Tuesday, January 8, 2008

الحب .... وأشياء أخرى

السلام عليكم ورحمة الله


بصوا بقى يا جماعة

أنا عمري ما خفت وانا جاي اكتب بوست قد النهادره

وكنت ناوي اكتب عن الحب بطريقة فكرية أدبية شوية

لكن أنا فكرت شوية وقلت لأ

لازم أكتب عادي زي بقية البشر علشان الكلام ده بجد عاوز طرح بأسلوب عادي ونخلي الفلسفة فيه المرة الجاية إن شاء الله

لكن بجد أنا مش كنت متوقع حجم التفاعلات الكتير اللي جات ونبدأ نفصص وندور بين الردود ونشوف كل واحد هياخد كام


أولا
كل التعليقات يا جماعة أصابت كبد الحقيقة وجات على الوجيعة وكل واحد بص للموضوع من زاوية اخرى
شكرا لمحمد مفيد وبهاء ورينا وعبد الرحمن ومروة وأماني وكلكم ... علشان مش انسى حد وحد يزعل

لكن فعلا

أكتر تعليق خوفني ....

تعليق الباشا عصفور المدينة ... ربنا يستر لحد الاخر

أكتر تعليق عجبني ...

تعليق فرنسا هانم والبت خيخة ومنى

أكتر تعليق منهجي وحلو ( حلو منهجي ده ) صح ؟؟

عاشقة الفردوس والاستاذ الجرايحي وأماني أبو زيد

أكتر تعليق ظريف

نظريات صرصارة هانم ... نعمل ايه معاها بقى

لكن فعلا فعلا نظرتي ليه

هي مزيج من كل الكلام اللي ورد هنا

الحب يا أسيادنا هو مادة الحياة ومادة الروح

الحب هو إكسير الحياة ورونق الدنيا

حب الله عز وجل وحب النبي صلى الله عليه وسلم هو الدافع لكل بني ادم مننا في الدنيا دي

حب الطاعة وما يقربنا من الله عز وجل بشتى الطرق هو الوسيلة لدخول الجنة

حب صحابة النبي صلى الله عليه وسلم والصالحين تدخلنا الجنة برفقتهم

حب الدين وحب عزته ونصرته

حب الوالدين فالجنة تحت أقدامهم

حب الوطن وحب رفعته وعزته ومجده وتطهيره من كل خطأ

حب إخوتي فبهم عزي ومهابي ومن لحمي ودمي

وأخيرا

حب الزوجين لبعضهم ... حبهم مادة حياتهم

حبهم تتويج لعلاقة جميلة شرعها الله بينهم في الحلال

الحب غالبا يتطبع بالطابع الشخصي فتظل السمات الشخصية هي ما تحرك تلك الحاسة والشعور وتغلب عليه الظواهر اللشعورية في كل ابن أدم

فتظل العلاقة الأبدية من الجنون والاندفاع مع الدفء والاستمتاع
تحرك تلك العاطفة أينما ذهبت ومتى شاءت

يبقى الحب في النهاية هو ذاك الشعور الذي يسري بداخلنا فيفجر الطاقات الكامنة ويحي القلب الميت

هو ده الحب اللي حكت عنه أختي خيخة في كلامها اللي عجبني جدا

الحب اللي يخلي الاتنين واحد والنفسين نفس واحده في جسدين

الحب اللي بيخلي كل واحد بيحس بالتاني حتى لو بعيد عنه لحظتها

الحب اللي بيحرك القلب ويهزه على حبيبه كل دقيقة

الحب اللي بيخلي الواحد بيفكر في حبيبه كل لحظة ومش بيقارق خياله

الحب اللي بيخلي الواحد يعين صاحبه على الطاعة علشان هو نفسه يدخلوا الجنة سوا

الحب اللي بيخلي كل واحد فيهم همه على التاني في أي حاجه ممكن تضره

الحب الأشكال اللي قالتها فرنسا هانم في تعليقها

الحب اللي ذكرتها عاشقة الفردوس

الحب اللي اتكلم عنه الأستاذ الجرايحي

الحب اللي كل واحد فيكم ذكره بطريقة مختلفة وكلكم صح في عرضه

الحب ساعات بيكون نظرة ... ساعات بيكون خفقة قلب ... ساعات بيكون لمسة ايد ... ساعات بيكون سؤال في غيبة التاني

الحب جنون واندفاع

دفء وإستمتاع

سؤال ولهفة

شوق وأنين

همس وحنين

نظرة وهيام

كلمة وسباحة في الخيال

... الحب إكسير المحبين

... وأهات المعذبين

... ونوح المحرومين

... ونداء المبعدين

.... وهمس المقربين

.... ومناجاة العاشقين

الحب مزيج من الشوق واللهفة والهيام والأنين والحنين


كفاية كده لإن الكلام مش هايخلص ... ونحاول إن شاء الله نكتب عنه تاني من نظرة فلسفية بحتة

معلش الكلام بيجي شوية فلسفي على شوية عامي
لكن غصب عني والله


ربنا يعين ونعرف نكتب عنه حلو بس

63 comments:

Anonymous said...

انا مش هعلق

انا بس بحجز

اصلها ما حصلتش معايا قبل كده

بس الحمد لله كده فى أمل

هقرأ وارجع بقى

عصفور المدينة said...

أخي الحبيب أبومالك بارك الله فيك أنا مش كان قصدي أخوفك بس فعلا البوست الماضي كان قصير لدرجة تجعل أقل واجب تكتب تدوينة

تعليق الأخت خيخة هو تعليق شمولي وواقعي وأضم إليه كلماتك في هذه التدوينة بارك الله فيك يخرج منها التعليق اللي كان نفسي أقوله

باختصار انت اتكلمت عن حاجتبين البداية والدوافع
الجنون والاندفاع
واتكلمت عن والاستمرار
الدفء والاستمتاع
والحقيقة ما ألخصه من تعليق خيخة هو إن الحب معناه بيتغير بتغير الوقت وتغير المرحلة
ومحوره ومحور تقييمه وتقييم الحقيقي من الزائف هو أن يكون مقربا غلى الجنة ودافعا إلى النجاح وبانيا لا هادما
أضرب مثالا للحب
كنت قد ضربته في مدونة أخرى

بطفل صغير أول ما يولد يلعب به الأبوان ويدللـه كافة أفراد الأسرة ويتأملون في محاسنه وكل كلمة يقولها وكل ضحكة وكل حركة إصبع يتحركها

ثم يبدأ شكله في التحول ويخنشر كما يقولون ويقولوا ما بقاش لذيذ وهو في الحقيقة تحول إلى شخص جميل من جهات أخرى ويصلح لأشياء أخرى

ولذلك التنميط في الحب ضار جدا ومحبط وهو ما يفعله أرباب الدراما بتنميط الحب وإعطاء أنماط معينة له تكون معيارا لحياته واستمراره

الهدايا التسبيل الكلمات المنمقة الورود النظر إلى القمر أو الشمس وقت الغروب ثم الانتحار

والحقية التي أغنتني عن ضرب أمثلة لها خيخة هي أبسط اللحظات التي تعمق الحب وتحتاج إلى ابتكار وعناية وتتبع لمحاب المحبوب ومكارهه وأن تهتم به وترعاه لحظة بلحظة حيا وميتا الهموم المشتركة والأحلام والواقع بحلوه ومره والمشاركة

وألخص ذلك بقولة واحدة عندما تلتقي أحد المتحابين فإنه يذكرك حتما بالآخر وكأنك تخاطبه مهما كانا مختلفين

Anonymous said...
This comment has been removed by a blog administrator.
Anonymous said...

جزاكم الله خيرا أخى على تقسيم الحب لأنواعه
الكثير منا عندما يسمع كلمة حب سريعا مايجول بخاطره الحب الثنائى بمعناه المتدهور ان صلح التعبير...لكنه بالطبع تعبير خاطئ وظالم ايضا عندما يكون هذا المعنى هو ما يخطر بأذهاننا فقط

فهو معنى عميق واحساس وعاطفة فهو عطاء دون انتظار لمقابل

أعتقد أنه لايوجد أحد يستطيع أن يحيا دون هذا المعنى فلاشئ له معنى واحساس دونه..

ومن أعلى وأسمى أنواع الحب كما ذكرت

هو "حب الله تعالى"
فهو من أجمل معانى الحب التى يحيا بها الانسان ...فحينما تشعر بأن لشعورك اتجاه اللآخرين أصل ثابت يبنبع من أصل الحب وهو حب الله فهى من أجمل المعانى..مهما كانت طبيعة هذا الحب

يليه حب الحبيب صلوات الله عليه الرحمة المهداة

يليه كل أنواع الحب اللى ذكرت

فهو من أسمى العواطف التى يحيا بها الانسان منذ أن يولد

صاحب المضيفة said...

الحبيب ... عصفور المدينة

كلمات جاكعة وتعليق كنت ظاتمنى أن تشارك بيه في البوست لكن يكفيني زيارتك زذكرك هنا ما ذكرت

دمت بكل الخير

صاحب المضيفة said...

الكريمة ... اماني


شكرا على الاضافة الكريمة

بجد كلمات رائعة وسرد جميل ومفاهيم حلوة

ربنا يكرمك ويعزك

سلامات

Anonymous said...

لن اضيف جديدا على ما تطرقت له اخى صاحب المضيفة وما اضافه الاخ الكريم عصفور المدينة

فالكلام شامل وجامع لكل انواع الحب

لكن ان نت تقصد الحب بمعناه المتعارف عليه بين رجل وامرأة بغض النظر عن الانواع الاخرى للحب

فالحب يبدأ اذا كان في رضا الله عز وجل تحت اعين وبصر الناس في حلال شرعه الله تعالى

الحب يعني العطاء دون انتظار لمقابل من الطرف الاخر

وهو نفسه تقبل الطرف الاخر بما فيه من عيوب ومن مميزات

واعجبتني كلمة كنت قرأتها من فترة قريبة في احد ملفاتى التي احتفظ فيها بما يمر علىّ من كلمات كانت تقول

لا ترتبط بشخص تستطيع ان تعيش معه فقط ارتبط بمن لا تستطيع العيش من دونه

دمتم بكل خير اخونا الكريم

بنت الصالحين said...

ماشاء الله
ايه التدوينه العجيبه دى
خير خير

شوفت اهو استاذ عصفور دخل وكتب اهو
ربنا يباركلكم يارب

اكثر مااثارنى فى كلام الاستاذ عصفور مايحدث فعلا
يقننوا كلمه الحب جدا فى الافلام بانها علاقه بين ولد وبنت
الحب عمره ماكان كده بس
وعمر ماهنستريح ولا نحب الا بالصح

اللى بيحصل فى التليفوزيون ده اسمه سرقه اسمه قرف
مش هو ده الصح
مش هو ده الحب



وللحب اشكال وطرق عديده للوصول للحب وبدايتها
حديث رسول الله صلى الله عليه وسلم


{لا تدخلو الجنه حتى تؤمنو ولا تؤمنو حتى تحابو اولا ادلكم على شي

اذا فعلتموه تحاببتم، افشو السلام بينكم } صدق رسول الله


جزيت وبوركت ورزقك الاخلاص فى القول والعمل اللهم امين

صاحب المضيفة said...

همسة قلم ....

شكر الله لك على جميل مشاركتك

إضافة نوعية للموضوع وفعلا الواحد استفاد منكم كلكم


بارك الله بكم

صاحب المضيفة said...

الكريمة ... عاشقة الفردوس


فعلا ما ذكره أستاذنا العصفور

أن الحب قنن بصور مريعة في وقتنا الحاضر

لكن فعلا مشاركتك السابقة ممتازة ومميزة

دمت بخير

Anonymous said...

ايه الكلام الكبير ده
:))
بجد موضوع شيق جدا
اولا انا عاجبنى اوى تعليق خيخه وعصفور المدينه

يعنى وجه النظر دى عن الحب اعم واشمل من مجرد مشاعر بين ولد وبنت

احييك على الموضوع

الـسـيـدة نـون said...

اولا عايزة اطمن ياترى الحاجة اللى كنت عايزها تتظبط اتظبطت ولا محتاج اننا ندعيلك تانى
يعنى ندعى كمان ولا كفاية كدة
ثانيا البوست ده من البوستات الجميلة اللى انا قريتهالك
ثالثا
انا ماكنتش اعرف انى تعليقى على البوست اللى فات عاجبك كدة
نيهاهاهاهاهاهاع
انا مبسوطة اوى
ربنا يخليك يارب


رابعا
مبسوطة جدا كمان
علشان اسمى مكتوب فى البوست ده
هييييييييييييييه
هيييييييييييييييييييييييه

خامسا
مبسوطة جدا جدا
علشان عرفت انك كمان من عائلة ابو زيد الكريمة
البت امانى هى اللى فتنت عليك وقالتلى انك تبقى ابن عمتها

سادسا
سلامو عليكم
اختك خيخة

الـسـيـدة نـون said...

ايه ده هو انت اسمك ابو مالك
؟
ده انت اسمك حلو اوى
بجد اسمك كدة
ولا عصفور المدينة بيقولك كدة بس
اسمك بجد ابو مالك؟
الله اسمك جميل جدا

سلام
اختك خيخة

صاحب المضيفة said...

شيماء هانم


ربنا يكرمك يارب ويسعدك وأتمنى إن البوست يكون مفيد للكل

دمت بخير

صاحب المضيفة said...

والله ياست خيخة بقى

أولا الحاجه لحد النهارده لسه مش اتظبطت

يعني عاوز دعاء لحد ما أقولك خلاص

ولو إني مش عاوزك تبطليه خالص


ثانيا

بجد تعليقك المرة اللي فاتت كان روعة وعجبني جدا ... ربنا يبارك لك في شؤيف وأبوه على البوست ده

ثالثا

لو عاجبك نزول اسمك في البوست ممكن ننزله كل مرة لكن ده حسب الوقت اللي هاينزل فيه
يعني لو فترة الصبح غير فترة الظهر غير فترة نشرة تسعة وكله بحسابه
هههههههههه

رابعا

كنيتي أبومالك ولو عاجبك ممكن تتفضليه
لكن اسمي الحقيقي طبعا مش كده

وممكن بشوية تفكير من غير فتنة من اماني هاتعرفي الاسم على طول

شكرا مرة أخرى على التعليق الرائع في البوست الرائع

واتمنى انك تكوني استفدي من البوست ده
كويس جدا

ربنا يكرمك ويسعدك ويخلي لك شريف وأبوه


دمت بخير

MerMaid said...

الحب ساعات بيكون نظرة ... ساعات بيكون خفقة قلب ... ساعات بيكون لمسة ايد ... ساعات بيكون سؤال في غيبة التاني


بجد بجد

احلي ما قيل عن الحب

و بجد كنت اتمني الحق البوست اللي فات

:((

فعلا فاتني كتير

اتمني لك كل خير يا ابومالك

فرنسا هانم said...

خلصنا من الامتحان الاولانى
ربنا يستر من امتحان الفلسفه
وربنا يوفقك

دكتور حر said...

معلش يا ابو مالك

انا بدوخ من السيره دي

وشغلتي نقحت عليا شويه قلت أكتبلك كلمات النشيد ده

بيجاوبك تمام

*******
بيسألونى عن معنى كلمة حب

أنا قلت إحساس بيدخل كل قلب
وبين قلوب الناس يتبدل الإحساس
فيه ناس بتعشق نفسها وناس تحب الناس

نبدأ بحب كبير نبدأ بحب الله
حب العبد الفقير بينه وبين مولاه

يقوم من شوقه يتوضا ويسجد للكريم سجدة
ويبكى على زمن عدّا مدقش بالقلوب إحساس

والحب الثانى لينا حب محمد نبينا
اللى حبه فى قلوبنا ومنهجه بيهدينا
لما طيفه ينادينا من أنوار المدينة تسيل دمعة عنينا وده أغلى حب ياناس

والحب اللى ابتدى كله مودة ورضا
حب الأم لضناها قبل ميعاد اللقى
شهور تحلم بصورته وتحكى عن غلاوته
ومهما بشوقها قلتوا
الحب ده إحساس

ومحبة الأزواج الرحمة والسكن
حب وود وسعادة وربيع طول الزمن
إنسانة تحس جرحك عايشة حزنك وفرحك تحبها وتحبك وحبكم إخلاص

والحب اللى فى رحاب المولى يضمنا ياريت نعرف نعيشه ونخاف على بعضنا
الحب لو فى الله محلاه ياناس محلاه
ماهوش لمال أو جاه ولا يساويه ماس

فزلوكة said...

أولا : عرفت اسم تانى غير صاحب المضيفة الحمدلله
أستاذ أبو مالك
البوست ده دفعنى إنى أقرأ البوست إللى فات بتعليقاته عشان أفهم
وأنا فى إمتحانات والوقت مأزم معايا , عشان كده مطلوب من حضرتك الدعاء لإنى ضحيت بالوقت وقرأت البوستين إللى أجمل من بعض والحمدلله لاحضرتك ولا الضيوف سابولى كلام أقوله
وسلالالالالام

šσяšαяαα said...
This comment has been removed by the author.
šσяšαяαα said...

ايه دا انا اسمى مكتوب تحت عنوان اكتر تعليق ظريف

وااااااااااااو يعنى بجد مش عارفه اقول ايه

يعنى انا ظريفة(ناوية اتخانق اصلى ماتعشتش)

انا عاوزة تفسير معملى بحت وبعيدا عن اى نظرية صرصورية عشان دى بتكون تبعى انا

فالظرف بضم الظاء..مش عارفه انا ايه النحوى اللى طلعلى فى البخت دا
ماعلينا بيكون معناه حد عامل نفسه دمه خفيف
والمعنى التانى بيكون معناه حد بيقولو عليه دمه خفيف

انا مين انا فين انا ايه
صورصاااار انتهااااااا

اه نسيت اعلق لك عالبوست فى ذمرة عصافير بطنى اللى بتصوصو.. عندك عشا هنا واللا ماكملش التعليق واقوم اجبلى حاجة اكلها

ماااااعليناااااا

افضل مافى البوست انك جبت تفسير شامل متكامل عن معنى الحب

لانه الحمدلله الاعلام الجميل عندنا بيحسسنا انه مفيش غير الحب بتاع منى واحمد والقطر اللى فاتهم:))

كدا انت جبت المفيد بجد

افادكم الله

وكل عام هجرى وكل المسلمين بخير وسلام

وسلاااااام بقى شكلك مش ناوى تعزمنى على سندوشت حتى

مشروع انسان said...

الله
ايه الكلام الجميل ده
كلام من القلب اوى
وجميل اوى
انا كنت عايز اكتب برضه عن الحب
بس مش قادر برضه اكتب البوست ده
مش عايز يطلع
اصله مش سهل
ابدا ومش بسيط
مش عارف اوصف حالى بعد بوستك ده
بس بوست جميل وراقى جدا
واسف انى معلتقتش البوست اللى فات
كنت محتاج اعلق عليه
وممكن اعلق عليه
ربنا يوفقك وتبقى حياتك كلا
حب وسعادة ونعيم

Lobna Ahmed Nour said...

موضوع جميل وعرض مميز

اعتقد ان الحب دايما بيحب يفاجئنا

ويبقى حاجة غير اللي بنقولها او نكتبها
او نسمع عنها .. مع ان وصفك ووصف

المشاركين في الموضوع للحب اقترب من

حقيقته بصورة جميلة

يمكن كمان لازم نتكلم عن حب الانسان

لنفسه علشان لو كل واحد حب نفسه بجد

هيختارلها الطريق الصحيح و يعمل اللي

يسعدها في الدنيا والاخرة

كاميليا بهاء الدين said...

يقولون ان الحب كبرياء
ويقولون انه داء بلا دواء
وانه هم..عذاب..و بلاء
وانه سحابة في سماء زرقاء

فماذا اقول

فان كان الحب كرامة فهي كرامة خرساء
و ان كان الحب داء فما احلاه من داء
و ان كان الحب كبرياء فهو منكم براء
و ان كان عذاب فعذاب الحب عذب كالماء
و ان كان سحابة فهو يروي الظمآن في الصحراء


وتاه الحب بين فلسفة الفلاسفة و تحليل الادباء
وبين علم العلماء وشعر الشعراء
حتى صار الحب فتيلة حرب شعواء
فقم يا حب من مرقدك
و ارفع شكواك للقضاء
فقد ينصفك لتستعيد هيبتك وسط هذه الضوضاء

وبس كده كفاية

لو سمحت لى أنا اضافتك فى المدونات المفضلة عندى

دمت بكل الود

كاميليا

صاحب المضيفة said...

هانم MerMaid

شكرا على مرورك الجميل

ويارب يكون الكلام عجبك ويكون مفيد

دمت بخير

صاحب المضيفة said...

فرنسا هانم

الدنيا كلها امتحانات

وبعدين الواحد كده يخاف بجد

انت ست عظيمة والواحد مش قدك

كفاية علينا التعليق بتاعك

كان بجد تحفة

ربنا يكرمك ويعزك

صاحب المضيفة said...

الدكتور الحر

عمي وعم اولادي

أغنية جميلة وحلوة وجاية في وقتها برضو

ربنا يكرمك ويحبك

شكرا جزيلا

صاحب المضيفة said...

الكريمة ... فزلوكة

أولا اسمي مش ابو مالك

ده كنية مش اسم

ثانيا

ليكي شوية دعوات ان ربنا يوفقك في الامتحانات ويهديكي للصح

أمين

ثالثا

شكرا على قرايتك البوستين دول

ويارب تكوني استفدتي منهم بجد

دمت بخير

صاحب المضيفة said...

صرصارة هانم

انتي مبسوطة انك ظريفة
ومال اسمك ده بيعمل ايه

الله يسامحك

احنا مش لينا دعوة بالاعلام بتاع اليومين دول لانه بيعبر عن ثقافة تانية

ثقافة غربية بكل سلبيتاها من غير ايجابيات كتير تذكر

احنا لينا بثقافتنا الاسلامية الشرعية السمحة

الثقافة اللي بتدينا كتير من السلام والحب والاطمئنان وكتير من السعة والمرونة

احنا لازم نشوف ديننا بعين صاحية وهنلاقي فيه كتير احسن من المستورد اللي عمال ينزل علينا من كل حتة

ساعتها ... وساعتها بس

هانشعر بتمن الدين العظيم اللي احنا بننتمي ليه

ويكون لينا فخر بين كل شعوب الدنيا ونكون مرفوعين الراس

دمت بخير

صاحب المضيفة said...

اما الجيل يا غالي

ربنا يخليك ويعزك

كلامك ذوق وخفيف

ويارب يكون عجبك البوست وفادك

ممكن تستفيد بيه وتعلمه لغيرك بقى
علشان الفايدة تعم

دمت بسعاده وهنا

صاحب المضيفة said...

الكريمة ... unique

شكل تاني من أشكال حب ومش في حد ذكرها في كل اللي فات

ربنا يكرمك على تذكرتك الجميلة دي

دمت بخير

صاحب المضيفة said...

أختي كاميليا

ايه الكلام الرائع ده

تصوير أخر للحب لم يذكره أحد هنا من قبل

نظرة الناس السوداوية عن الحب كبيرة

وانت جيتي فندتي كل الكلام ده

بجد مشاركة بناءة ومهمة

دمت بخير

DR.HAMAS said...

عجبتنى إضافاتك الجديدة أخونا صاحب المضيفة

هو موضوع الحب ده عاوز موسوعات تشمله

جزاكم الله خيرا



د.حمــــــاس

DR.HAMAS said...

عجبتنى إضافاتك الجديدة أخونا صاحب المضيفة

هو موضوع الحب ده عاوز موسوعات تشمله

جزاكم الله خيرا



د.حمــــــاس

صاحب المضيفة said...

دكتور حماس ... الكريم

شكرا على مرورك الكريم

دمت بكل الخير

منى said...

يا ترى هتقول ايه بقى فى الموضوع بالفلسفه البحته؟
ا
وبجد سعيده قوى بالتعليقات
ووجهات النظر المختلفه
يلا بقى مستنين الحلقه التالته البحته
تحياتى

صاحب المضيفة said...

منى هانم

شكر على مرورك بالمضيفة

ربنا يستر ونعرف نكتب عنه الفلسفي الأدبي بس

وربنا يسهل الأمور

دمت بكل الخير

سـردية said...

أدعوك لإطلالة على تجربة لن تتمدد إلا بدعمكم
هي صفحات تهدف لتقديم التراث المصري القديم بدون اختزال ولا بسترة ولا تضخيم
هي مشاركة متواضعة ضمن المشاركات العديدة لخلق وعي بالهوية المصرية

šσяšαяαα said...

انت فاكرنى عاجبنى الاسم دا

واللا انا مبسوطة عشان بتقول انى اظرف تعليق

يبقى مش فهمت اللى كتبته صح
انا ايوة كتبت تعليقى بشكل مختلف لانى حسيت ان الكل خلاص قال كل حاجة فطلع فدماغى اتكلم بفكرة جديدة بس مش اكتر

عموما انا بشكرك على اى حال

وصرصارة دا على فكرة انا مش بحبه اوى يعنى بس بعاند نفسى لانه فى بيقولولى ياصرصور ساعات لكن مش بضايق وعشان كدا كتبت الاسم دا

ونأسف لهذا الازعاج وقطع النشرة الاخبارية:)

Unknown said...

اتفق معك فيما قلته عن الحب
ولكنى اريد
حباًاخر

اللهم احييى قلبى بحبك
واجعلنى لك كما تحب
اللهم اجعل حبيى كله لك
وسعى كله فى مرضاتك
اللهم اجعلنى احبك بقلبيى كله
وارضيك بجسدى كله

محمد said...

أنا عجبني البوست

وعجبتني التعليقات جدا

لأني كنت تخيلت أن معنى الحب قد تشوه وأن أبنائه كلهم باتوا مشوهين

لكم جزيل الشكر .. وراجعوا أنفسكم كل فترة

راجعوا أنفسكم حتى تروا أمعنى الحب لا زال كما هو أم تغير ؟؟

راجعوا أنفسكم .. ولا تسمحوا لأي شخص أن ييغير معنى الحب الذي علمنا إياه الإسلام أن يضيع

وقبل أن أنصحكم بهذا أنصح نفسي به

وجزاكم الله خيرا

صاحب المضيفة said...

الحاجه صرصارة

يبدو ان في سوء تفاهم حصل

على العموم

لو في حاجه زعلتك بلاش منها ومش نرجع لها تاني

لكن أان فعلا تعليقك عجبني جدا

دمت بكل الخير

صاحب المضيفة said...

ابن اسكندرية

شكرا على التعليق الجميل والاضافة الممتعة

دمت بكل الخير

أتمنى تكرار الزيارة

صاحب المضيفة said...

وضاح الغالي

تعليقك وجيه جدا

ويارب نمشي زي مالدين بيقول

يبقى فيه الخير في الدنيا والاخرة

شكرا على كل حال

walaa said...

الحب له صور عديده فى مجتمعنا ولا يقدر الانسان العيش بدون الحب لانه من وجهة نظرى هو مكمل لبناء الانسان والحب كثير فى حياتنا مثل
حب الوالدين الاولاد الجيران الا صدقاء الحبيب فلا عيش بدون الحب
تحياتى لك ولاء

مروة الزارع said...

على فكرة بجد

البوست دة عجبنى اكتر من اللى فات

انا حسيت بكل كلمة قلتها فعلا

الله عليك

الحب دة حاجة مش ممكن نقدر نخلص وصفها لو قعدنا قرون

مروة الزارع said...

اةةةةة

كنت هنسى

كنت محتاجة رأيك فى أخر تدوينة نزلتها

رأيك يهمنى

بس بكل صراااااااحة

صاحب المضيفة said...

الكريمة ولاء

شكرا على مشاركتك الطيبة

كلمات حلوة ومعبرة

دمت بخير

صاحب المضيفة said...

مروة هانم

شكرا على الذوق الطيب والكلام الجميل

انا رديت هناك على طول اول ما نزل البوست

دمت بكل الخير

Anonymous said...

بغض النظر عن أي جانب في الحب تتكلم أقول
يقول الشيخ علي الطنطاوي
أنا أقول من قديم : إن لغات البشر قاصرة عن التعبير عن المشاعر والعواطف ، بل أنها تعجز – أحيانا – عن تصوير بعض مشاهد الطبيعة .. لذلك أطلقنا هذه الكلمة الواحدة ذات الحرفين : الحاء : التي تمثل الحنان ، والباء : التي تبدو الشفتان عند النطق بهما كأنهما متهيئتان لقبلة .. كلمة واحدة نطلقها على ألوان متعددة ، هي إلى الاختلاف أقرب منها إلى الائتلاف

ويقول أيضا
لولا الحب ما التف الغصن على الغصن في الغابة النائية ، ولا عطفت الظبية على الطلا في الكناس البعيد ، ولا حنا الجبل على الجبل في الوادي المنعزل ، ولا أمد الينبوع الجدول الساعي نحو البحر ، ولولا الحب ما بكى الغمام لجدب الأرض ، ولا ضحكت الأرض بزهر الربيع .. ولا كانت الحياة

كتبت سابقا عن الحب في جزئين
وربما أعود للكتابة مرة أخرى في نفس الموضوع
تحياتي

صاحب المضيفة said...

العزيز ... بهاء

مشاركة أكتر من رائعه بحق

واستدلال قوي بشيخنا الطنطاوي عليه من الله واسع المغفرة والرحمات

شكرا على المداخلة الثرية

دمت بكل الود

Anonymous said...

يااااااه عليك يا عم أنس هو انا كل مادخل عليك منتهيتش من موضوع الحب ده...ياعم مبعرفش اعلق على المواضيع دي ....ههههه
على العموم جميل التسلسل قوي في الحب ده اللي انت وصفته
والحب فعلاً حاجة جميلة جداً لو كان صافي ونقي وطاهر واأجمل أن يكون حب الانسان لأخيه في الله
عموماً بوست رائع وجميل وربنا يكرمك ويزيدك ولو اني وراء قوي ومش ضامن هتقراه والا لا بس اوعدك اني هتابع االبوستات بتاعتك
سلام ابن خالك

صاحب المضيفة said...

ياعم خليفة

انا مش اقدر مش أقرا تعليقك الحلو ده

انت نصيبك كده انك تلاقي الحاجه دي هنا

لكن يالا خيرها في غيرها

سلام يا صاحبي

عاشــــــ النقاب ـقــــة"نونو" said...

انت متعرفنيش هبقى مبسوطة لو دخلت مدوناتي عشان تبقى تحلل براحتك عموما الحب دة كلمة كبيييييرة ومعانيها اكتر بالنسبة لي الحب امان وحنان
تدوينتك حلوة ومهمة بجد هكمل قراءة
http://nonoymm.maktoobblog.com/
دة رابط لمدونتي التانية زورها تنورها

صاحب المضيفة said...

أختي nonoyumm

شكرا على مرورك الكريم

مدونتك طيبة ورايقة

دمت بخير

الـسـيـدة نـون said...

فين الجديد
يا ابو مالك
وربنا يارب يوفقك
وكل اللى تتمناه تلاقيه
اختك خيخة

الـسـيـدة نـون said...

معلش جيت تانى اصل اول مرة اخد بالى ان عصفور المدينة عجبه تعليقى على البوست اللى فات
فجيت اشكره عندك هنا
سلام
اختك خيخة

صاحب المضيفة said...

الجديد قاااادم

وربنا يسهل ويكون قد المستوى

ربنا يستر

شكرا على الزيارة التانية

بحبك يامصر said...

الموضوع حلو والاضافات زادته حلاوه
بجد بوست رائع
ومحتاج كل واحد فينا يعلق عليه فى بوست مخصوص

صاحب المضيفة said...

العزيز الجيزاوي


تعليق جميل وطيب

بانتظار اضافتك الطيبة


دمت بخير

Rain man said...

بما انك بعدت عن الفلسفة
ارجعلها انا بقى
الحب للأسف فى رأيى
اشبه بقطعة ايس كريم مسمومة
شىء لذيذ
و لكنه قاتل

و الله اعلم

صاحب المضيفة said...

رجل المطر الغالي

أغرب إجابة شفتها

بصراحة ضحكتني على غرابتها

دمت بكل الود

sebofy7alo said...

الحقيقة أنا أول مرة أعلق هنا وأتمنى نكون أصدقاء
وتعليقي:
أن أي علاقة بين أي أتنين لازم تكون فيها التكامل بمعنى
هو فية حاجات هي مش فيها والعكس هي فيها حاجات مش فية هو .
فيحصل أندماج عاطفي بينهم فيتعلموا من
بعض ودة في راي أساس الأختيار

وشكرا