Sunday, January 6, 2008

معنى الحب

بعد المداولات والمرافعات في البوست اللي فات



وبعد النصائح الموجهة بين السطور من المشاركين


جال بخاطري هذا السؤال ... وأنتظر الإجابة بكل شغف


هل الحب ....


جنون واندفاع

أم ...


دفء واستمتاع


عاوز أسمع تعليقات عن نظرة كل واحد في الحب ايه

بس أفكار بجد ... مش هزار

واللي هيهزر


هو حر



في انتظار تعليقاتكم

49 comments:

صاحب المضيفة said...

البوست ده كان محور فكرته هو البوست اللي قبله

واللي شجعني أكتب المرة دي بالشكل ده

حوار دار بيني وبين واحد صاحبي عن نفس الموضوع على الماسنجر

قلت أعرض الموضوع هنا الاول وبعدين نسمع التعليقات

وبعد ده كله

نقول رأينا فيه

في انتظار تعليقاتكم القيمة

مـحـمـد مـفـيـد said...

انت باين عليك هتخي المدام عندي تدور ورايا
:)
انا شايف ان الحب هو العطاء والاحساس بالدفء وعدم انتظار المقابل ولكن لتعي جيدا لمن تعطي كل هذا الحب

Anonymous said...

انا شايفه انه اكيد دفىء..دفىء مشاعر لازم تكون موجوده..عاده الاندفاع بيخلف وراه اثار جروح صعب التئامها

وموافقه محمد مفيد فى رايه انك تخلى بالك مين الى هتغدق عليه مشاعرك وحبك وعطائك ..وهل يستاهل او لا

AbdElRaHmaN Ayyash said...

و الله ناوي اكتب عن الحب في اقرب فرصة
بس في رأيي
الحب هو فهم متبادل
ود و رحمة
استمتاع نفسي و عقلي قبل ما يكون عضوي او جسدي
الدفء و الخيال الجامح
شكسبير و اللي كتبه
ماركيز و اللي كتبه
الحب اجمل في الكتب من الواقع
لأنه خيال
و الخيال لما يبقى واقع
..
يبقى وحش اوي
سلامو

عصفور المدينة said...

أنا بقى حاعمل ناصح وانتظر رأيك وبعدين اعلق

كاميليا بهاء الدين said...

هل الحب ....
جنون واندفاع
أم ...
دفء واستمتاع

الإجابة فى السؤال بالفعل

الحب فى بدايته دفء ..
حينما تجد من يتوافق مع افكارك ومشاعرك
وإستمتاع فى المشاركات والميول والهوايات
والرقى بالمشاعر الى أعلى درجات الحب

وفجأة ........ هوووووب

يقلب جنون .. وحب غير موزون
عندما تظهر العقبات فى نهاية الطريق
تحول دون اللقاء الأبدى او لنقل الشرعى
يعقبه اندفاع .. فى محاولات الخلاص من هذا الحب
والانسحاب من المعركة .. وإعلان الهزيمة
ثم يأتى واحد من إثنان
ندم
او
ألم
أما اذا كان الطريق بلا عقبات .. وكانت كلمة النهاية .. بداية حياه جديدة فى ظل الشرعية .. اعنى زواج..
هنا يأتى أيضاً واحد من إثنان

ولا بلاش
خليها نهاية سعيدة كده دلوقت

حفظك الله

جمعاوى said...

جنون واندفاع

أم ...


دفء واستمتاع

أنا شايف إنه الإتنين


معلش التعليق ع الماشى كده علشان الإنطحانات

صاحب المضيفة said...

العزيز ... محمد مفيد


شكرا يا ريس على المرور الجميل

ومش تخاف خالص

الموضوع حلو وجميل لما تظبطله كلام منمق بس


دمت بسعادة وهنا

صاحب المضيفة said...

الكريمة .. شيماء

تعليق جميل وطيب

الواحد لازم يشوف مين اللي هايغدق عليه مشاعره فعلا في زمن الوحد مش بقى يعرف مين الحلو من الوحش

دمت بخير

صاحب المضيفة said...

عياش باشا

كلمتا رايقة وجميلة

وأسلوب رائع في العرض

شكلك مثقف قوي والواحد يخاف منك بعد كده


ربنا يكرمك ياريس

صاحب المضيفة said...

عمي العصفور

إجابتك ترعب


ربنا يستر

صاحب المضيفة said...

كاميليا هانم


للأسف ان قصص الحب الان مش بتنتهي في معظمها النهايات السعيدة للطرفين

امتى يرجع زمن الحب الجميل تاني

كلام جميل وواقعي

دمت بخير

صاحب المضيفة said...

جمعاوي باشا


انت دبلوماسي جدا في اجاباتك

على العموم تخلص الامتحانات وبعدين نشوف رأيك ايه

كان الله لك

MKSARAT - SAYED SAAD said...

عزيزي صاحب المضيفة
للحب اوصاف ومعاني كثيرة سنظلمة لو تكلمنا عنه في سطور قليلة
لكن دعنا نقول او بمعني ادق انا اري الحب قبل اي معني اخر فية هو الاحساس بالامان طلما احسست بانها فعلا وطنى الذي ابحث عنه وهي نفس الشئ اذا تحقق الامان وبالتالي يأتي دور الدفء والاحساس والعطاء وكل معاني الحب الجميلة
الحب في بدايتة اراء دفء واستمتاع وعندما يتحقق الامان يأتي دور الجنون والاندفاع
الحب رغم هدوئه لكنة مجنون فالجنون والهدء في الحب فعلا وجهان لعملة واحدة
تحياتي

Anonymous said...

Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.

صاحب المضيفة said...

صاحب المكسرات العزيز

اجابة طيبة ورايقة فعلا

وفيها بعض الفلسفة الجميلة

دمت بكل الود

مروة الزارع said...

الحب اعمى يقودة الجنون

هو لذيذ ومن غيرة منقدرش نعيش

لكن فى نفس الوقت طايش ومجنون وبيخليك تتنازل كتير وتعمل اى شئ عشان اللى بتحبة

وكلة على قلبك بيبقى زى العسل

ولا اية رأيك

صاحب المضيفة said...

مروة هانم

رأي معقول برضو

لكن ....

هاتسمعي رأيي في أخر الحلقة

ربنا يستر

فرنسا هانم said...

الحب هو تقرب الروح من الروح
الحب هو العطاء
الحب هو حب الفناء من اجل اللقاء
الحب هو انكار الذات
الحب هو النهر الزاخر
الحب هو شلال من نفحات الحبيب
الحب هو ان انت لما يكون معاك برتقاله تبعت لى نصها

صاحب المضيفة said...

فرنسا هانم

كلام جامد قوي

بجد انتي كده بتعجزيني

لكن انا مش معايا برتقال دلوقتي

هههههههه

فعلا ربنا يخليكي على الكلام الحلو ده

دمت بخير

الـسـيـدة نـون said...

الحب الحب الحب
بص يا سيدى
الحب ده معانى كتييييير اوى
واحاسيس منعرفش نوصفها
الحب يعنى بجد تسمع دقات قلبك وهى بتدق جامد اوى اول ما تحس ان الحبيب فى المكان ده او انك تلمحه من بعيد
الحب انك تحس ان فيه حاجة بتاكل فى بطنك وفى قفصك الصدرى لما تشوف الحبيب مع حد تانى غيرك
الحب هو ابتسامة حلوة بتطلع منك للحبيب او من الحبيب ليك
الحب اغنية مشتركة بتسمعوها سوا ولو حد سمعها لوحده يفتكر نصه التانى
الحب فسحة فى مركب فى وسط النيل
الحب اهتمامات مشتركة بتستمتعوا بيها سوا
كتاب بتقروه وبتتنقشوا فيه
اغنية عاجبكم اللحن بتاعها
او كلماتها
ممثل دمه تقيل على قلبكم انتوا الاتنين
الحب ممكن يكون فى كيلو طماطم اشتريتوه سوا وانتو مروحين بيتكم مع بعض
ممكن يكون فى كوبيتين عصير قصب
وبتضحكوا على بعض لما عصير القصب يعمل بالفوم بتاعه شنب ابيض على وشوشكم
الحب مكن حضن صغنن وانتو بتتفرجوا على فيلم سوا
الحب ممكن على نكتة قلتوها لبعضكم قبل ماتروحوا تعملوا واجب عزا لحد من المعارف وتبقوا وسط معمعة عياط الناس التانية ماسكين نفسكم بالعافية من الضحك واول ما تقابلوا بعض بعد العزا مايخلص تقوموا تنفجروا فى الضحك
الحب ممكن يكون فى نظرة
ممكن يكون فى فنجان قهوة معمول بروقان ومليان بن بالحب
الحب ممكن يكون فى تلات شربات بعشرة جنيه من التحرير حبيبتك جابتهملك وهى نازلة تقضى مصلحة فى وسط البلد
ممكن يكون فى ايشارب بسبعة جنيه انت اشترتهولها من جنب الراجل بتاع الشربات
الحب ممكن يكون فى شريط كيتوفان الحبيب جابهولك علشان عارف انك عندك صداع مدمر
الحب فى ممكن يكون فى شكولاتاية صغنونة انت جبتهلها علشان هى بتحب الشكولاتة
الحب ممكن يكون حلم مشترك بشراء ستارة جديدة لاوضة الصالون
الحب ليه اشكال كتير اوى
وليه معانى كتير اوى
المهم انك تكون بتحب بجد وحبيبك بيحبك بجد
وانت هتلاقى الحياة بمبى فى بمبى

سلام
اختك خيخة

صاحب المضيفة said...

تسلم الأيادي بجد يا خيخة

والله انتي جبتي كلام كتير كنت عاوز اقوله
ربنا يبارك لك في شريف وأبوه يا شيخة

ياريت الناس بتاخد بالها من الحاجات الصغيرة اللي بين كل اتنين بيحبوا بعض كده

أحلى حاجه كيلو الطماطم والشربات الرجالي وكمان الإيشارب

كلام جميل ورايق


لكن لي إضافة طبعا في الاخر بعد لما الناس تخلص


دمت بخير

محمد الجرايحى said...

أخى الكريم
السلام عليكم ورحمة الله وبركاته
اسمح لى أن أتكلم عن الحب بمعناه العام

الحب هو هذا السر الإلهى الذى أودعه الله تعالى برحمته وحكمته قلوب البشر
فميزهم عن باقى الكائنات

وبالحب نتحمل الصعاب
وبالحب نسمو ونرقى

الحب هو الدافع الحقيقى وراء كل نجاح
وبالحب نصل إلى حقيقة الوجود

وبالحب نكون عباد الله المخلصين
ونصل إلى أعلى مراتب الجنان
فى الفردوس الأعلى

تقبل تقديرى واحترامى
أخوك
محمد

Anonymous said...

الحب هو دفء لما تحب بجد
وهو استمتاع لما يكون حب صادق ومتبادل
وهو جنون أشد الجنون إذا كان حب مندفع
وممكن يؤدي للجنون إذا بالغت في الحب
وأيضا إذا لم تلاقِ نفس الشعور
أو نفس العطاء
أو نفس القدر من الطرف الآخر
شدة الحب قد تؤدي إلى الجنون
وفي ذلك قول الحبيب عليه الصلاة والسلام
أحبب حبيبك هونا ما
وفي التاريخ العربي أمثلة كثيرة
لعل أشهرها مجنون ليلى

بنت الصالحين said...

ايه السؤال ده بقى


طيب الحب ده اجمل احساس
لو انت مش بتحب اخوك ابوك امك اختك
خطيبتك زوجتك
تفتكر ايه شكل الحياه

وقبل كل دول طبعا
حبك لربنا وحبك للرسول والصحابه والتابعين

حب الحياه وحب الناس
وحب الخير

كلمه الحب دى كبيره اوى
ياريت الانسان مايكرهش ويفضل يحب
يحب فى الله ويكره فى الله


بوركت يااخى

صاحب المضيفة said...

عزيزي الجرايحي

شكرا اولا على مرورك بالمضيفة

ثانيا كلام حضرتك واقعي وجميل وبحاجه إلى تطبيق في الواقع الذي نعيشه


نتمنى مزيد من المشاركات

دمت بكل الخير

صاحب المضيفة said...

العزيز بهاء

كلام جميل ومرتب

وأشكال واقعية ورايقة لتطبيق الحب في حياتنا

دمت بخير

صاحب المضيفة said...

عاشقة الفردوس

انتي جبتي حاجه من الحقيقة

لكن مش كلها

على العموم ده من رأيي المتواضع طبعا

لكن نحاول نجمع الأراء كلها في النهاية بشكل جميل إن شاء الله

دمت بخير

منى said...

يعنى اول مره اجى مدونتك الاقى امتحان
ماشى
شوف بقى
انا هتكلم عن الحب بمعنى عام
امتى تعرف انك بتحب الحد ده
لما تبقى عايزه يبقى معاك على طول
تحب تعمل اى حاجه تفرحه
لما يحتاجك تبقى جنبه من غير ما يطلب
لما تزعل منه تفكر فى كل حاجه حلوه شفتها معاه وتسامحه
تلاقيله ميت عذر
وجايز تطلع نفسك غلطان عشان متقدرش تستحمل انه يكون هو اللى غلط فيك
ولو جرحك
تبقى الدنيا ملهاش طعم
وتحس ان روحك بتنسحب منك
اكيد بتحس الحاجات دىمع
اهلك
اصحابك
جيرانك
اولادك
اى ناس بتحبهم وحاسس انهم بيحبوك
ولما يكون زوجك او زوجتك
هتلاقى انضاف عليهم حاجات اكتر
بس انا معرفهاش
تحياتى
ويا ريت اجيب درجه كويسه

بحبك يامصر said...

انا غير محظوظ عشان هكتب عن الحب بعد كل الكلام الحلو اللى اتقال ده بس هقول هو انا يعنى شويه فى البلد دى الحب
الحب احساس
الحب مشاركه
الحب دفئ
الحب تضحيه
الحب فرحه
الحب حزن
الحب كل احساس بتعيشه مع الحبيب
واخيرا الحب الجميل للى عايش فيه
على راى ليى مراد
واحلى حب حب الله
وحب الوطن

صاحب المضيفة said...

العزيزة ... منى

شكرا على مرورك بالمضيفة

ويارب مش تكون اخر مرة

اجابات جميلة وواقعية ورايقة

دمت بخير

صاحب المضيفة said...

بحبك يا مصر

طبعا قد الكل يا باشا

وأراء جميلة فعلا ورايقة

ربنا يكرمك

دمت بخير

šσяšαяαα said...

طيب انا اقول ايه دلوقت
اكيد المشاركين فى الاستفتاء ماخلوليش حاجة اقولها:))

الحب دا مفيد جدا طبعا
بتطحنه وتعمل منه دقيق وبعدين يبقى عيش سخن كدا ولذيذ تضيفه كطبق رئيسى عالمائدة

هو ايه اللى بقوله دا..ااااااه يوووووه شوف انا دماغى راحت فين قال اتكلم عن حب القمح وانت بتتكلم عن حب تانى خالص

طيب خلاص معلش هقلك انا ياسيدى
الحب دا بيظهر على الوجه فجأة وبدون مقدمات اهو حاجة غلسه كدا
ودى علاجها كريم 14 لازالة حب الشباب

يووووووه تانى اتلخبطت وعكيت

لامؤاخذه بس عندى لخبطة فى الكسرة والضمة

خلاص بجد المرادى هقول رأيى عن الحب بالضمة على حرف ال ح:))

بس على فكرة تصدق انه مش بعيد برضو عن حب القمح ولا حب الشباب
اقولك ازاى

لان حب القمح بيكون فى الاول حاجة صوغنونة بتطحن وتبقى دقيق كتييير وبعدين يبقى عيش جميل مش بنقدر نستغنى عنه
والحب كمان كدا
بيبتدى ضغنون وبعدين احنا بنكبره وناخد بالنا منه لحد مايبقا حاجة اساسية فحياتنا ويبقى هو اللى بيسطر علينا مش العكس

وبالنسبة لحب الشباب فهو بيجى ويهل فجأة من غير معاد
ودا حال الحب برضو بييجى من غير معاد ولا تعرف ليه واشمعنى وكيف ولماذا واين:)

ايه رأيك بقى فى الفلسفة الصرصورية دى:)

اهم حاجة بقى انك تحب بالعقل لانه القلب متهوووور وممكن يقودك الى الالم بدلا من السعادة

وربنا يسعد ايامك وينولك كل اللى فبالك

يورو said...

اى السؤال الكبير دا ؟؟

انا شايفه الحب ببساطه بين اى اتنين
هو انه انا اشوف نفسى انسانه عاديه جدا والطرف الى بحبه هو احسن انسان فى الدنيا
وكذلك الطرف التانى يشوف نفسه انسان عادى جدا وانا احسن واحده فى الدنيا

ايا كان هما مين الطرفين دول

محدش هيحسه لو كان شايف نفسه وبس

صاحب المضيفة said...

النظرية الصرصورية في محالها يا ست صرصارة

إجابات مقنعة برضو وحلوة

لما نشوف الباقي وربنا يسهل

دمت بخير

صاحب المضيفة said...

الكريمة ... اماني

شكرا على المرور الجميل


نظرة رايقة وبسيطة عن الحب


وواقعية كمان

دمت بخير

رفقة عمر said...

اتقال كلام كتير قوى
ومش عارفه اقول ايه بعد كلامهم
بس اضافه لكلامهم هو احساسك باقبالك على الدنيا تحملك لكل قسوتها ومشاكلها
احساس دائم بالعطاء للجميع
انك نفسك صافيه وراضيه
انك لاقيت جزء كان ضايع منك واكتملت بلقائه
الحب عموما بكل انواعه هو اللى بيعنا على تحمل حياتنا
مهما ما كان فيها من مشاق وعثرات

رينـــــــــــا said...

السلام عليكم
الحب عبارة عن حب جنون واندفاع ينتج عنه احساس بادفء والاستمتاع
بالحريه والامان

صاحب المضيفة said...

أختي رفقة عمر

شكرا على المرور

مع انه جاي متأخر شوية

لكن يالا عادي بقى

شكرا مرة أخرى

دمت بخير

صاحب المضيفة said...

رينا هانم

وعليكم السلام ورحمة الله

تعبير ظريف وجميل

دمت بخير

Anonymous said...

الإنسان قبل الحب شئ وعند الحب كل شئ وبعد الحب لا شئ
الحب تلك القلعة المحاصرة الذى بداخلها يود الخروج منها ومن كان خارجها يود الدخول اليها ولكن ليس بيد اى واحد الدخول الى ميدان الحب لان الحب لا يختاره احد ولكن الحب هو الذى يختار القلوب...... وان شاء الله التكلمة بعدين ...

Salma Amer said...

اعتقد ان معنى الحب كل واحد حيشوفه بشكل مختلف ودة باختلاف الشخصيات او الاحتياج اللي بيدور عليه في حياته
بالنسبة ليا ارى الحب هو شعور نبيل عامل زي نسمة الهوا في عز الصيف
هو الحنان اللي بيدفي قلبك
الحب احساس بالامان
ودي المعاني اللي خطرت على بالي ..
تحياتي

Anonymous said...

ايه الاسئلة الجامدة دى يا ابن وهب؟؟؟
هداك الله يا ابن وهب ولكن الحب ذاك الشعور المرهف الذي يشعر به قلوب المحبين... وبالمناسبة احب اقوووووووووول لروميو اني بحبه موووووووووووووووووووووووووووووت وربنا ما يحرمنيش منه
واحب اقوله
.....انا جنبك وحياتي مكان ما تكون.....

Anonymous said...

بصراحة الحب حنون واندفاع ودفء واستمتاعوكل المعاني الحلوه خصوصا مع حبيبتي جوليت ؟ ارجوك يا صاحب المضيفة قول لها بلساني اني احبها من أعماق قلبي ولكن لماذا تقول احببني ولكن ؟؟؟
وأقول لها قدام المخاليق كلهم بحبك طول حياتي وإن شاء الله ما يفرق بيني وبينه إلا الموووووووووووووووت ... ولو ماتت والله هبعت لروحها وأقولها أني بحبها
وأخيرا .. لو خايفة اضمك تلاقي الامان لو ن.......اه اضمك تلاقي الحنان .. ودمتم ودامت روحي بدفء

عاشــــــ النقاب ـقــــة"نونو" said...

بصوا بقى بالنسبة لمحبة قديمة جديدة زيي للانبي ولله الحمد لسة بحب وباذن الله هفضل احب
اختلف مع فرنستي حبيبتي في اننه لو معايا برتقالة هيبعتلك نصها بالنسبة لي اني لو معايا برتقالة هبعتهاله كلها عشان عارفة انه هيرجعهالي تاني كلها
وزي ما قلت الحب امان وحنان اكتر منه دفء واستمتاع لاني بحنانه وحناني هيتوجد الاستمتاع
الحب ممكن يكون منتهى الحب من غير ولا كلمة حب ممكن يكون بس مجرد تغطيني عنيه بنظرة حب الحب ممكن يكةن بفرحة ان هنبقى ولا بقينا عايشين مع بعض
الحب يبقى اسمى واعى ويحقق الامان لما يكون كمان بيحقق ويساعد على رضا ربنا سبحانه باننا نتعاون على الصيام والصلاة سوا ويعملي مدونات ويملا وقتي برضا ربنا وووووو
عارفين لو فتحت مش هتسد كفاية كدة النهاردة موضوعك جيلي في وقته فعلا
عيد حبي يوم 18 يناير عيد زواجي يعني
ربنا يخليلي زوجي واولادي ويباركلي فيهم ويكرمك ربنا وتحب او يباركلك في حبك اللي بان الله ترضي بيه ربنا

عاشــــــ النقاب ـقــــة"نونو" said...

مدونتي التانية رابطها اهو
http://nonoymm.maktoobblog.com/
هتسعدني بزيارتهم
هستناك
على فكرة عابر سبيل دي مدونة حبيبي
وزوجي رابطها في المدونة عندي

سهر الليالى said...

امممممم
سؤال جميل فعلا

شوف انا فى رايى الحب لو ولد دفء واستمتاع يبقى تتجنن وتندفع براحتك لان ساعتها الحب متبادل من الطرفين يعنى فيه أمان

أما لو جه الجنون والأندفاع الأول بيبقى حاجة من اتنين

لو اللى قدامك يستحق ويقدر يبقى تمام اوى وكدةتبقى برضو فى امان لان اللى بيحب بيحب يعمل كل حاجة مع اللى بيحبه فما بالك الجنون وهو احلى حاجة فى الدنيا

أما بقى لو اللى قدامك مقدرش فهتبقى هنا المشكلة لان ساعتها هتلوم نفسك كتير اوى وتحس انك ضعيف واصعب ما فى الحب انك تحس انك كنت ضعيف

والله اعلم
تحياتى

Anonymous said...

الحب ؟؟؟
ياله من سؤال محير
والله تسابقت جوارحي لكي تخط عن الحب وتسارع جسدي لهذا الاحساس النبيل وهو الحب حتى قرر دمي ان يقول ان الحب دفء واستمتاع في قلب الحبيب...
وشكرا لهذا الموضوع الرائع يا صاحب المضيفة
دمتم بدفء وحب

نبضات said...

الحب هو الانسان الذى لاتستطيع ان تعيش من غيره وليس الانسان اللى ممكن تقدر ان تعيش معه

وهو كل المعانى الجميله والراقيه... من والاحترام والتضحيه والاخلاص والوفاء وان تشعر انك بتحب حد اكتر من نفسك

والحب شىء جميل بكل الوانه واولها .. حب الله سبحانه وتعالى والرسول صلى الله عليه وسلم وحبنا لديننا الجميل وحب الطبيعه والجمال فى كل شىء فى حياتنا والحب فى علاقتنا الاجتماعيه والانسانيه بالبشر حولنا خصوصا من يستحقون فعلا هذه المشاعر وحبنا لاهلنا ولعملنا وكل شىء نقوم بيه واخيرا .....حبنا لمن اخترناه من كل الكره الارضيه والدنيا كلها لكى يرافقنا مشوار الحياه لاننا بنحس انه اكيد حترفق الدنيا بمشاركته لنا الحياه
ونشعر ناحيته بمشاعر مختلفه وعميقه وليس..... مجرد شريك وبس للحياه عشان الناس كلها لازم تتجوز

تحياتى
سعيده بمعرفت مدونتك