Saturday, June 14, 2008

قبح جميل


لما اكن أتوقع أن حياتي ستصبح سريعة الايقاع بمثل هذه الصورة فأنا الان تحولت إلى روبوت سريع الايقاع ومنتظم في نفس الوقت بعد استلامي لعملي الجديد بعد مدة انقطاع طالت وقاربت السنة رأيت فيها الكثير والكثير


بداية الأمر أحمد الله عز وجل على ماحباني به من سابغ فضله ومنه



لكن فعلا ... الحياة في القاهرة تميت القلوب بحق ... تحول الناس هنا إلى أجهزة الكترونيه تسعى وراء المال بشتى الطرق على حساب القيم والمبادئ التي من المفترض أن تكون غرست فينا مع الصغر في أيام النقاء والصفاء دون النظر لوازع من دين أو شيء من مروءة وخلق

تتبدل مواعيد نومي واستيقاظي لأصبح مثل الكائنات الغريبة التي تبدل نواميس الدنيا والياتها في الحياة الطبيعية لتكون مناسبة مع مواعيد عملي الجديد الذي يحتم على منازلة الأطفال ومقارعتهم بل والنزول لمستواهم الفكري مرة أخرى لأحيا تلك الحياة الأولى بكل حذافيرها لكن الصعبة منها فقط وليس السهلة من التمتع بملهيات الحياة فأصبح الان لزاما على أن أقرأ لتوم وجيري وتيمون وبومبا بل وربما لهانا مونتانا تلك الغجرية الأجنبية التي تصب علينا جام غضبها في أغانيها ذات الايقاع الغربي السريع الذي يزيدني عصبية على عصبية

أخرج كل مرة من البيت بعد أن أسأل أمي حفظها الله السؤال الأزلي ... ادعي لي يا أمي


فترد قائلة ( ربنا يستر طريقك ويوقفلك ولاد الحلال ) فأخرج بعدها مطمئن البال مستريح الخاطر
أما أبي فدائما وأبدا يدندن عيلنا بتجربته الحياتية فيقول ( حط لنفسك أرضية صلبة من التربية والمعرفة الدينية الاسلامية القوية علشان تقدر تكمل في الدنيا دي بدون حيود ولا خروج عن الشرع والدين وبعد كده اطلع على ما تحب واقرأ لمن تحب ) وكل يوم تزداد قناعتي الشخصية بتلك النظرة التي ربانا عليها أبوينا دوما أنا وإخوتي


أعيش كل يوم في عملي على الإنترنت بين تعليقات الأطفال الرتيبة والغريبة في كثير من الأحيان ليتنامى لدي شعور متزايد كل يوم بأن القيادة والعبور للمستقبل أمل بعيد المناااااال وأن كل ما يبنيه القادة والمسؤولين يترجم بحالة عملية في عقول هؤلاء المساكين الذين تطمس هويتهم كل يوم بزيادة

كما أسمع كل يوم كم من التعليقات كفيل بهد جبل من الحجارة الصلبة المتراكمة فوق بعضها هذا إلى جانب التعليقات السخيفة في معظم الأحيان المكتوبة منهم على صفحات الانترنت ... تلك الشبكة التي بت ألعنها في اليوم والليلة خمس مرات مع الصلوات الخمس تماما


فمن الكتاب صديق الإنسان كما تعلمنا صغارا إلى الكمبيوتر ... ذلك الجهاز الللعين الذي أدرك أحيانا مدى صحة نظرة أبي له عندما يطالبنا بالقراءة من الكتب فأد قائلا ولم طالما أن كل شيء متاح على ذلك الإختراع العجيب لأبدأ الان بتفهم مقولة ( من فات قديمه تاهه ) التي يرددها الكباردوما على مسامعنا فتحولت حياتي في هذه الفترة إلى لوغاريتمات إنترنتية إن صح التعبير حتى أصبحت الان عبارة عن لينكات مباشرة وغير مباشرة تفتح علي في كثير من الأحيان أوعلى من حولي على الجملة في رتابة مملة تبعث على الشعور بالوحدة القاتلة في بعض الأحيان ولا يبددها إلى مقابلة صديق قديم أو الكلام والحديث مع من تحب بين الحين والأخر



أسير في الشارع فأسترجع بعض كلمات العمالقة الكبار أمثال الرافعي والمنفلوطي لإرى أن القوم ربما كشف عنهم من حجب الغيب ما أراد به الله أن يكافئهم على صنيعهم وما خطت أناملهم الرقيقة
فأتمثل قول الرافعي في بعض كتبه بجملة ( قبح جميل ) لأقول في نفسي ربما لو عاش الرجل ليومنا هذا لما زاد على أن قال ( زفت جميل ) بلغة حاضرنا الأن بل ربما لعافت نفسه العيش في زماننا هذا من الأساس
لأذهب لعملي أيضا لأواجه مشكلة مستعصية الحل بين مشاكل النت ومشاكل زملائي الطيبين الذين سعدت بصحبتهم على كل حال فأخرج في نهاية الدوام كمن أصابه السكر وشدة المرض

أهاتف أهلي من حين لحين فيرد علي في معظم الأحيان أخي الأصغر ( عمير )بسؤاله ( هاتيجي امتى ) ليملي علي بعد ذلك طلبه المتمثل في أقصى مطالبه في الحياة الان بعيدا عن زحمة الدنيا ومشاغلها


ابقى هات لي حاجه حلوة معاك ) فلا أستطيع رفض الطلب والا كانت الطامة والبعد والهجر)

ولا يسليني في ذلك كله إلا جميل القول من بعض خاصتي أو انتظار النهاية الكبرى بتحمل المكاره في أول الآمر لتلقى جميل الفعل والعاقبة في نهايته فمن احترقت بدايته أشرقت نهايته ... هكذا تعلمت وقرأت وسمعت عن عظماء غيروا وجه التاريخ في زمن ما ...



فأقول في نفسي ولم لا اكون مثل هؤلاء وما ذلك على الله ببعيد وحسبي في ذلك نيتي وما بيدي شيء بعد ذلك لكنها النفس التواقة لمعالي الأمور

لأظل أردد في نفسي بين الحين والحين أننا شعارنا في حياتنا الان


قبح جميل

54 comments:

david santos said...

I loved this post and this blog.
Happy weekend

فاتيما said...

يا أنس
أنت مدرس ؟؟
أصل المدرسين بيكرهوا العيال من كتر الشغل معاهم
و بعدين مبتحبش تيمون و بومبا ؟؟
أنا كدا أزعل منك بقى
دا كرتونى المفضل بعد تيمى و الأبوين السحريين
يمكن عشان بقى شغل بقيت موش بتحبه ؟؟
الرتابة عموما ترسخ من اليأس
اللى شملنا جميعا على أختلاف اتجاهاتنا
تحياتى يا أنس
و ربنا يسهل و ييجى اليوم اللى نتخلص فيه من القبح و الزفت الجميل

جمعاوى روش طحن said...

الرافعى ...!!!

رحمه الله

كنت أتصفح منذ قليل


الجزء الثانى من كتابه

وحى القلم

لكم نحتاج أمثاله بيننا الأن

649 lotto results said...

i'm also into those things. care to give some advice?

philippine lotto results said...

Yuts, daw palagpat imo blog.

اهو ده عيبه said...

عزيزى صاحب المضيفه
انا مش عارفه انت بتشتغل ايه بالظبط بس المشكلة ان الاطفال فى زمانا ده مبقوش اطفال وعندهم كم من العند والرزالة يفوق الحدود
بس كل اللى اقدر اقوله انك تحاول تحب ما تعمل حتى تستطيع الاستمرار
وكل شئ فى بدايته صعب الى ان نعتاد عليه
ربنا يوفقك ان شاء الله ويرضيك ويرضى عنك

امام الجيل said...

ويبقى الامل فينا
ان غير من هؤلاء الاطفال ما تعلموه

وما تربوا عليه
فعندما سيجدون عندنا شيئا مختلف وله قيمة
وبطريقة تناسبهم
سيقبلون عليه

وكان الظروف تمهد لنا حتى نعمل ونجر
ربك كريم

بطوط حبوب said...

بحب اتعامل مع حياتى بشكل مختلف شويه
انا مش بحب اشوف القبح اصلا

ومستحيل اصفه انه جميل
انا انكر وجوده رفم اعترافى لوجوده
فلسفه قد تظهر خاله عن الموضوعيه لكنها فى كل الاحوال اهدأ للاعصاب

الدنيا ماشيه كويس جدا وزى الساعه
مفيش زحمه ولا فى بنات نسيت تلبس ولا انا مطحون فى الكليه ولا اى حاجه
انا بس الى بيتيألى

عصفور المدينة said...

اوعى يا أنس تتحول لروبوت

عاشقه الفردوس said...

طيب مكن تفكر بطريقه تانيه

يعني مثلا
تجدد نيتك
وانك عيز يكون لك دور في تربيه او غرس مهوم لدي طفل

وايضا تذكر ان التعليم في الصغر كالنقش علي الحجر
بمعني ان اي عباره ستقولها تلقي او لاتلقي لها بالا هي في الاصل اصبحت جزءا من تكير هذا الطفل


اسال الله العظيم ان يجعلك عالم معلما جليلا ولك صدقات جاريه بسس غرس هدف و قيمه دينيه واخلاقيه في ذهن هؤلاء الاطفال


وايضا حب ماتعمل واخلص فيه

السلام عليكم

My Hope$ said...

هو انت مدرس ولا اية
طب مااصل التعامل مع الاطفال
ليها طريقة مختلفة
فا اكيد هتلاقي اطفال
عاملين نفسهم كبار
بس هما دلوقتي
بقي مفيش اطفال
انتهي الزمن دة فعلا
ههههه
يلا سلام

šσяšαяαα said...

ايه الكلام دا يعنى انا لو ربنا كرمنى ولقيت شغلانة ان شاء الله كدا قولوا ااامييييين هتلزق فى الحيطة جنب الكتكوت المخنوق دا وابقى عاملة زى شهداء العلم مع تغيير بسيط..هنا هتبقى شهداء العمل:)

بس كويس ان فى حد معايا عالخط وانا افتكر انهم كتير بصراحة شايفين ان العاصمة اصبحت آلة ضخمة للدوران والجرى حول النقود
وانا سبت شغل قبل كدا لانى حسيت ان الناس دى ماورهاش غير لم الفلوس ولو حد وقفلك فطريق قرشك يبقى ياويييلك ياسوااااد لييييييلك
عشان كدا خدتها من سكات وخلعت.. احتفظ بنفسى وطبيعتى اللى عشت بيها طول عمرى احسن ماتحول لهيكل عظمى بدون قلب بس المال هو اللى بيعيشه

مش كدا واللا ايييه

بس انت بقى ربنا يوفقك ويصبرك ويثبتك ويكرمك ويجزيك كل خير عن شغلك طالما ربنا راضى عنك حتى لو متضايق من الشغل دا

ويمكن نقدر نصلح حاجة فى الكون

معلش رغيت كتير انا عارفه

تحياتى ليك

مع اصرارى said...
This comment has been removed by the author.
مع اصرارى said...

أبو ضيف... اظنك مطور موقع أطفال أليس كذلك؟
أى صديق...بلغ علمى أن ألمانيا بعدما هزمت فى الحرب العالمية قرر اولو الأمر منهم أن يوجهوا معظم مواردهم لتربية النشء حتى يتخلصوا سريعا من آثار الهزيمة الثقيلة وينشئوا الجيل الذى سيحكم بلادهم بعد ثلاثين أو اربعين عاما.
إن رسالتك فى تلك الحياة أهم رسالة إن أدركتها وعملت بها إنك تصنع جيلا للمستقبل بيدك أن يكون أسعد حالا منك وممن حولك .وسيجزيك الله بذلك خير الجزاء
هل تسمح لى بتعديل التعبير الآن الى جمال قبيح.
نعم إن ما تقوم به هو قمة الجمال واستغلال قوة التكنولوجيا فى تبليغ الرسالة الى جيل المستقبل الذى سيجلس يوما مكانك فى هذه المدونة ولكن يا ترى ماذا سيكتب؟ إنك مكلف من قبل المولى عز وجل بالإجابة على هذا السؤال.
نعم جمال قبيح ولكنه صديقى قبيح فى عينيك
هون عليك أنظر الى الأمر من الوجهة الاخرى. "إن الله لا يغير ما بقوم حتى يغيروا ما بأنفسهم" صدق الله العظيم.
ف كن جميلا ترى الوجود جميلا
ومقصدى بكن جميلا أى انظر لنفسك ولرسالتك فى الحياة من نواحى الجمال
و على خير نلتقى

paranoia,magnetic & dramatic girl said...

صباح الخير يا انس
..
ان شاء الرحمن يتبدل القبح بجمال ولو بعد حين
..
انا لسه عارفة انك مدرس النهاردة
اعانك الله علي اطفال اليوم
ومبروك استلامك العمل يارب يزيد لك من الخير
انا بكره زيك هانا مونتانا وبيستفزني كل حاجة في المسلسل ده
بس تيمون وبومبا معقول
علي فكرة حكاية رفع البوست الي فات دي من الافضل انها حصلت لان في واحدة علقت وقالت انها هي المقصودة
مش عارفة ليه والله حسيت باحراج واتمنيت انك تحجب البوست ده
.
عظم الله اجرك
وربنا يبارك في والديك وفي حكمتهما
..
دودو

ahmed saker said...

السلام عليكم يا استاذ انس
بما انك تتذكر جمله و الدك التي تقول "حط لنفسك أرضية صلبة من التربية والمعرفة الدينية الاسلامية القوية علشان تقدر تكمل في الدنيا دي بدون حيود ولا خروج عن الشرع والدين وبعد كده اطلع على ما تحب واقرأ لمن تحب"
فهذا يجب ان تعلمه للاطفال
فالطفل اذا كان مربيه ملحد فسينشأ ملحد و اذا كان مربيه يربيه علي الاسلام فسينشأ فتي صالح يدعو الي دينه في اي مكان
انا عارف ان الكلام اللي انا بقوله اكيد انت عارفه بس بقوله من باب التذكرة
شكرا لك

صحفية روشة said...

اديك قولتها بنفسك
قبح جميل
وهى الحياه كلها تعب
ولقد خلقنا الانسان فى كبد
__________________________________
ميفوتكش البوست الجديد (فال الله ولا فالك)
__________________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

مـحـمـد مـفـيـد said...

يخرب عقلك يا أنس
القاهره غيرتك
ههههههههه

مـحـمـد مـفـيـد said...

يخرب عقلك يا أنس
القاهره غيرتك
ههههههههه

واحد من البلد دى said...

السلام عليكم
فى ساقية الفلاح يضعون على عين الثور غمامة لكى لا يرى الساقية و يرى أنه يدور فى نفس المكان

ولكن فى ساقبة الحياة

لابد أن نضع غمامة على أعيننا



لكى لا نرى أنفسنا

دمت بخير

appy said...

لكل شئ وجهان
ولكل شئ حدان بس ازاى تستخدمها وازاى تستمتع بها

مروة جمعة said...

قبح وجميل!!ا
لمست ده وأنا في القاهرة فعلاً
معلش بقالي كتير ما بازورش حد
:)
صباحك ورد

shayma said...

قبح جميل
ممممممممممممممم

موضوعك اثر فيا بشكل مش فاهماه
مش عارفه


ما علينا
نيجى لجزء الاطفال
الاطفال اليومين دول مش اطفاااااااال
مينفعش تتعامل معاهم على انهم صغيرين واطفال بقى وكده
لااااااااااا
ده كان زمان وجبر

يعنى دماغهم وتفكيرهم والملام الى بيقولوه والتلميحات و و ووو
يلا ربنا يرحمنا ونعرف نربى اولادنا فى الجو ده من غير ما يتعدوا

سلامى
:)))

Ahmed El-Agouz said...

welcome to the club

هذة هي القاهرة وهذا هو العمل
اشعر بما تشعر به من زحمة الحياة وسرعتها الا اني سعيد بذلك نريد ان نعمل تخلفنا عن العالم 500 عام من العمل يجب ان ننجزهم اتمني ان اري القاهرة يطلق عليها المدينة التي لا تنام

كنت اجلس مع شخص انجليزي فقال لي في احدي المرات ان مشكلة تاخركم هي في الدين يجب ان تخرجه من الحياة

لم اتهم الرجل فنحن السبب في ذلك ليس ديننا هو السبب ولكن فهمنا الخاطئ له هو ما جعلنا نتكاسل ونتواكل
تربيتنا علي الرضا بالقليل والحياة البطيئة التي نعيش فيها وكل ما حولنا يدعونا الي الكسل
وانا ادعوا لا ان نخرج الدين من العمل ولكن علينا ان نخرج العواطف من العمل
علينا ان نعي اننا لسنا نسير بسرعة ولكن الحياة من حولنا هي التي تسير ببطئ


اتمني ان نعمل ونعتبر عملنا هذا من صميم ديننا

علينا ان نحب ما نعمل ونعمل ما نحب
علينا ان نري القبيح جميل

العجوز

فزلوكة said...

من الممكن أن تصل إلى ما وصل إليه هؤلاء العظماء
بل أكثر
أن تصل إلى مالم يصلوا إليه

فقط تمسك بمبادئك ,فأحيانا التناقضات بين ما نراه وما تربينا عليه تخلق نوعا من البلبلة والإضطراب
لكن الثبات على الصحيح لايوصلنا إلى غير الصحيح

مبرووووووووووك على العمل الجديد
وبالتوفيق إن شاء الله

نور جديد said...

السلام عليكم
و الله يا فندم
شر البلية ما يضحك
فاسمح لي معلش
هههههههههههههههههه
عارف حضرتك لو مكنتش نهيت البوست ده بالنهاية دي
كنت هكون اول معارضي هذا البوست
بس و الله جميل و معلش اهو كله بثوابه
بس اهم ما في الموضوع بصراحة عمير ربنا يبارك فيه يارب
اهو ده من الحاجات اللي ربنا بعتها تهون على حضرتك كا ما تحكي عنه
ربنا يكرم حضرتك و يوفقك
من البوست كده فهمت ان حضرتك معلم بضم الميم و كسر اللام
و الله يا فندم من اكتر بل قل اكتر الوظائف التي اقدرها
و اعتقد ان الله عز وجل جعل فيها ثوابا عظيم
ربنا يتقبل

ام يحيي said...

اكيد الاطفال دول مش شبه يحيي

اطفال من غير عمليات استشهادية ومن غير اضرابات مدرسية اكيد مملين

يلا معلش .. ربنا يوفق حضرتك

آه .بلاش تيمون وبمبا
بقوا مملين هما كمان

نيمو احسن

صاحب المضيفة said...

العزيز .. ديفيد سانتوس

شكرا لمرورك وذوقك الرفيع

صاحب المضيفة said...

العزيزة ... فاتيما


ولا مدرس ولا حاجه

انا بحب الأطفال جدا لكن انا مزعلني طريقة التربية الخطأ اللي بياخدوها من وسائل الاعلام


هو ده الفرق فقط


تحياتي

صاحب المضيفة said...

جمعاوي باشا


وكم من أمثال الرافعي نحتاجه لتغيير واقعنا المرير


سعدت جدا بمرورك يا جميل

صاحب المضيفة said...

أهو ده عيبه


للأسف ان ده بقى أسلوب عام بنعيشه مع أطفالنا

ربنا يعين ونقدر نربيهم بالطريقة الصح يارب



تحياتي المباركات

صاحب المضيفة said...

إمام الجيل


يارب يجعل ذلك الأمر قريبا يارب


ادعي انت بس وربك كريم


تحياتي يا جميل

صاحب المضيفة said...

بطوط حبوب

انا باقول كده علشان بس اصف مدى التناقض الفظيع اللي بنعيشه في حياتنا في كل نواحيها


امتى نقدر نرجع زي زمان كل واحد واحد عارف طريقه فين بالحق والعدل والحرية والخير


امتى


ربك كريم



تحياتي الغاليات

صاحب المضيفة said...

الباشا عصفور


شكلي كده داخل على المرحلة دي


ربنا يستر


ادعي لي بس وربك كريم


تحياتي وسلامي لأولادك الحلوين

صاحب المضيفة said...

الكريمة .. عاشقة الفردوس

والله الحمد لله الواحد جدد نيته قبل العمل ده

لكن تعرفي ايه احساسك لما تلاقي الباطل جارف والهيافة مالهاش اخر بجد

ده اللي بيجيب للواحد اكتئاب وخصوصا لما تلاقي القصة دي منتشرة عند الأطفال


الواحد بجد بيزعل على نفسه جدا ان الأولد دول مالهومش حد يغرس فيهم لاقيم والأخلاق اللي اتعلمناها


هي دي الحاجه اللي تزعل بجد



تحياتي

صاحب المضيفة said...

my hopes


انا مش مدرس ولاحاجه

انا صحفي فقط


ربنا يكفينا الشر من المدرسين واللي بيعملوه



ههههههههه


تحياتي المباركات

صاحب المضيفة said...

صرصارة هانم


تعرفي لو ربنا كرمك بشغلانة من لاصعب انك تقدري تلاقي فيها الجانب الحلو اللي تتمنيه على طول


لازم تلاقي فيه حاجات كتير مش عاوزاها زي ما بتقولي وده بيسبب أزمة انعدام ثقة ان جاز التعبير بجد ان تلاقي شغلانة ترضي بها طموحك وفي نفس الوقت ترضي ربنا قبل كل شيء


امتى الواحد يلاقي الشغلانة دي

يارب قريب جدا احنا وانت


تحياتي

صاحب المضيفة said...

مع اصراري

ربنا يكرمك ويعزك على مرورك الطيب


انت الوحيد اللي عرفت انا شغال ايه

ربنا يكرم على ملاحظتك الكريمة


لكن والحد ساعات مش بيبقى عارف يعمل ايه بجد


من كتر البلاوي اللي الواحد بيشوفها بيجي عليه وقت مش عارف يعمل ايه


تحياتي على مرورك

صاحب المضيفة said...

دودو هانم


انا مش مدرس خااااااااااالص


انا صحفي يا جماعة



فيه ايه بس


على العموم ربنا يكرمك على مرورك ويتقبل دعاكي يارب



وعظم أجرك يارب


تحياتي

صاحب المضيفة said...

العزيز .. أحمد صقر


شكرا لمرورك الطيب ياجميل وان شاء الله نحاول نعمل ما بوسعنا ان شاء الله



تحياتي الغاليات

صاحب المضيفة said...

صحفية روشة


نروح ونشوف الجديد عندك باذن الله تعالى



تحياتي

صاحب المضيفة said...

الباشا مفيد

القاهرة غيرتني زي ما غيرت الكل


الظاهرة دي أثرت فينا كلنا


وللأسف اننا كلنا بنشارك في كده بشكل او اخر


تحيايت وسلامي للعبدين ياجميل

صاحب المضيفة said...

واحد نم البلد دي


مع احترامي لما كتبت الا اني لي اعتراض علىه

لأننا مش من المفترض اننا نحط غمامة على عيننا بقدر ما المفروض اننا نشوف احنا رايحين على فين


ولو احنا حطينا غمامة على عيننا يبقى أكيد في حد هو اللي هايمشينا

وده مش مككن يحصل ومش لازم يحصل خالص



تحياتي يا جميل واتشرفت بزيارتك

صاحب المضيفة said...

ابي هانم

كلامك عين العقل والعاقل هو من يجيد استخدام الشيء بشكل فعال ومنطقي


تحياتي

صاحب المضيفة said...

مروة جمعة

تحياتي وفي انتظار جديدك دوما



دمت بعافية

صاحب المضيفة said...

شيماء هانم

لاكمك عين العقل وده أدعى اننا ندور على طرقة نحافظ بيها على اللي باقي من مجتمعنا بشتى الطرق



دمت بسعادة

صاحب المضيفة said...

أحمد العجوز

كلامك منطقي وجميل ويأتي عن احتكاك وتجربة

لكن امتى نصل لتلك النظرة من العملية الممزوجة بالدين الذي حثنا على ذلك وجعله من أهم خصائصه

وهي اعمال العقل فيما حولك


أتمنى أن يكون هذا اليوم قريبا جدا يارب


تحياتي لك مرة اخرى

صاحب المضيفة said...

فزلوكة هانم


شكرا على التشجيع الجميل


ويارب دايما من نجاح لنجاح ليكي


تحياتي الغاليات

صاحب المضيفة said...

نور جديد


ربنا يكرمك لمرورك الجميل

لكن انا مش معلم ولا حاجه انا صحفي يا جماعة


وعلى العموم


ممكن ابقى اخلي عمير يكتب لكم بوست هنا يعبر عن تحياتيه العميقة لكم جميعا


تحياتي انا بقى المرة دي

صاحب المضيفة said...

أم يحي

امتى هانربي اولادنا على حب الخير والبعد عن كل ماهو تافهه


تصدقي نيمو ده من أكتر الأفلام اللي جذبتني بشكل غير عادي

ياريت أولادنا بتفرجوا على النوعية دي من الأفلام


تحياتي

just-amuslim said...

اه ع الضحك اللي انا ضحكته

المدونة دي بقت فعلا مضحكة

جدا

جدا

حضرتك بقالك كااام بوست كده ..فعلا كوميديا

...

خليني اقول

كوميديا الحياة

اقسم بالله ان لو حد فينا ...قعد كده لوحده ف زاوية ونظر للدنيا بمافيها ومن فيها من بعيد

ورآى تقلباتها بأهلها

لن يبكي

ولن يدمع

بل سينفجر ضاحكا

وربما هسترية ضحك عجيبة

غريبة

يمكن كمان يموت بسببها

حد كان يصدق ..

عمنا الحاج صاحب المضيفة ..العصبي المزاج ولو قليلا ..الفريدي الطبع ..المرتب الشكل والهندام والعادة والاسلوب ..

يشتغل مع اطفال
ف قناة او موقع اطفال
من ساسها الى راسها على رأيهم


ربما يكرهون العصبية ..ولا يحبذون الوحدة والفريدية ..وللنظام معهم خصام قديم



على فكرة دي شغلانة تحفة

بس اللي يستحملها

ان تعاشر الاطفال
وتعلمهم
وتنزل الى مستواهم

وكلنا ف الاصل ربما مازالت فيه بقايا من طفولة ضامرة ...مازال يحاول جاهدا اخفاءها او ازالتها بالكلية

انه لبالامر العسير
الا على من يسره الله عليه

صبرا صبرا

ربنا يستر ..
ومانلاقيش حضرتك بدل مرة ما تحكي عن سيرة خالد ابن الوليد ..ولا مثلا القعقاع ابن عمرو

نلاقيك كاتب


مغامرات تيمون وبومبا ..
هاكونا ماتاتا ..حكمة نغمها لذيذ

هكونا ماتاتا ارمي الماضي اللي يغيظ ..

ده شعارهم

ربنا يستر

علينا وعليك

واحلى سلام للباشا عمير

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Nooneqcnv said...

قبح جميل ممممممممممممممم موضوعك اثر فيا بشكل مش فاهماه مش عارفه ما علينا نيجى لجزء الاطفال الاطفال اليومين دول مش اطفاااااااال مينفعش تتعامل معاهم على انهم صغيرين واطفال بقى وكده لااااااااااا ده كان زمان وجبر يعنى دماغهم وتفكيرهم والملام الى بيقولوه والتلميحات و و ووو يلا ربنا يرحمنا ونعرف نربى اولادنا فى الجو ده من غير ما يتعدوا سلامى :)))

arabcooL said...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول