Thursday, December 20, 2007

أنواع النية

منذ وقت

تعلمت بفضل الله أن أتذكر النية في معظم أعمالي ولا أقول كلها لتنامي ظاهرة النسيان عندي بعض الشيء

لكن حين التفكر في عبادة النية وفضلها ... وكلكم تعرفون فضلها أكثر مني
فتجد فيها من الخير العظيم ما يعادل كثير من الأعمال العظيمة التي يبذل فيها الجهد والمال
فالنية في تصوري الضعيف تنقسم إلى قسمين


نية أحادية النفع

نية متعددة النفع


النية أحادية النفع كلنا نعرفها ... أن أطيع والدي مثلا بينة بر الوالدين ويمكن تعدد النيات فيها كما نعرف كلنا


أما النية متعددة النفع فهي النية التي تنوي معها العمل بتعدد نفعه على غيرك من الناس

نضرب مثال ...

أذهب لتوصيل أخي إلى المطار للحج ... نيتي في ذلك بجانب قضاء الحاجه مثلا ( نية احادية النفع ) أن يكون هناك نية ( أن يكون لي اجر في مناسك الحج ) وذلك لا يغني عن الحج طبعا ... لكن حين التخيل أن يكتب لك الله أجرا على ذلك بل لعله يكتب لك مثل الأجر لعلمه بنيتك أن تذهب للحج ولا تستطيع

مثال أخر


أن تذهب لإحضار محاضر مثلا في محاضرة

النية متعددة النفع ( أن تقضي حاجه كل إخوانك من المتعلمين ونشر العلم بينهم أو قضاء حوائجهم العلمية ) إلى جانب قضاء حاجة نفسك من التعلم وطلب العلم


النية متعددة النفع


هي أن تحاول أن تضع لنفسك في العمل نية يتعدى نفعها على غيرك أو أو من حولك فقط أو حتى من تعمل له طلب أو عمل
أن أضع مثلا هذا البوست عن الفكرة هان ليتعلماه غيري وينشرها فيكون لي من الأجر مثل ما له
وكل ما تنتشر الفكرة كل ما يزيد الأجر
يارب تكون الفكرة وصلت

ومن له تعليق او إضافة أو توضيح فليتحفنا به وله من الله الأجر العظيم

25 comments:

عصفور المدينة said...

جزاك الله خيرا وربما أضيف
أن النية المتعدية النفع ربما تكون في حياتك أو تستمر بعد مماتك وينفع الله بها أجيالا وأجيالا

šσяšαяαα said...

السلاااااام عليكمممم

ماشاء الله موضوع قيم جدا
ومثال لاستحضار النية لما كنت بكلم قرايبى عشان اعيد عليهم واحتسبتها صلة رحم لانى مش هقدر ازورهم لبعد المسافة
مش عارفه المثال دا مناسب للموضوع واللا ايه

عموما ربنا يجزيك كل خير
وكل سنة وحضرتك طيب

صاحب المضيفة said...

حبيبي العصفور

شكر الله لك على إضافتك القيمة

لا بد من استحضار النية قبل كل عمل

دمت بخير

صاحب المضيفة said...

أختي صرصارة

بارك الله فيكي

مثال طيب ورايق

شكر الله لك على كل حال

mohammed alsha3r said...

يارب اجعل كل اعملنا خالصه لوجهك الكريم


امين

جزاك الله خيرا على التذكرة الجميله دى

وما أعظم هذا الدين

النووووووم عبادة

الجمااااااااااااع عبادة

الرياضه عباااااااااادة


الله أكبر

محمد said...

جزاك الله خيرا

أجزت وأوفيت

كل عام وانت بخير وتقبل الله منا ومنكم

محمد الجرايحى said...

أخى الكريم : صاحب المضيفة
السلام عليكم ورحمة الله وبركاته
بارك الله فيك وأعزك
طرح طيب وقيم
وأكيد استحضار النية يجعلنا دائماً فى عبادة
واتصال مستمر بالمولى عز وجل
نسأل الله تعالى أن يتقبل منا ومنك صالح
الأعمال

أخوك
محمد

صانعة الحرية said...

السلام عليكم
وجزاكم الله خيرا
وجعله الله فى ميزان حسناتك
وربنا يذكرنا ديما بالنيه يارب
وبحب اوى متعدده النفع دى
اعرف ناس اى حاجه تعملها تقعد تعدد النوايا الى ان تصل الى عودة الخلافه
جزاكم الله خيرا

صاحب المضيفة said...

اخي محمد

شكرا على الزيارة الجميلة

أتمنى تكرار الزيارة مرات ومرات

دمت بخير

صاحب المضيفة said...

الكريم ... وضاح


جزانا واياكم ونفع بنا وبكم

دمت بكل الود

صاحب المضيفة said...

صانعة الحرية

شكرا على الدعوات الجميلات

ربنا ينعنا دايما بالنية الصالحة في كل وقت وحين


دمت بخير

الـسـيـدة نـون said...

بصراحة معنديش اى مثال دلوقتى علشان اذكره
بس انا قلت اعدى عليك علشان متقولش عليا انى مقصرة
واظن كدة انى مش حرماك من اى حاجة ادينى عديت اهه ودحرجت السلام
وانت اللى ماكنتش موجود
اظن عدانى العيب وازح
كل سنة وانت طيب
الا صحيح الحاجة عرفت تظبطها ولا لسة معرفتش
ابقى طمنا
اختك خيخة

Anonymous said...

خيخة هانم

نورتي المضيفة واللي فيها

السلام ادحرج ووصل كمان

وشكرا جدا على التشريفة الي زي الفل دي

انما الحاجه بقى لسه والله

انتي قلبتي المواجع لكن عزايا انك ان شاء الله هتدعي ربنا يفكها من عنده

سلامي لشريف بيه

MKSARAT - SAYED SAAD said...

صاحب المضيفة الكريم
كل سنة وانت طيب ويارب تكون ظبط الحاجة اللي كنت عايزها
الاعمال بالنيات ولكل امرء ما نوى
مدونتك جميلةواشكرك على تهنئة العيد
تحياتي ومودتى وتنمايى بالتواصل مع المكسرات

Maha said...

بارك الله فيك .. تدوينة طيبة جدا :)

السنة دي في مادة الحديث .. تناقشنا في الجمع بين عدة نوايا

وكنقاط سريعة :

يجوز الجمع بين عدة نوايا في السنن

يعني مثلا صوم رمضان فرض .. مجيش يوم 13 رمضان وأقول أنا صايم رمضان وصايم الأيام البيض

لكن مثلا يجوز لي أن أجمع بين صيام الأيام البيض وصيام الاثنين أو الخميس لو وافقاهم وأي سنة صيام أخرى

***

حاجة تانية .. مثلا لو جمعت بين نية لله ونيه مباحة .. زي مثلا إني أصوم وفي نفس الوقت عايزة أنقص من وزني
أو مثلا عايزة أتوضأ وفي نفس الوقت أتبرد من الحر

يقاال وهو رأي لي تحفظ بشأنه إن العمل يكون صحيح بس الأجر ينقص

أنا مش مقتنعة بالرأي ده .. ليه ينقص الأجر ما دام مباحا

***

أما بقى لجمع النيات لله .. فهي تعامل ذكي في التجارة مع الله .. أنت تقدم لنفسك أمام الله عدة نيات .. ربما فسدت إحداها فتصلح الأخرى فتنجو

الحمد لله .. ربنا يتقبل منا

جزاك الله خيرا

مشروع انسان said...

السلام عليكم
جميل ان الواحد يعدد نواياه
فبنية متعددة كهذه
يبلغ منازل عدة
وكل هذا بنيته فقط
سبحان الله
المهم عزمة ايضا
بالتاكيد

نقطة مية said...

المهم ننوي الخير بس..الايام دي الناس بقت وحوش
بوست قيم جدا

مروة الزارع said...

بجد جزاك الله خيرا

اول مرة اعرف المعلومة دى

قيمة بجد

صاحب المضيفة said...

عم سيد

مكسراتك جميلة ورايقة

ربنا يكرمك ويعزك

كل سنة وانت طيب ويارب تكون على عرفات السنة اللي جاية

دمت بكل الخير

صاحب المضيفة said...

أختي مها

إضافة قيمة جزاكم الله خير

فعلا وهل ينقص الأجر بعمل المباح ؟؟؟


دمت بكل الخير

صاحب المضيفة said...

إمام الجيل

هذا هو السباق مع الله في وقت أصبح فيه الحصول على السيئة أسهل بكثير من الحصول على الحسنة

كان الله لنا جميعا

دمت بود

صاحب المضيفة said...

نقطة مية

شكرا على المرور الطيب

ويارب يكون البوست نفع

دمت بكل الود

صاحب المضيفة said...

أختي مروة الزارع


شكرا على المرور الكريم


ويارب تستفيدي أكتر من المضيفة

أتشرف بزيارتك دوما

semsem said...

تدوينه جميله جدا
لشخص اجمل

صاحب المضيفة said...

الكريمة سمسم

ربنا يكرمك وده من ذوقك بجد

دمت بكل الود