Friday, June 22, 2007

عيني زايغة

بجد بجد
على طول على طول
عيني زايغة
كل ساعة وكل يوم وكل دقيقة
عيني زايغة
مش عارف أعمل ايه في وسط طوفان البشر اللي باشوفهم كل يوم في كل مكان وكل حتة
بجد من كتر ما باشوف كل يوم في الشارع الواحد بقى
عينه زايغة
انتوا مش معايا إن أي واحد مننا لازم تكون عينه زايغة وهو بيشوف كل يوم أشكال من إنتهاك كرامتنا التربوية في شوارعنا
وقيمنا الأساسية في أزقتنا وحاراتنا
لازم تكون عينه زايغه من القهر اللي الواحد بيشوفه كل يوم في مواصلاتنا وحركتنا اليومية في حياتنا
عينه زايغه من كتر السلوكيات الخاطئة وأحيانا الغير أخلاقية اللي واحد بيشوفها كل يوم في أي مكان
من حق كل غيور على دينه ووطنه ومبادئه وعقيدته وأي حاجه محترمة في الدنيا أن تتقطع نفسه حسرات على ما وصل إليه حال الأمة
أن تذوب روحه من كتر النكد والحسرة على حال متردي وصلت إليه الشعوب
أن تذهب مبادئك تباعا لو ما أخذت بالك منها وتضيع منك في غير تنبه منك
أكيد كل واحد منكم عينه بتزيغ في اليوم مرات ومرات نكد وحسرة وهم وغم وكل حاجه من هذا القبيل على ما وصل ليه حالنا
بعد هذه المأساء
بجد بجد
عيني وجعتني

13 comments:

علاء said...

لا متخليش عينك تزوغ يا حلو

خليها على هدفك اللي انتا عايش عشانه
متخلش الظلم ينجح في انه يخلي عينك تزوغ عن هدفك
ربنا يحميك

النجمة الصامدة said...

ربما حقا يصيب أعيننا بعض الالم مما نراه هنا وهناك
ولكن علاجها الناجح
كثرة النظر في المصحف
ورؤية الاشياء والافعال بمنظور دعوي
يدفعك لتغييرها والتلذذ بذلك
فيروح كل ألم وعناء في سبيل الهدف
والذي لا تزوغ عنه العين أبدا


بارك الله بك وحفظ عليك عينك
:)

صاحب المضيفة said...
This comment has been removed by a blog administrator.
صاحب المضيفة said...

جزاكم الله خيرا أخي علاء على تعليقك الطريف


ويارب يصبرنا جميعا

اه يا دماغى said...

انا بسميها رؤيا مش زوغان عين
انا شخصيا ساعات بلاقى نفسى بتفرج على الناس وسلوكيتهم
واتعجب كثيرا لما اراه
شكرا لزيارتك كمدونتى
تحياتى

صاحب المضيفة said...

أختي النجمة الصامده

جزاكم الله خيرا على التعليقات الكريمة

صاحب البوابــة said...

احفظها تحفظك يا عزيزي

وصنها تصنك يا أخي

تحياتي

النجمة الصامدة said...

تسرنا دعوتكم لزيارة مدونة بناتيت
www.banateet.blogspot.com

صاحب المضيفة said...

اخي صاحب البوابة

جزيت خيرا على المرور الكريم

لكني اعني هنا الزوغان المعنوي فقط وليس الزوغان المادي

لك كل الود

شروق الشمس said...

أدعو الله لك غض البصر
والصبر على ما أوذيتم
ربنا يرحمنا في هذه الدنيا
مش عارفة هل الأهل نايمين على الأشياء اللي بتتلبس ومينفعش الواحد يقول عليها لبس.. اعتقد من كتر اعتياد الناس لهذه المظاهر أصبحت من الطبيعي أنا نراها بل ويفعلها البعض..

الناس دايمًا عاوزة حد يفكرهم بالحلال والحرام..

باللين يكون الأمر بالمعروف والنهي عن المنكر.. محاولة منا لرؤية صورة نظيفة..

والله المستعان

دكتور حر said...

اعمل زيي وعينك مش هتزوغ تاني

أو زي ما قيل لك املأها بغير ذلك مما يحب االه تعالى
وجه أمك
وجه أبيك
كتاب الله
اتفرج على الصلوات في الحرم وانظر للكعبه
انظر إلى وجوه الصالحين
وربنا يتولانا جميعا

صاحب المضيفة said...

أختي اه يا دماغي

جزيت خيرا على المشاركة الطيبة وتشريفك مدونتي المتواضعة

لكن زوغنا العين هنا زوغان معنوي فقط وليس حسي

لك كل الشكر على الزيارة

صاحب المضيفة said...

أختي شروق الشمس

جزيت خيرا على المرور الكريم

ويلريت ما تكون اخر مرة

تسعدني مشاركتك

لك كل الشكر