البوست ده غير نظرتنا لمعنى الحب العملي الحقيقي لله ورسوله صلى الله عليه وسلم



ويارب دايما تكون مالضيفة بتضيف الجديد والمفيد

دمت بخير

mnoon said...

كلام صعب التعليق عليه
لانه لامجال للنافق
بينك وبين نفسك
أو بينك وبين ربنا

mohammed alsha3r said...

اللهم ارزقنا قلوب مطمئنه

جزاك الله خيرا أخى على التذكرة الايمانيه دى

وياريت كدا على طول

واحييك على حبك للشيخ الغزالى

بحبك يامصر said...

جزاك الله خيرا بالبوست الجامد ده
طبعا حب الله سبحانه وتعالى مينفعش تحط فى اى ترتيب تانى لان اكيد حبنا لله جوانا
واكيد بنحاول نطيعه ونبعد عن اى معصيه تغضبه منا ربنا سبحانه وتعالى ارحم بنا منا وان شاء الله هيسامحنا
لان الله لو حاسبنا بأفعالنا ومدى طاعتنا له لهلكنا جميعا
يارب ارحمنا فانت بنا راحم

صاحب المضيفة said...

الكريمة .. mnoon



شكرا على مرورك الطيب


ويارب تعم الاستفاده

دمت بخير

صاحب المضيفة said...

عمنا الشاعر


ربنا يكرمك والحمد لله على كل حال



والغزالي ده سيدنا كلنا من زمان يا عم



ربنا معاك

صاحب المضيفة said...

العزيز .. الجيزاوي


ربنا معاك يارب ويحفظنا كلنا

وألف مليون مبروك على الخطوبة السعيدة يارب


تحياتي

دنـيـا محيراني(ايناس لطفي said...

اسئلة صعبة تجعلنا نخجل من انفسنا بس نحاول نمشي في طريق الله و رسوله لعل يهديني الله لطريقه امين يارب
تحياتي

آخر العنقود said...

أنا جيت اهوه ياابومالك
طبعا مش محتاج اقولك انى جيت هنا وقريت الموضوع اكتر من مرة
وكل مرة امشى ومش اعلق

بس مش عشان مش لاقيه كلام
لاااااااااا
بس كنت عايزة ارد رد اكون مقتنعة بيه

اللى اعرفه ان اكيد حب ربنا هوه الاساس اللى احنا بنحب بيه كل شئ حوالينا
هوه اللى بيخلينا نحب صح ونقدر الحاجة صح

اكيد مش هنقدر نقارن بين الحب لربنا واى شئ تانى

وربنا يكرمك ياااااااااااااارب على الفكرة دى
والتذكرة اللى احنا بناخدها من هنا
ربنا يجعله فى ميزان حسناتك
ياابو مالك
ومعذرة على التاخير برده
بس بجد دخلت قريته كتير

كلمتى said...

السلام عليكم
بجد ربنا يبارك فيك
بس لو فعلاً فى حد عايز يشوف مدى حب ربنا فى قلبه
يحاول كده يشوف محور حياته مين
اى حاجه بيعملها
بتكون نيته فى الاساس رضا ربنا؟؟
لما بيكون فى موقف وعارف انه يا يرضى الناس يا يرضى ربنا
ياترى هيختار ايه
على ما اعتقد لو كل حاجه احنا بنعملها سالنا نفسنا بنعملها ليه
وعشان خاطر مين
وبترضى ربنا ولا لاء ؟
هنقدر نجاوب على سؤالك
تحياتى ليك ولبوستك الرائع

صاحب المضيفة said...

الكريمة .. دنيا محيراني


تقبل الله منا ومنكم صالح الأعمال


وتقبل الله دعائك

دمت بخير

صاحب المضيفة said...

اخر العنقود


المضيفة تحت أمرك

وتشرفي في أي وقت


ويارب تكون الفكرة وصلت والتطبيق يكون جاهز


تسعدني زيارتك باستمرار



تحياتي

صاحب المضيفة said...

الكريمة .. كلمتي

ربنا يتقبل منا ومنك

انتي فعلا أصبت كبد الحقيقة بموضوع النية اللي بتغير كل حاجه في حياتنا


ربنا يكرمك ويسحن ختامك وختامنا كلنا


دمت بسعادة

جهاد خالد said...

بداية جزيت خيرا على الموضوع الرائع

........

ثم
استوقفتني نقطة

وهي
كيف أحب الله

ماهي علامة ودلالة حبي له

كل من تسأله
(هل تحب الله؟)
ينظر إليك بعجب واستنكار
بالطبع أحبه

أين الدليل إذا
؟؟

فيتبادر إلى الذهن سريعا البيت القائل
تعصي الاله وانت تظهر حبه .. هذا محال في القياس بديع
لو كان حبك صادقا لأطعته .. إن المحب لمن يحب مطيع

أيضا كيف يكون؟؟

عندما يكون الواحد منا كما قال الجنيد
عبد ذاهب عن نفسه
متصل بذكر ربه
قائ بأداء حقوقه
ناظر إليه بقلبه
فإن تكلم فبالله
وإن نطق فعن الله
وإن تحرك فبأمر الله
وإن سكن فمع الله
فهو
بالله .. ولله .. ومع الله
............

اللهم اجعلنا بك ولك ومعك

............

جزيت خيرا

ftafeet said...

عارف لما حد يقرا حاجه ويحسها اوى وعنيه تدمع من الخوف لانه عارف انه مقصر اوى

انت عملت فيا كده لانى بجد كنت بعيييييييده اوى وكنت بحاول اوى انى اقرب

ولسه بحاول ربنا يهدينى ويهدى كل الناس

تسلم ايدك

نونااا

صاحب المضيفة said...

النجمة الصامدة


بوركت الأيادي وهكذا تعودنا منكم



بوركتي

صاحب المضيفة said...

فتافيت هانم

يارب تكون دي البداية للتغير في حياتنا كلنا



سعدت بمرورك الكريم



تحياتي

just-amuslim said...

من أهم ما استوقفني فيها

انه كلما علت الدرجة ذادت المصيبة

حسبتهم سواء

ايهم وايهم صار فهي في الامر سواء

افدتمونا
افادكم الله
والله اكبر ولله الحمد

دنيتى الجميله said...

انت خلتنى اقف ادام الايه الشريفه واحس انى بسمعها لأول مره
ووقفت ادامها كتيييييييييير
بعد بأيدى الثمان حاجات
واكرر فيهم
بس ربنا يهدينا
لحد مقريت تعليق
العجوز
قل إن كنتم تحبون الله فتبعوني يحببكم الله
فعلا ده المقياس لأى كلام ممكن يقال
لو اتبعنا الرسول الكريم
جزاك الله خيرا كثيرا

ahmed mefrh said...

السلام عليكم
جزيتم خيرا على هذه التوعيه
إ
تحياتى ابو مفراح

موناليزا said...

موضوع بجد قيم ومهم
بالنسبة لى الطريقة العملية انى بتعامل مع ربنا فى كل المواقف ودايما قدام عينى هذه المقولة"اعبد الله كأنك
تراه فان لم تكن تراه فانه يراك
قيس على ده بقى كل حاجة
ربنا يكرمك ويجازيك خير

صاحب المضيفة said...

just amoslem


بوركتي على المرور الكريم

لكم كل الود

صاحب المضيفة said...

دنيتي الجميلة

الحمد لله تاعلى على التذكرة الطيبة


ويارب دايما في حياتنا كلها تكون تذكرة


دمت بخير

صاحب المضيفة said...

الغالي .. أبو مفراح


تسلم يا غالي على المرور الطيب


دمت بعافية

صاحب المضيفة said...

الموناليزا


أدام الله طاعتك ورفع قدرك


تحياتي

Unknown said...

الحب
هو الشئ الذي نشعره بقلوبنا
فيحرك جوارحنا




الى الان
لم تتحرك جوارحنا
فعلا
جزاك الله خيرا

البنت الشلبية said...

مش هقولك انى نجحت فى الاجابة عن السؤال بشكل جيد
لكن حاسة انى متكتفة..ومحبش مقولة الايمان فى القلب
انى بحب ربنا ورسوله بقلبى
عايزة اعمل حاجة
لكن الظروف حواليا مقفلة
بس انا ابتديت بنفسة كبنت مسلمة
وربنا يقوينا ويرضى عنا

la3lahakhier said...

تحية كبيرة للمضيفة وصاحبها

قلوب بتغنى said...

صاحب المضيفه
البوست جامد جدا
تعيش وتستضيفنا فى مضيفتك على طول
وتتجازى عننا كل الخير

صاحب المضيفة said...

أنا انسان


تقبل الله منا ومنكم صالح الأعمال


تحياتي

صاحب المضيفة said...

البنت الشلبية


كلنا كده

متكتفين

لذلك لازم نجد في السير الى الله عزوجل بشتى الطرق

منها الصحبة الصالحة والاستغفار وغيرهم


لكن يكفينا المحاولة وعلى الله الباقي


تحياتي

صاحب المضيفة said...

لعلها خير


شرفتيني في المضيفة ويارب مش تكون اخر الزيارات



دمت بخير

صاحب المضيفة said...

قلوب بتغني

المضيفة تحت أمركم

ويارب تكون دايما مصدر خير يارب



دمت بكل الخير

رفقة عمر said...

اعتقدان التعبير عن حب ربنا بامتثال اوامره والرحمه بجميع خلقه لان لكل شئ دليل وعلشان نعرف احنا بنحب ربنا قد ايه نشوف قدر اجتهادنالعمل مايريضه عنا اعتقد وقتها هانعرف بنحب ربنا قد ايه
موضوعك جميل قوى جزاك الله كل خير

Ahmed Al-Sabbagh said...

ايوة انت بتتكلم فى موضوع مهم اوى اوى

ده اهم موضوع فى حياتنا كلنا

لان للاسف ربنا غايب عن حياة معظمنا

ومش بنراعيه فى كل تصرفاتنا

فطبعا لما تسأل حد مين اقرب حد ليك

هيقولك صاحبى فولان او امى او او

البوست ده خلانى افكر كتير

تسلم ايدك

تحياتى لك
احمد

Anonymous said...

اللهم قربنا إليك وردنا إليك مردا جميلا
جزاك الله خيرا

نبضات said...

كل سنه وانت دائما طيب
فكرنى هذا البوست بحديث للرسول صلى الله عليه وسلم فيما معناه لانى لااتذكره جيدا انه فى ثلاثه اشياء ان وجدت وجدت وشعرت بحلاوة الايمان وكان اولهما ان يكون الله ورسوله صلى الله عليه وسلم احب اليك مما سواهما
والحمد لله ..ان اكون عندى الله ورسوله صلى الله عليه وسلم احب عندى مماسواهما اقولها من قلبى وبحاول دائما ان اضع امامى عينى ان الدنيا ليست اكثر من اختبار وبحاول ان اكون من الناجحين فيه بان اتبع كل ماجاء فى القران والسنه ولا تغرينى الحياه ولا احزن على شىء اخسره فى الحياه او لا اناله فى الدنيا وان امسك على دينى واتذكر دائما انها اختبار لازم اجد فيه وان احاول دائما ان اراعى الله فى كل اقوالى وافعالى وان ارتقى فى عبادتى كل فتره للافضل
بقول يارب وباحاول أن اكون دائما من المطيعين وان اكون مسلمه بكل ماتحمله هذه الكلمه من معانى وتعاليم

والحمد لله على نعمة الاسلام

تحياتى على هذا البوست الجميل

همس الاحباب said...

جزاك الله خيرا
للتذكير
وتقبل مرورى
تحياتى خالد

Anonymous said...

كلامك خلانى فى حاله توهان نفسي ومراجعه للذات
هل انا فعلا بحب ربنا قد مانا باقول انى بحبه؟
باحس من جوايا انى بحبه قوى وانه مغرقنى بنعمكتير انا حاسه انى ماستحقهاش من كتر المعاصى
مكسوفه قوى من نفسي لما أأخر الصلاه عن معادها
مكسوفه قوى من نفسي عشان مش محجبه بجد
نفسي اكون احسن
نفسي اكون قد المسئوليه كمسلمه
نفسي احاول اكون ناجحه فى دينى زى مانا ناجحه فى دنيتى
الموضوع مش صعب خالص لكن شيطانى قوى ونفسي اقوى
يارب ارزقنى القوه اللى تخلينى اتحدانى
وتخليك راضى عنى
بحبك قوى يارب ونفسي ابقى احسن

صاحب المضيفة said...

رفقة عمر


بوركت الأنامل وسعيد بزيارتك



تحياتي

صاحب المضيفة said...

خالي العزيز الصباغ

البوست ده تذكرة لي ولغيري والله

ربنا يكرمك ويحسن ختامنا جميعا



تحياتي

صاحب المضيفة said...

عمر المصري

تقبل الله دعائك ورزقك من الخير أكثره



دمت بخير

صاحب المضيفة said...

الكريمة .. نبضات

رزقك الله مثلما قلت وأكثر ورزقنا واياكي الاخلاص في كل قول أو عمل



تحياتي

صاحب المضيفة said...

العزيز .. همس الاحباب


جزانا واياكم كل الخير


وسعيد بمرورك الكريم


دمت بسعادة

صاحب المضيفة said...

الكريمة ... وينكي


يارب يجعلك دايما في زيادة في الطاعات ويرزقك وايانا حسن الخاتمة

لك كل التحية

صوت من مصر said...

انا شكلى جيت متاخر عموما يا صديقى كلنا ؟

ahmed saker said...

الكثير منا يقول انه يحب الله و رسوله وهو في الحقيقة متسبب في سب الرسول الكريم -صلي الله عليه و سلم-
فكيف نقول اننا نحب الله و رسوله ونحن لا نسمع كلام الله و نسخر من الملتزمين ثم عندما يسب الرسول نقول نحن فداك يا رسول الله
نحن شتمنا الرسول من قبل - و ما زلنا -عندما صورنا الملتزم ارهابي و الذي بهتم بالسنة النبوية رجعي و متخلف ومن يقلد الغرب فهو ذكي و متحضر
يجب ان نراجع من انفسنا قبل ان يستبدلنا الله بقوم يحبهم و يحبونه اذلة علي المؤمنين اعزة علي الكفرين
و السلام عليكم و رحمة الله و بركاته

نور جديد said...

السلام عليكم
بداية أحيي حضرتك بجد على تفوقك في التدوينات القصيرة
فعلا أنا شايفة إن ده تميز
جزاكم الله خيرا على الفكرة اللي وصلت بيها المعنى
و اعتقد نحن بحاجة لهذه المعاني الجامدة حبتين في الوقت اللي احنا عايزين نبني في الأمة

بنت الصالحين said...

يارب اجعل قلوبنا خاشعه واجعل اعيننا دامعه
واجعلنا من التوابين الاوابين

جزاكم الله خيرا



كلمه مساكن في الايه ياريت تعديلها


قل إن كان أباؤكم وأبناؤكم وإخوانكم وأزواجكم وعشيرتكم وأموال إقترفتموها وتجارة تخشون كسادها ومسكان ترضونها أحب إليكم من الله ورسوله وجهاد في سبيله فتربصوا حتى يأتي الله بأمره

صاحب المضيفة said...

الغالي .. صوت من مصر


تسلم يا غالي على مرورك الجميل

لك كل الود

صاحب المضيفة said...

الكريم ... أحمد


شكرا على كلامك الجميل


وبارك الله فيك

تحياتي

صاحب المضيفة said...

الكريمة .. نور جديد


شكرا على المرور الكريم

وشكر الله لك على اضافتك


لك كل التحية

صاحب المضيفة said...

عاشقة الفردوس


تقبل الله دعائك وزادك منهو لنا بمثله يارب


لك كل التحية

paranoia,magnetic & dramatic girl said...

يارب تكون بخير
..
انا هعلق الاول علي بوستك الاخير بعدين ارد علي تعليقك عندي
...
انا اساسا ناسية ان ليا قلب ونسيت ان فقي رب خلق القلب ده
ونسيت انه من حقه عليا انه يكون له مكان في القلب ال يخلقه
...
انا كل يوم ببعد اكتر بروحي عن ربنا بس مهما بنبعد فربنا جوانا
لانه لما خلقنا ونفخ فينا من روحه سبحانه وتعالي ...الاثر لسه موجو فينا فطبيعي انه يبقي جوانا حتي لو توهمنا العكس
...
انا نفسي قلبي يرجع لربنا بس مش عارفة ازاي
انا اتغيرت جدا كنت زمان افضل والوقتي مبقيتش اعرف ارجع
ولا حتي احس بحاجة
...
حالتي صعبة يعني
ربنا يهيدنا واياك
...
تعقيبا علي تعليقك عندي
..
ربنا يكرمك انا كمان بحمد ربنا اني ثبت
بس كان ممكن يبقي رد فعلي احسن من كده
بس انا مكنتش بفكر ساعتها
..
عفوا مش فاهمة سؤالك اي تصميم ده الي بتسأل عنه؟؟
تقصد البانر؟؟؟؟
وضحلي قصدك وحاضر هجاوبك بس اعرف اي تصميم الي تقصده
ربنا يكرمك وايانا
..
دودو

صاحب المضيفة said...

دودو هانم

ايه معنى العيشة من غير مكان لحب الله في قلوبنا


هو ده المحك الرئيسي لكل واحد فينا هنا في الدنيا دي


يارب يهدينا واياكي ونور طريقك للخير والحق


دمت بخير

"النجم القادم" said...

السلام عليكم
ربنا يباركلك يارب ويعزك بعزة الاسلام بجد تدوينة جميلة جدا ربنا يكرمك وتكون فى ميزان حسناتك اللهم امين

عندى فى المدونة بقى شوية صور من داخل مدرسة أمريكية بعد فرض الحجاب http://ewaatekhaf.blogspot.com/

صاحب المضيفة said...

النجم القادم


تقبل الله دعائك ورزقك بمثله وزيادة

سعدت بمرورك


تحياتي

dina said...

عارف انا حتكلم عن تجربتى فى الموضوع دا..كنت دايما بسمع عن معنى الحب لله و ان المفروض يكون ربنا اغلى و اهم حاجة فى حياتك و كنت بسمع تفسير لا اله الا الله اللى احنا بنقولها و المفروض يكون معناها انه اكتر حد بحبه..هو الاول فى حياتى..مفيش حد ولا حاجة زيه
و اعدت ادعى احس الاحساس دا بجد سنتيين..انما بجد احساس اللى محسوش بجد ما عاششى بجد...انك تحس انك بتحب اهم حد فى الكون الجمال و الكمال كله و اكتر حد احسن ليك و عليك و سامحك مع ان غلطاتاك كتير و سترك مع انك ما تستاهلش...دا احنا لما حد بيصبر علينا شوية و بيستحملنا شوف بنحبه ازاى..امال ربنا بقى

بجد حب الله هو اصل اى حب تانى فى الدنيا و يا رب الناس كلها تحس بالاحساس دا