Friday, March 14, 2008

هل فكرت يوما

كل واحد مننا يسأل نفسه السؤال ده


ايه أكتر عبادة محببة إلى قلبه


ايه العبادة اللي لما بيجي يعملها بيحس بنشوة وراحة لا يحسها مع غيرها من العبادات
اكيد العبادات بتعطي للواحد مننا الراحة والسكينة والطمأنينة

لكن في عبادة أكيد بتاثر في الواحد أكتر لما بيجي يعملها

بعد لما يفكر شوية ويطلعها

يفكر هو حاله ايه مع ربنا فيها


بعملها باستمرار ولا لأ

بيعلمها بإخلاص ولا لأ

بيعلمها بحب واندفاع فيها ولا لأ


لازم كل واحد يسأل نفسه السؤال ده مرة واتنين وتلاتة


ايه اللي ان استفدته من العبادة دي وأثرت على مجرى حياتي قد ايه

هل لو هي عبادة قلبية ... هل بحاول استشعرها في كل همسة في حياتي وكل حركة ولا ايه الحكاية


لازم الواحد يعرف انه بيعيش لهدف والمفروض انه يموت علشانه


اسأل نفسك كل شوية انا رايح فين وباعمل ايه والعبادة امحببة دي ساعدتني قد ايه



كفاية كده وكل واحد يفكر كويس في الكلام ويارب يكون حد استفاد حاجه





يااااااااااااارب

46 comments:

د/اجدع بنوته said...

اول كومينت ياااااارب

د/اجدع بنوته said...

هههههههههههه

انا عايزه جايزه بقالى كام بوست

اخده اول كومنت عندك

انا اكتر حاجه بحبها اوى

اعمل صدقه

حتى لو بكلمه طيبه

بحبها اوى اوى

بس هى الصدقه عباده

وكمان

انى اقرى قران

بحب كده اوى اوى اوى

والحمدلله ع قد مبقدر بحاول انتظم فيهم

تحياتى

وربنا يجازيك خير

مشروع انسان said...

ربنا يكرمك

فيه حد استفاد حاجة
:)

صاحب المضيفة said...

أجدع بنوتة

انتي فعلا تستحقي جايزة

خدي عندك

يارب اسعد قلبها وأنر طريقها واجعلها من جنودك دوما ومن حور الدنيا والاخرة


هي وكل من يقرأ الدعاء وصاحب هذه الدعوات أيضا


أي خدمة

صاحب المضيفة said...

الغالي ... إمام الجيل

ربنا يكرمك ويسعدك قلبك


تحياتي

بنت الصالحين said...

صاحب المضيفه
جزاك الله خيرا ع التدوينه دي
هراجع حساباتي تاني باذن الله ويارب يرزقنا الاخلاص في الاقوال والافعال

قلوب بتغنى said...

صاحب المضيفه
تعيش وتستضيفنا يارب
وتكسب فينا ثواب
عن نفسى الصلاه
جزاك الله خيرا

mnoon said...

فكره البوست جديده وهادفه
أنا عن نفسى عبادتى المفضله
المناجاه
يعنى أقعد بينى وبين نفسى وأكلم ربنا
فى أى حاجه بتحصلى
تقدر تقول شكوات كتير لربنا
مع شويه شكر لنعم كتير عندى
مع شويه دعاء
والعباده دى بمارسها
فى المواصلات كتير
وبالليل
بس بصراحه أنا حالياً
مقصره جداَ
وإنت فكرتنى بإحساسى الجميل ده
علشان كده
أنا هلحق أمارس عبادتى المفضله فى أقرب وقت
علشان فيه كلام كتير عايزه أقوله لربنا
سلااااااااام

عايز أتعلم said...

الله يكرمك يا باشا

بوست جميل بجد...واكيد بنستفيد..... فعلاً هي العبادات كتير

بس اللي الواحد بيحس فيها بجد ان ثوابها فعلاً بيظهر علطول

بالنسبة لي يعني...موضوع الصدقة ده بجد ...مش رياء والله ...بس فعلا بحس ببركة كده قوي في ااخر الشهر ......خصوصا لما بكون واخد مصروف واكتشف ان في ااخر الشهر باقي معي فلوس كتير ..وساعات ااجي البس هدوم الاقي فيها فلوس انا كنت ناسيها ومش فاكرها..


جزيت خيرا على موضوعك القيم

كاميليا بهاء الدين said...

تعرف؟

أنا اكتر حاجة بحبها
وبسعد قلبى جدا
إنى اقوم قبل الفجر بساعة او اكتر
اتوضأ وأصلى
وأقرأ فى المصحف

هذه الساعة ماقبل الفجر
قضاؤها مع الله وكلمات الله
تساوى الدنيا ومافيها

والله اشعر بعدها
أننى اذا مت فى هذه اللحظة
سأغمض عيناى وان اسعد البشر

يارب لا تحرمنى من هذه الساعة
واعطنى القدرة على التمسك بها
طوال عمرى

يارب

ربنا يكرمك ويبارك فيك
ويرزقك خيرا كتب للعباد الصالحين
ويجعلك من اهل الجنة
المستظلين بعرشه يوم الدين
اللهم آمين

كاميليا

فضفضة said...

موضوع جميل جدا والله

ربنا يبارك لك يارب

وفعلا كل واحد له عبادة بيحس فيها انه خاشع

ومرتاح

وانا عن نفسي

التسبيح والدعاء

وخصوصا فى اخر اللليل

ربنا يوفقك يارب

تحياااااتى

نور جديد said...

السلام عليكم
ألا ترى أن المغاليق بدأت تتفتح اهه
ربنا بدأ يدل حضرتك و يدلنا على حاجة نعملها فنرتاح و نخشع و و و
هو عموما فكرة التدوينة ظريفة
حيث هتشجع ناس على الاقبال على الله دون ان نحدثهم بلغة لا يفهموها او يجدوا مشقة في ان يفهموها
جزاكم الله خيرا
يعني بالنسبة لي المناجاة و القرآن هما أغلى عبادتين عندي

ِِAdem El-Mahdy said...

سلام عليكم

احسن عباده بحب اعملها انى اعلم الاشبال فى المسجد

بجد بحس انى بربى جيل يقدر يغير الوضع المهبب اللى احنا فيه

بدام محنا بتتكلم و خلاص

و بس
و سلام عليكم

آخر العنقود said...

لالالالالالالالالالالالالا
وبعدين بقااااااااا
شكلى انا اللى بقصر ولا اييييه؟


ماشاء الله يا ابومالك بجد ربنا يباركلك
موضوع جميل وفكرة حلوة اوى
بس اذا كان على العبادات اللى الواحد بيحسها فهيا كتير بجد وخصوصا بقى لو كنا مظبطين فى كله والامور تمام

من اكتر الحاجات فعلا
القيام والقران والقجر
دول حاجة واحدة كده مع بعض
ومناجاة ربنا وانا لوحددددددى
ادخال السرور على الناس باى وسيلة مهما كانت
وغيرهم بقى بجد

جزاكم الله خيرا
على التذكرة الجميلة دى ومراجعة النفس


وبعدين انا عايزة جايزة انا كمان
انا كنت اول تعليق كذا مرة ورا بعض برده
:)

دمت بكل الخير والود

MarwaAshraf said...

أنا أكتر عبادة بحبها الدعاء

الدعاء من يوم ما اكتشفته وأنا بحمد ربنا عليه

ساعات كتير بنشغل عنه .. وبتاخدني الدوامة لكن من غيرة بكون تعيسة بمعنى الكلمة

شكرا على التذكرة يا صاحب المضيفة

شكرا اوي

مـحـمـد مـفـيـد said...

ايوه يا عم فكرت القنبله ومشيت
فكلنا الا من رحم ربي يهرب من هذا التفكير

عصفور المدينة said...

قال عمر رضي الله عنه

لولا ثلاث لولا أن أسير في سبيل الله عز وجل أو يغبر جبيني في السجود

أو أقاعد قوما ينتقون طيب الكلام كما يُنتقى طيب الثمر

لأحببت أن أكون قد لحقت بالله عز وجل


ونقلت قول عمر رضي الله عنه لأنبه إلى الثالثة التي أحسست بها وأنا أقرأ كلماتك

الـسـيـدة نـون said...

السؤال ده كان موجود فى تاج بعتهولى دكتور حر من فترة
وكانت اجابتى عليه الاتى


ما هى اكثر عباده تشعر انها تجعلك قريب جدا من الله؟


مش عارفة اللى انا بعمله ده يندرج تحت قائمة العبادات ولا لأ


بس اكتر حاجة بتخلينى احس انى قريبة من ربنا


لما اكون السبب فى قضاء حاجة اى محتاج


ولو كان فى نيتى انى اعمل خير ومايتمش


ساعتها بحس ان ربنا زعلان منى ومش راضى عنى


وعلشان كدة خلى الخير اللى كنت ناوية اعمله مايتمش لانه مش هيتقبله منى

دى كانت اجابتى على السؤال ده

ومازالت لحد هذه اللحظة هى دى اقرب عبادة الى قلبى

وانا بحاول انى اعملها باستمرار
وبعملها باخلاص والحمد الله
وبعملها بحب واندفاع وببقى عايزة الناس كلها تعملها معايا

ها
انا شطورة ولا لأ

تحياتى ليك يا أنس
اختك خيخة

صاحب المضيفة said...

الكريمة .. عاشقة الفردوس


يارب يحييكي في طاعته ويمتكي على طاعته


أمين

صاحب المضيفة said...

قلوب بتغني

المضيفة تحت امرك في أي وقت


المهم الاستفادة


تحياتي

صاحب المضيفة said...

الكريمة ... mnoon

الحمد لله ان كنا سبب في تذكرتك


يارب تفضلي دوما مستمتعة بطاعتك ويتقبلها منك ربنا

يارب

صاحب المضيفة said...

العزيز .. خليفة

تعرف ان احساسك بعملك لطاعتك المفضلة دي

لايساويها احساس في الكون

بجد وعن تجربة

يارب تفضل دوما مواظب عليها ويزيدك ربي من نعيمه


سلام يا عسل

صاحب المضيفة said...

الكريمة .. كاميليا

عبادتك من أحب العبدات إلى الله عز وجل

ومشك تير اللي بيعملها

لذلك ربنا سبحانه وتعالى بيضفي على وجه صاحبها النور والمهابة في قلوب الخلق


تعيشي وتذكري وتعبدي أكتر وأكتر

امين

صاحب المضيفة said...

فضفضة هانم

يارب يرزقك منها وزيادة ويقبضك على طاعة


أمين

صاحب المضيفة said...

نور جديد

وعليكم السلام ورحمة الله


الحمد لله تعالى فضل ونعمة من عنده

وبعدين يارب نظل دوما في طاعته ويجعل حياتنا كلها في عبادة

تحياتي

صاحب المضيفة said...

العزيز .. أحمد المهدي

جميل انك تكون مربي اجيال وتخيل لو طلعوا كويسين

كل أعمالهم تنزل في ميزان حسناتهم وحسناتك انت كمان

وتخيل معي الفرق والكمية المهولة في الحسنات

يارب تظل دوما في عبادة

تحياتي

صاحب المضيفة said...

الكريمة .. أخر العنقود

هديتك موجودة

يارب

تهدي قلبها وتشرح صدرها وتول أمرها وارزقها من حيث لا تحتسب وبارك لها في وقتها وكمل لها نصف ديناه بما يسعد قلبها

ياااااااارب


كفاية ولا ايه ؟؟؟

وبعدين الموضوع ده بعض ما عندكم مع البداية القوية لكي ولخليفة باشا مع التنمية البشرية

مش باقولكم

عيلة مفترية

لكن هاعمل ايه بقى معاكم

انا غلبااااااان

صاحب المضيفة said...

راما هانم

لاشكر على واجب

ومن شكر النعمة المحافظة عليها

حافظي عليها واعرفي ادابها وأوقاتها المفضلة

وطوري نفسك فيها كويس

ساعتها هاتحسي بالخير والنعم مضاعفة

تحياتي

صاحب المضيفة said...

محمد مفيد باشا

يارب تظل دوما في سعادة وهنا وعبادة


دمت بخير

صاحب المضيفة said...

الباشا .. عصفور المدينة

كالعادة

ابداع وتميز في العرض وقوة في الاداء

انا عارف اني على قدي في العرض

لكن جهد المقل يا عمنا


بارك الله فيك على الحديث الشريف والتذكرة الجميلة


تحياتي

صاحب المضيفة said...

خيخه هانم

كالعادة برضو

مافيش فايدة ابدا

حتى في الردود قوية ما شاء الله

تخيلي ثواب قضاء الحاجه لأي إنسان قد ايه

والأحاديث في هذا الجانب كثيرة ومتنوعة للغاية

يكفيك الاطلاع على الموضوع في اي كتاب حديث وهاترفي الموضوع مهم لحد فين

سلامي لشريف باشا

فرنسا هانم said...

انا عن نفسى بحس بفرحه غامره لما بصلح بين اتنين
وخصوصا لو كانوا اقراباء
اخوات
او من عائله واحده
او زوج وزوجته

محمد said...

هذا الكلام يحتاج منا لوقفة مع النفس


تعرف إن هذه النقطة مخل من مداخل الشيطان ؟؟

يقول لك أنت عبادتك المفضلة هي الصيام مثلا .. ويعينك عليه ويحببك فيه .. أما الصلاة فأنت ظروف عملك سيئة وعندما تصلي قيام الليل وتطيل فيه فإنك تفقد التركيز .. دعك من القيام

وبعد فترة يبعدك عن الصيام إلى عمل آخر .. حتى يجد الشخص نفسه قد انسلخت من كل العبادات

ولكن نحتاج لأن نجعل لأنفسنا حدا أدنى من العبادة عامة ونتفوق في إحداهم

جزاك الله خيرا

أحمد سعيد بسيوني said...

بسم الله
الدعاء مخ العبادة
وبالذات لما تحس ان ربنا كبير وان انت عبد صغير ذليل
اللهم تقبل دعائنا
تخياتي

البنت الشلبية said...

سلام عليكم
بوست حلو بصراحة خلتنى افكر فى اكتر عبادة بستمتع بيها وانى ازاى اهملتها فترة لكن كلامك شجعنى اعود ليها تانى
جزاك الله خير

Anonymous said...

بجد انا اكتر حاجة بحبها هى قيام الليل قبل الفجر مباشرة مع انها مبتحصلش كتير لكن والله لما بعملها هتستغرب لو قلت لك ان بتمنى لو ربنا اراد يقبض روحى يبقى فى الوقت ده بالذات لان بحس انها فعلا نعمة ربنا مبيديهاش لاى حد وطالما ادهانى يبقى راضى عنى
وكمان لان هو الوقت اللى ربنا يتنزل فيه ويقول هل من مستغفر فاغفر له .. هل من تائب فاتوب عليه ....تخيل بقى الاحساس ايه لما تكون واقف قدام ربنا بتدعيله وانت موقن فى الاجابة

جــــــزاك اللـــــــــه خيــــــرا

بحبك يامصر said...

انا اكتر عباده بحبها هى الصيام
بحث فعلا اكيف احرم نفسى من ملذات الدنيا ارضاءا لربى وخالقى
ده خلاف انه بيحثثنا بالناس اللى مش لاقيه الخير اللى موجود عندنا ولو اننا قربنا نبقى زيهم

صاحب المضيفة said...

خالتي فرنسا


يارب يجعلك سبب في كل سعادة لغيرك


ويوفقك لفعل الخير في اي وقت



تحياتي

صاحب المضيفة said...

وضاح باشا


لفتة طيبة ومهمة في نفس الموضوع


جزاكم الله خيرا على الاضافة الجميلة



تحياتي

صاحب المضيفة said...

العزيز .. احمد سعيد


شكرا على دخولك المضيفة


وشكرا مرة اخرى على العبادة الجميلة دي



ربنا يزيدك منها كمان وكمان



دمت بخير

صاحب المضيفة said...

البنت الشلبية


الحمد لله اني كنت سبب في عودتك ليها


ربنا يزيدك منها على طول



تحياتي

صاحب المضيفة said...

العزيزة ... اسماء


يارب يزيك من نعيمه كمان وكمان


ويرزقنا من الخير الكثير ولك مثله باذن الله تعالى


دمت بسعادة

صاحب المضيفة said...

الباشا بحبك يا مصر


الصيام عبادة جميلة وبتخليك تفكر في اللي حواليك بجد


يارب يرزقنا الاخلاص في كل عمل



يارب




تحياتي

Unknown said...

التأمل في كل شيء بحس ان ربنا مرتبهالي
و بان بيني و بين ربنا اتصال لما أتأمل أي موقف يحصل و أطلع منه اي حاجه استفاده فكرة غلطه ذنب بحس اني حياتي بين ايدين الله
بجد انا بحس بالفخر بإني بقول ربنا
ربنا ربي بحس فيها بالخصوصيه الشديده
بحس ان العلاقه دي استحاله تكون اي حاجه و ان كان فيه اللي بيحافظ علي علاقته بحبيبه
فأنا "و من النهارده" بحافظ علي علاقتي بربنا


البوست ده صحي حاجات كانت ماتت و جه ف وقته
و علي فكرة ليك ثواب كبيييييير عند ربنا عشان انا كنت نسيت العباده دي
و انت اللي نبهتني ليها بالرغم من اني بتامل دايما بس فيه حاجات ضاعت ف السكه و انت كأنك لمتها و ادتهاني



نوجا
ميس دوت

صاحب المضيفة said...

الكريمة ميس دوت


الحمد لله انك افتكرتيها تاني

ويارب مش تكون اخر زيارة للمضيفة


تحياتي

جسر الى الحياة said...

تعرف فعلا انا سالت نفسى لما قريت البوست
وزى اجدع بنوتة باسعد قوى بمساعدة الناس ولو بطبطبة عليهم او كلمة طيبة او حل مشكلة مادية او معنوية وربنا يجعلنا سبب فى اسعاد الناس
كمان فيه حاجة جميلة جدا باسعد بيها وهى بر الوالدين يمكن دى مش من العبادات بالشكل المتعارف عليه لكن باحس بالرضا من ربنا فعلا وكمان الصيام جميل جدا الصيام بيرقق قلوب الناس على بعضها
شفت بقى انا رغيت كتير ازاى حاجات كتير جميلة فى اسلامنا ربنا يديمه علينا نعمة
تحياتى